എത്ര ശ്രമിച്ചിട്ടും ശരീര ഭാരം കുറയുന്നില്ലേ? ഈ 3 അബദ്ധങ്ങൾ തിരിച്ചറിയുക

ഭാ​രം കു​റ​യ്​​ക്കാ​ൻ തീ​വ്ര​മാ​യി ശ്ര​മി​ച്ചി​ട്ടും ഫ​ലം കാ​ണു​ന്നി​ല്ലേ? പ​ല​പ്പോ​ഴും ഇ​തി​നു​ള്ള കാ​ര​ണം, 'ആ​രോ​ഗ്യ​ക​രം' എ​ന്ന് നാം ​ക​രു​തു​ന്ന ചി​ല ഭ​ക്ഷ​ണ​ശീ​ല​ങ്ങ​ളി​ലെ ചെ​റി​യ പി​ഴ​വു​ക​ളാ​കാം. ഈ ​ചെ​റി​യ അ​ബ​ദ്ധ​ങ്ങ​ൾ ന​മ്മു​ടെ മെ​റ്റ​ബോ​ളി​സ​ത്തെ താ​ളം​തെ​റ്റി​ക്കു​ക​യും കൊ​ഴു​പ്പ് ക​ത്തു​ന്ന പ്ര​ക്രി​യ​യെ മെ​ല്ലെ​യാ​ക്കു​ക​യും ചെ​യ്യും.

ന്യൂ​ട്രി​ഷ​നി​സ്റ്റ് ല​വ്നീ​ത് ബ​ത്ര തന്റെ സോ​ഷ്യ​ൽ മീ​ഡി​യ പോ​സ്റ്റി​ലൂ​ടെ ഇ​ത്ത​രം മൂ​ന്ന് പ്ര​ധാ​ന പോ​ഷ​കാ​ഹാ​ര പി​ഴ​വു​ക​ൾ എ​ടു​ത്തു​കാ​ണി​ച്ചിട്ടുണ്ട്. അ​റി​യാ​തെ മെ​റ്റ​ബോ​ളി​സ​ത്തെ ത​ക​ർ​ക്കു​ന്ന 3 നി​ശ​ബ്ദ പോ​ഷ​കാ​ഹാ​ര പി​ഴ​വു​ക​ളാ​ണ് ശരീര ഭാരം കുറയാത്തതിനു കാ​ര​ണമെന്ന് അ​വ​ർ പ​റ​യു​ന്നു.

പ്രോ​ട്ടീ​ൻ കു​റ​ഞ്ഞ പ്ര​ഭാ​ത​ഭ​ക്ഷ​ണം അ​ല്ലെ​ങ്കി​ൽ ഉ​പ​വാ​സം

രാ​വി​ലെ​യു​ള്ള ഭ​ക്ഷ​ണം പ്രോ​ട്ടീ​ൻ കു​റ​ഞ്ഞ​താ​യി​രി​ക്കു​ക​യോ, അ​ല്ലെ​ങ്കി​ൽ പ്ര​ഭാ​ത​ഭ​ക്ഷ​ണം ഒ​ഴി​വാ​ക്കി ഉ​പ​വ​സി​ക്കു​ക​യോ ചെ​യ്യു​ന്ന​താ​ണ് ഒ​ന്നാ​മ​ത്തെ തെറ്റ്. ഇത് ര​ക്ത​ത്തി​ലെ പ​ഞ്ച​സാ​ര​യു​ടെ നി​ല സ്ഥിരപ്പെടുത്താനും, പ​ക​ൽ സ​മ​യ​ത്തെ അ​മി​ത​മാ​യ ഭക്ഷണ ആസക്തി കു​റ​യ്ക്കാ​നും, മെ​റ്റ​ബോ​ളി​സം മെ​ച്ച​പ്പെ​ടു​ത്താ​നും ആ​ദ്യ ഭ​ക്ഷ​ണ​ത്തി​ൽ കു​റ​ഞ്ഞ​ത് 20 ഗ്രാം ​പ്രോ​ട്ടീ​ൻ ഉ​ൾ​പ്പെ​ടു​ത്ത​ണം. പ്രോ​ട്ടീ​ൻ കു​റ​വാ​ണെ​ങ്കി​ൽ കൂ​ടു​ത​ൽ വി​ശ​പ്പ്, ദു​ർ​ബ​ല​മാ​യ മെ​റ്റ​ബോ​ളി​സം, കൊ​ഴു​പ്പ് ക​ത്തു​ന്ന​തി​ലെ മ​ന്ദ​ത എ​ന്നി​വ​യ്ക്ക് കാ​ര​ണ​മാ​കും.

