എത്ര കടുത്ത മലബന്ധവും മാറിക്കിട്ടും, കഴിക്കാം ഈ 4 ഭക്ഷണങ്ങൾ

മലബന്ധം പലരെയും അലട്ടുന്ന ഒരു പ്രധാന ആരോഗ്യപ്രശ്നമാണ്. പോഷകാഹാര വിദഗ്ധയായ ദീപ്ശിഖ ജെയിൻ മലബന്ധം അകറ്റാൻ സഹായിക്കുന്ന നാല് പ്രകൃതിദത്ത ഭക്ഷണങ്ങളെക്കുറിച്ച് വിശദീകരിച്ചിട്ടുണ്ട്.

ബ്ലാക്ക് പ്രൂൺസ്

നാലോ അഞ്ചോ ബ്ലാക്ക് പ്രൂൺസ് രാത്രിയിൽ വെള്ളത്തിൽ കുതിർത്ത് വെച്ച് രാവിലെ വെറും വയറ്റിൽ കഴിക്കുന്നത് ശീലമാക്കുക. ഇതിലടങ്ങിയിരിക്കുന്ന 'സോർബിറ്റോൾ' എന്ന ഘടകം സ്വാഭാവികമായ ഒരു ലാക്സേറ്റീവ് ആയി പ്രവർത്തിക്കുകയും മലശോധന സുഗമമാക്കുകയും ചെയ്യുന്നു.

നാരുകളടങ്ങിയ പച്ചക്കറികൾ

ദിവസവും കുറഞ്ഞത് രണ്ട് അല്ലെങ്കിൽ മൂന്ന് തവണയെങ്കിലും പച്ചക്കറികൾ ഭക്ഷണത്തിൽ ഉൾപ്പെടുത്തണം. പച്ചക്കറികളിലെ നാരുകൾ കുടലിലൂടെയുള്ള മലത്തിന്റെ ചലനം എളുപ്പമാക്കുകയും ചെയ്യുന്നു.

കട്ടൻ കാപ്പി

ഒരു കപ്പ് കട്ടൻ കാപ്പി കുടിക്കുന്നത് വൻകുടലിലെ പേശികളുടെ ചലനം വേഗത്തിലാക്കാൻ സഹായിക്കും. ഇത് ദഹനപ്രക്രിയ ത്വരിതപ്പെടുത്തുകയും വയർ പെട്ടെന്ന് ശൂന്യമാക്കാൻ സഹായിക്കുകയും ചെയ്യും.

ഡ്രാഗൺ ഫ്രൂട്ട് അല്ലെങ്കിൽ കിവി

നാരുകളാലും ജലാംശത്താലും സമ്പന്നമാണ് ഡ്രാഗൺ ഫ്രൂട്ടും കിവി പഴവും. ഇത് മലബന്ധം കുറയ്ക്കാനും കൃത്യമായ മലശോധന ഉറപ്പാക്കാനും സഹായിക്കുന്നു.

മേൽപ്പറഞ്ഞ പ്രകൃതിദത്ത വഴികൾ പരീക്ഷിച്ചിട്ടും മലബന്ധത്തിന് മാറ്റമില്ലെങ്കിൽ അത് ശരീരത്തിൽ മഗ്നീഷ്യത്തിന്റെ കുറവോ അല്ലെങ്കിൽ തൈറോയ്ഡ് സംബന്ധമായ പ്രശ്നങ്ങളുടെയോ ലക്ഷണമാകാം. അത്തരം സാഹചര്യങ്ങളിൽ സ്വയം ചികിത്സ ഒഴിവാക്കി ഒരു ഡോക്ടറുടെ നിർദ്ദേശം തേടേണ്ടതാണ്.