ആദ്യം കാപ്പി വേണ്ട, വെറും വയറ്റിൽ ഓട്ടം വേണ്ടേ വേണ്ട; ഈ 5 പ്രഭാത ശീലങ്ങൾ ആരോഗ്യം തകർക്കും

പ്രഭാതഭക്ഷണത്തെ ഒരു ദിവസത്തിലെ ഏറ്റവും പ്രധാനപ്പെട്ട ഭക്ഷണം എന്ന് വിളിക്കുന്നു. പ്രഭാത ഭക്ഷണശീലങ്ങളാണ് ആ ദിവസത്തേക്ക് നിങ്ങളെ സജ്ജമാക്കുന്നത്. അതിനാലാണ് പ്രഭാത ഭക്ഷണം ഒഴിവാക്കരുതെന്ന് പറയുന്നത്. നിങ്ങളുടെ ഊർജം, ശ്രദ്ധ, മാനസികാവസ്ഥ, ദഹനം എന്നിവയെ പോലും ഇത് ബാധിക്കുന്നു. പ്രഭാത ഭക്ഷണം നന്നായി ആസൂത്രണം ചെയ്തില്ലെങ്കിൽ, നിങ്ങൾക്ക് ക്ഷീണം, വയറു വീർക്കൽ അല്ലെങ്കിൽ ഉച്ചയോടെ എന്തെങ്കിലും കഴിക്കാൻ ആഗ്രഹം തോന്നാം.

ചിലപ്പോൾ നിങ്ങൾ ചെയ്യുന്നതെല്ലാം ശരിയായിരിക്കാം, പക്ഷേ ഉച്ചകഴിഞ്ഞ് അസ്വസ്ഥത അനുഭവപ്പെടും. ഇതിനു കാരണം രാവിലെ നിങ്ങൾ ശ്രദ്ധിക്കാതെ പോകുന്ന ചില ലളിതമായ തെറ്റുകളാണ്. ചിലപ്പോൾ ആരോഗ്യകരമായ പ്രഭാത ശീലങ്ങൾ നിങ്ങളുടെ ശരീരത്തിന്റെ താളം തെറ്റിച്ചേക്കാം. ആരോഗ്യകരമായ ശീലങ്ങൾ എന്നു കരുതി നിങ്ങൾ ചെയ്യുന്ന ചില തെറ്റുകൾ തിരിച്ചറിയാം. 

1. രാവിലെ ധാരാളം വെള്ളം കുടിക്കുക

ജലാംശം നല്ലതാണെങ്കിലും, രാവിലെ ആദ്യം ധാരാളം വെള്ളം കുടിക്കുന്നത് നല്ലതല്ല. ഒന്നിലധികം ഗ്ലാസ് വെള്ളം കുടിക്കുന്നത് നല്ലതെന്ന് പലരും കരുതിയേക്കാം. എന്നാൽ എല്ലാം മിതമായാണ് വേണ്ടത്. ഉണർന്ന ഉടനെ മൂന്നോ നാലോ ഗ്ലാസ് വെള്ളം കുടിക്കുമ്പോൾ, നിങ്ങളുടെ വയറ്റിൽ നിന്ന് ഒരു രാത്രി മുഴുവൻ അടിഞ്ഞുകൂടിയ ആമാശയത്തിലെ ആസിഡെല്ലാം നിങ്ങൾ കഴുകിക്കളയുകയാണ്. ആ ആസിഡ് ഭക്ഷണത്തെ തകർക്കുമെന്ന് കരുതപ്പെടുന്നു. അത് വളരെയധികം നേർപ്പിക്കുന്നത് നിങ്ങളുടെ ദഹനത്തെ തടസപ്പെടുത്തുന്നു, അതുകൊണ്ടാണ് നിങ്ങൾ പ്രഭാതഭക്ഷണം കഴിക്കുന്നതിന് മുമ്പ് തന്നെ വയറു വീർക്കുന്നത്. രാവിലെ ഒരു ഗ്ലാസ് വെള്ളം മാത്രം കുടിക്കുക. അതുകഴിഞ്ഞ് 30 മിനിറ്റിനുള്ളിൽ എന്തെങ്കിലും കഴിക്കുക.

Also Read: ഒരു മാസത്തേക്ക് ദിവസവും ഗ്രീൻ ടീ കുടിച്ചാൽ എന്ത് സംഭവിക്കും?

