scorecardresearch

ഈന്തപ്പഴം കുതിർക്കണോ? ഒരു ദിവസം എത്ര എണ്ണം കഴിക്കണം

ദിവസവും ഈന്തപ്പഴം കഴിച്ചാൽ പലവിധ രോഗങ്ങളെ അകറ്റി നിർത്താം

ഈന്തപ്പഴം കുതിർക്കണോ? ഒരു ദിവസം എത്ര എണ്ണം കഴിക്കണം

ഫോസ്ഫറസ്, പൊട്ടാസ്യം, കാൽസ്യം, മഗ്നീഷ്യം എന്നിവയുൾപ്പെടെ അസ്ഥി സൗഹൃദ ധാതുക്കളുടെ ഉറവിടമാണ് ഈന്തപ്പഴം. ആരോഗ്യകരവും ശക്തവുമായ അസ്ഥികൾക്ക് ആവശ്യമായ വിറ്റാമിൻ കെ യുടെ ഉറവിടം കൂടിയാണവ. ഈന്തപ്പഴത്തിൽ ഉയർന്ന അളവിൽ പ്രകൃതിദത്ത പഞ്ചസാര അടങ്ങിയിട്ടുണ്ട്. ഈന്തപ്പഴത്തിലെ ഉയർന്ന കലോറി ഉള്ളടക്കം ദിവസം മുഴുവൻ ഊർജം നൽകുന്നു.

ദിവസവും ഈന്തപ്പഴം കഴിച്ചാലുള്ള ഗുണങ്ങൾ ഏറെയാണ്. പലവിധ രോഗങ്ങളെയും ഇതിലൂടെ അകറ്റി നിർത്താൻ സാധിക്കുമെന്ന് ഡോ.ദിക്സ ഭാവ്സർ ഇൻസ്റ്റഗ്രാമിൽ പങ്കുവച്ച വീഡിയോയിൽ പറയുന്നു. ദിവസവും 4 ഈന്തപ്പഴം വീതം കഴിച്ചാൽ താഴെ പറയുന്ന രോഗങ്ങളെ തടയാമെന്ന് അവർ വ്യക്തമാക്കി.

  1. മലബന്ധം തടയുന്നു.
  2. ഹൃദയാരോഗ്യം മെച്ചപ്പെടുത്തുന്നു.
  3. ആരോഗ്യകരമായ കൊളസ്ട്രോൾ നിയന്ത്രിക്കാൻ സഹായിക്കുന്നു.
  4. അസ്ഥികളുടെ ആരോഗ്യം മെച്ചപ്പെടുത്തുന്നു.
  5. രക്തസമ്മർദം നിയന്ത്രിക്കുന്നു.
  6. ആണിനും പെണ്ണിനും ലൈംഗികശേഷി വർധിപ്പിക്കുന്നു.
  7. തലച്ചോറിന്റെ ആരോഗ്യം പ്രോത്സാഹിപ്പിക്കുന്നു.
  8. ക്ഷീണം (ബലഹീനത) ഒഴിവാക്കുന്നു.
  9. അനീമിയയ്ക്ക് ഉത്തമം.
  10. ആരോഗ്യകരമായ ശരീരഭാരം വർധിപ്പിക്കുന്നു.
  11. ഹെമറോയ്ഡുകൾ (പൈൽസ്) തടയുക.
  12. വീക്കം തടയുന്നു.
  13. ആരോഗ്യകരമായ ഗർഭധാരണത്തെ പിന്തുണയ്ക്കുന്നു.
  14. ചർമ്മത്തിനും മുടിക്കും മികച്ചത്.

ഈന്തപ്പഴം കഴിക്കുന്നതിനുള്ള അനുയോജ്യമായ സമയം

  1. രാവിലെ വെറും വയറ്റിൽ
  2. മദ്ധ്യാഹ്ന ലഘുഭക്ഷണമായി
  3. മധുരം കഴിക്കാൻ തോന്നുമ്പോഴെല്ലാം
  4. ഉറക്കസമയം നെയ്യിനൊപ്പം (ഭാരം കൂട്ടാൻ).

ഒരു ദിവസം എത്ര എണ്ണം കഴിക്കാം

തുടക്കത്തിൽ 2 എണ്ണം മതിയാകും. ശരീര ഭാരം കൂട്ടാൻ ആഗ്രഹിക്കുന്നവർക്ക് ദിവസം 4 എണ്ണം വീതം കഴിക്കാം.

ഈന്തപ്പഴം എന്തിന് കുതിർക്കണം?

കുതിർക്കുന്നതിലൂടെ അവയിൽ അടങ്ങിയിരിക്കുന്ന ടാന്നിൻസ് / ഫൈറ്റിക് ആസിഡ് നീക്കം ചെയ്യുന്നു. അവയിൽ നിന്ന് പോഷകങ്ങൾ ആഗിരണം ചെയ്യുന്നത് എളുപ്പമാക്കുന്നു. കുതിർക്കുന്നതിലൂടെ അവ ദഹിക്കാനും എളുപ്പമാണ്. 8-10 മണിക്കൂർവരെ കുതിർത്തശേഷം കഴിക്കുക. ശരീരഭാരവും കുറവുള്ളവരും ഹീമോഗ്ലോബിനും (ഇരുമ്പ്) കുറഞ്ഞ പ്രതിരോധശേഷിയുമുള്ള ആളുകൾ ദിവസവും ഈത്തപ്പഴം കഴിക്കുന്നത് വളരെ നല്ലതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Stay updated with the latest news headlines and all the latest Health news download Indian Express Malayalam App.

Web Title: 4 dates everyday plenty of benefits