വണ്ണം കുറയ്ക്കാൻ മികച്ചത് ശൈത്യകാലം, എന്തുകൊണ്ട്?

ശൈത്യകാലം സാധാരണയായി ശരീരഭാരം കൂടുന്ന സമയമായാണ് കരുതപ്പെടുന്നത്. കenറി കൂടിയ ഭക്ഷണങ്ങൾ, വ്യായാമത്തിന്റെ കുറവ്, മടി എന്നിവയെല്ലാമാണ് ഇതിന് കാരണമായി പറയാറുള്ളത്. എന്നാൽ ന്യൂട്രീഷ്യനിസ്റ്റ് നമാമി അഗർവാൾ ഈ ധാരണ തെറ്റാണെന്ന് ചൂണ്ടിക്കാണിക്കുന്നു.

കൃത്യമായി പ്രയോജനപ്പെടുത്തിയാൽ ശരീരഭാരം കുറയ്ക്കാൻ ഏറ്റവും അനുയോജ്യമായ സമയമാണ് ശൈത്യകാലമെന്ന് അവർ ഇൻസ്റ്റഗ്രാമിലൂടെ വ്യക്തമാക്കുന്നു.

തണുപ്പുകാലം ശരീര ഭാരം കുറയ്ക്കാൻ ഏറ്റവും അനുയോജ്യമായ സമയമാണെന്ന് പറയുന്ന മൂന്ന് പ്രധാന കാരണങ്ങൾ നോക്കാം.

മെറ്റബോളിസം വർധിക്കുന്നു: തണുപ്പുകാലത്ത് ശരീരത്തിലെ താപനില നിലനിർത്താൻ നമ്മുടെ ശരീരം കൂടുതൽ കഠിനമായി പരിശ്രമിക്കേണ്ടി വരും. ശരീരം സ്വയം ചൂടാക്കാൻ കൂടുതൽ ഊർജ്ജം ഉപയോഗിക്കുന്നതിനാൽ, സ്വാഭാവികമായും കാലറി കത്തുന്ന പ്രക്രിയ വേഗത്തിലാകുന്നു. ഇത് അമിതഭാരം കുറയ്ക്കാൻ വളരെയധികം സഹായിക്കും.

ബ്രൗൺ ഫാറ്റിന്റെ പ്രവർത്തനം: നമ്മുടെ ശരീരത്തിൽ 'വൈറ്റ് ഫാറ്റ്', 'ബ്രൗൺ ഫാറ്റ്' എന്നിങ്ങനെ രണ്ട് തരം കൊഴുപ്പുകളാണുള്ളത്. ഇതിൽ ബ്രൗൺ ഫാറ്റ് ശരീരത്തിന് ഗുണകരമാണ്. തണുപ്പുള്ള കാലാവസ്ഥയിൽ ബ്രൗൺ ഫാറ്റ് കൂടുതൽ സജീവമാവുകയും, അത് ശരീരത്തിലെ അനാവശ്യമായ വൈറ്റ് ഫാറ്റിനെ കത്തിച്ചു കളയാൻ സഹായിക്കുകയും ചെയ്യുന്നു.

സീസണൽ പച്ചക്കറികളുടെ ലഭ്യത: ശൈത്യകാലം വൈവിധ്യമാർന്ന ഇലക്കറികളുടെയും പച്ചക്കറികളുടെയും കാലമാണ്. ചീര, കാരറ്റ്, വെണ്ടയ്ക്ക, മുള്ളങ്കി തുടങ്ങിയ നാരുകൾ ധാരാളം അടങ്ങിയ ഭക്ഷണങ്ങൾ ഈ സമയത്ത് സുലഭമായി ലഭിക്കും. ഇവ ഭക്ഷണത്തിൽ ഉൾപ്പെടുത്തുന്നത് വിശപ്പ് നിയന്ത്രിക്കാനും ദഹനം മെച്ചപ്പെടുത്തി ഭാരം കുറയ്ക്കാനും സഹായിക്കും.

DISCLAIMER

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.