ഭക്ഷണത്തിന് ശേഷം പെരുംജീരകം ചവച്ചാലുള്ള 5 ആരോഗ്യ ഗുണങ്ങൾ

ഭക്ഷണം പാചകം ചെയ്യുമ്പോൾ രുചിയും മണവും കൂട്ടാനായി പെരുംജീരകം ചേർക്കാറുണ്ട്. ദഹനസംബന്ധമായ പ്രശ്നങ്ങൾക്കുള്ള മരുന്നായി ആയുർവേദത്തിലും പരമ്പരാഗത വൈദ്യശാസ്ത്രത്തിലും നൂറ്റാണ്ടുകളായി ഈ ചെറിയ സുഗന്ധവ്യഞ്ജനം ഉപയോഗിച്ചുവരുന്നു. എന്നാൽ, ഭക്ഷണത്തിനുശേഷം പെരുംജീരകം ചവച്ചാൽ കിട്ടുന്ന ചില ഗുണങ്ങളുണ്ട്.

ഭക്ഷണത്തിനു ശേഷം പെരുംജീരകം ചവയ്ക്കുന്നത് ശ്വസനം മെച്ചപ്പെടുത്തുന്നു. പെരുംജീരകം ആന്റിഓക്‌സിഡന്റുകളാലും നാരുകളാലും സമ്പുഷ്ടമാണ്. ഭക്ഷണത്തിനു ശേഷം ചവയ്ക്കുമ്പോൾ ദഹനത്തെ സഹായിക്കുകയും, വയറു വീർക്കുന്നത് കുറയ്ക്കുകയും, ഹോർമോൺ ബാലൻസിന് സഹായിക്കുകയും ചെയ്യുന്നു. ഭക്ഷണത്തിന് ശേഷം പെരുംജീരകം ചവച്ചാലുള്ള 5 ആരോഗ്യ ഗുണങ്ങൾ അറിയാം. 

Also Read: 108 കിലോയിൽ നിന്ന് 60 കിലോയായി വണ്ണം കുറച്ചു; അതിശയിപ്പിച്ച് ഡോക്ടർ പൂർണിമ

1. ദഹനം മെച്ചപ്പെടുത്തുന്നു

പെരുംജീരകത്തിൽ അനിതോൾ, ഫെൻ‌ചോൺ, എസ്ട്രാഗോൾ തുടങ്ങിയവ അടങ്ങിയിട്ടുണ്ട്. ഇത് ദഹന എൻസൈമുകളുടെ സ്രവത്തെ ഉത്തേജിപ്പിക്കുന്നു. ഇതിലൂടെ പോഷകങ്ങൾ നന്നായി ആഗിരണം ചെയ്യുന്നതിനും ദഹനം വേഗത്തിലാക്കുന്നതിനും സഹായിക്കുന്നു. 

2. വയർ വീർക്കലും ഗ്യാസും കുറയ്ക്കുന്നു

പെരുംജീരകത്തിന്റെ ആന്റി-സ്പാസ്മോഡിക് ഗുണങ്ങൾ കുടലിലെ പേശികളെ വിശ്രമിക്കാൻ സഹായിക്കുന്നു. മലബന്ധം, ഗ്യാസ് അടക്കമുള്ള ദഹനസംബന്ധമായ പ്രശ്നങ്ങൾ കുറയ്ക്കുന്നു. 

Also Read: വയർ കുറച്ച് അരക്കെട്ട് മനോഹരമാക്കാൻ ഈ 4 ഭക്ഷണങ്ങൾ ഉപേക്ഷിച്ചോളൂ

3. പ്രകൃതിദത്ത മൗത്ത് ഫ്രെഷനറായി പ്രവർത്തിക്കുന്നു

പെരുംജീരകം വായ്‌നാറ്റത്തെ ചെറുക്കുന്നു. രാസവസ്തുക്കൾ അടങ്ങിയ മൗത്ത് ഫ്രെഷനറുകളിൽ നിന്ന് വ്യത്യസ്തമായി, പെരുംജീരകം ദഹനത്തെ സഹായിക്കുകയും വായ്നാറ്റം അകറ്റുകയും ചെയ്യുന്നു.

4. ഹോർമോൺ ബാലൻസിന് സഹായിക്കുന്നു

പെരുംജീരകത്തിൽ സസ്യ അധിഷ്ഠിത സംയുക്തങ്ങളായ ഫൈറ്റോ ഈസ്ട്രജൻ അടങ്ങിയിട്ടുണ്ട്. ആർത്തവ ക്രമക്കേടുകൾ, വയറു വീർക്കൽ, അല്ലെങ്കിൽ മൂഡ് സ്വിങ്സ് എന്നിവ അനുഭവിക്കുന്ന സ്ത്രീകൾക്ക് ഗുണം ചെയ്യും.

Also Read: മുഴുവൻ മുട്ടയോ അതോ മുട്ടയുടെ വെള്ളയോ? ഏതിലാണ് കൂടുതൽ പ്രോട്ടീനുള്ളത്?

5. ശരീരഭാരം നിയന്ത്രിക്കാൻ സഹായിക്കുന്നു

പെരുംജീരകത്തിൽ ധാരാളം നാരുകൾ അടങ്ങിയിട്ടുണ്ട്. ഇത് വയറു നിറയാനും സംതൃപ്തി തോന്നാനും സഹായിക്കുന്നു. ഭക്ഷണത്തിനുശേഷം അവ ചവയ്ക്കുന്നത് അനാവശ്യമായ ലഘുഭക്ഷണം കുറയ്ക്കുകയും കാലക്രമേണ ഭാരം നിയന്ത്രിക്കാൻ സഹായിക്കുകയും ചെയ്യും.

പെരുംജീരകം എങ്ങനെ കഴിക്കാം?

പ്രധാന ഭക്ഷണത്തിന് ശേഷം അര ടീസ്പൂൺ പച്ച പെരുംജീരകം ചവയ്ക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 10 കിലോ കുറയ്ക്കണോ? ആദ്യം ഈ ഭക്ഷണങ്ങൾ ഒഴിവാക്കുക