2. രാവിലെ പഴച്ചാറുകൾ കുടിക്കുക

പഴച്ചാറുകൾ രക്തത്തിലെ പഞ്ചസാരയുടെ അളവ് വേഗത്തിൽ വർധിപ്പിക്കുന്നു. രാവിലെ കുടിച്ചു കഴിഞ്ഞ് ഒരു മണിക്കൂറോളം നിങ്ങൾക്ക് നല്ല ഊർജം കിട്ടുന്നതായി തോന്നു. പക്ഷേ, തുടർന്ന് ഊർജം കുറഞ്ഞ് ക്ഷീണം അനുഭവപ്പെടാൻ തുടങ്ങും. പഴച്ചാറിൽ പ്രോട്ടീൻ പൗഡറോ നട്ട് ബട്ടറോ ചേർക്കുക. ഇവ നിങ്ങളുടെ പഴച്ചാറിൽ ചേർക്കുമ്പോൾ, പഞ്ചസാരയുടെ അളവ് കുറയുകയും ഊർജം സ്ഥിരമായി നിലനിൽക്കുകയും ചെയ്യും.

Also Read: കരളിനെ കേടാക്കാതെ കൊഴുപ്പ് ഉരുക്കാം; ഈ അളവിൽ കട്ടൻ കാപ്പി കുടിക്കൂ

3. ഒഴിഞ്ഞ വയറ്റിൽ ഓടുക

ചിലപ്പോൾ ആളുകൾ അതിരാവിലെ ഒഴിഞ്ഞ വയറ്റിൽ ഓടാൻ പോകുന്നു. ഇത് സ്ട്രെസ് ഹോർമോണുകളെ വർധിപ്പിക്കുകയും പ്രകടനത്തെയും ഫിറ്റ്നസ് ഫലങ്ങളെയും പോലും തടസപ്പെടുത്തുകയും ചെയ്യും. മിക്ക ആളുകൾക്കും, ഒഴിഞ്ഞ വയറ്റിൽ വ്യായാമം ചെയ്യുന്നത് കോർട്ടിസോളിന്റെ അളവ് വർധിപ്പിക്കുന്നു. ആ സ്ട്രെസ് ഹോർമോൺ വ്യായാമത്തെ പത്തിരട്ടി കഠിനമാക്കുകയും നിങ്ങൾ പിന്തുടരുന്ന ഫലങ്ങളെ യഥാർത്ഥത്തിൽ തടസപ്പെടുത്തുകയും ചെയ്യും.

4. ഭക്ഷണത്തിന് മുമ്പുള്ള കാപ്പി

ഒഴിഞ്ഞ വയറ്റിൽ കാപ്പി കുടിക്കുന്നത് ദഹനവ്യവസ്ഥയെ പ്രതികൂലമായി ബാധിച്ചേക്കാം. ഇത് അസിഡിറ്റിക്ക് കാരണമായേക്കാം. കഫീൻ വയറ്റിൽ ആസിഡ് ഉത്പാദനം വർധിപ്പിക്കും. അത് കൈകാര്യം ചെയ്യാൻ ആമാശയത്തിൽ ഒന്നുമില്ലാത്തപ്പോൾ, ആ ആസിഡ് അസ്വസ്ഥത ഉണ്ടാക്കുന്നു, ചിലപ്പോൾ ഓക്കാനം പോലും ഉണ്ടാക്കുന്നു. ഇതിനർത്ഥം, രാവിലെ കാപ്പി കുടിക്കുന്നത് നിർത്തണമെന്നല്ല. രാവിലെ കാപ്പി കുടിക്കുന്നതിന് മുമ്പ് നട്‌സ് അല്ലെങ്കിൽ ടോസ്റ്റ് കഴിക്കുക.

Also Read: ഇഡ്ഡലിയും ഉപ്പുമാവും പ്രശ്നക്കാരാണ്; മറഞ്ഞിരിക്കുന്ന പഞ്ചസാരയെക്കുറിച്ച് ഡോക്ടറുടെ മുന്നറിയിപ്പ്

5. പ്രഭാതഭക്ഷണം ഒഴിവാക്കുക

പ്രഭാതഭക്ഷണം പൂർണ്ണമായും ഒഴിവാക്കുന്നത് ആരോഗ്യകരമായ ഒരു ആശയമല്ല. പ്രഭാതഭക്ഷണം ഒഴിവാക്കുന്ന ഒരാൾ പിന്നീട് അമിതമായി ഭക്ഷണം കഴിക്കാനുള്ള സാധ്യത കൂടുതലാണ്. ഉച്ചഭക്ഷണം കഴിയുമ്പോൾ, അവർക്ക് വളരെ വിശക്കുന്നു, അവർ അമിതമായി ഭക്ഷണം കഴിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കരൾ സുരക്ഷിതമാക്കാം; ഈ വൈറ്റമിൻ ഫാറ്റി ലിവർ രോഗം തടയും