അ​ത്താ​ഴം വൈ​കു​ന്ന​ത്

രാ​ത്രി വൈ​കി ആ​ഹാ​രം ക​ഴി​ക്കു​ന്ന​താ​ണ് ര​ണ്ടാ​മ​ത്തെ തെ​റ്റ്. ഉ​റ​ങ്ങു​ന്ന​തി​ന് മു​മ്പ് ആ​ഹാ​രം ദ​ഹി​ക്കാ​ൻ ശ​രീ​ര​ത്തി​ന് ധാ​രാ​ളം സ​മ​യം ല​ഭി​ക്ക​ണം. ഉ​റ​ങ്ങാ​ൻ കി​ട​ക്കു​ന്ന​തി​ന് കു​റ​ഞ്ഞ​ത് മൂ​ന്ന് മ​ണി​ക്കൂ​ർ മു​മ്പെ​ങ്കി​ലും അ​ത്താ​ഴം ക​ഴി​ക്കാ​ൻ ശ്ര​ദ്ധി​ക്കു​ക. ഏ​ക​ദേ​ശം രാ​ത്രി 7 മ​ണി​യോ​ടെ അ​ത്താ​ഴം പൂ​ർ​ത്തി​യാ​ക്കു​ന്ന​ത് ഉ​ചി​ത​മാ​ണ്.

'ആ​രോ​ഗ്യ​ക​ര​മാ​യ' ല​ഘു​ഭ​ക്ഷ​ണ​ങ്ങ​ളി​ലെ അ​ധി​ക ക​ാലറി

'ആ​രോ​ഗ്യ​ക​ര​മാ​യ' ല​ഘു​ഭ​ക്ഷ​ണ​ങ്ങ​ൾ അ​ള​വി​ൽ കൂ​ടു​ത​ൽ ക​ഴി​ക്കു​ന്ന​താ​ണ് മൂ​ന്നാ​മ​ത്തെ പ്ര​ശ്നം. മഖാന, വ​റു​ത്ത അ​ണ്ടി​പ്പ​രി​പ്പു​ക​ൾ തു​ട​ങ്ങി​യ​വ ദോ​ഷ​ര​ഹി​ത​മാ​ണെ​ന്ന് തോ​ന്നാ​മെ​ങ്കി​ലും, അ​ള​വി​ൽ കൂ​ടു​ത​ലാ​യാ​ൽ ഇ​വ ഒ​രു ദി​വ​സ​ത്തെ കാല​റി അ​ള​വി​ൽ വ​ലി​യ വ്യ​ത്യാ​സം വ​രു​ത്തും. എ​ല്ലാ ല​ഘു​ഭ​ക്ഷ​ണ​ങ്ങ​ളു​ടെ​യും അ​ള​വും ദി​വ​സേ​ന​യു​ള്ള ആ​കെ ക​ാല​റി അ​ള​വും ട്രാ​ക്ക് ചെ​യ്യേ​ണ്ട​ത് അ​ത്യാ​വ​ശ്യ​മാ​ണ്.

"ശരീര ഭാ​രം കൂ​ടു​ന്ന​ത് ഒ​രു രാ​ത്രി​കൊ​ണ്ട് സം​ഭ​വി​ക്കു​ന്ന​ത​ല്ല. ഈ ​ചെ​റി​യ, ദൈ​നം​ദി​ന പി​ഴ​വു​ക​ൾ കാ​ര​ണം അ​ത് നി​ല​ച്ചു​പോ​കു​ന്നു. ഇ​വ തി​രു​ത്തി​യാ​ൽ, നി​ങ്ങ​ളു​ടെ മെ​റ്റ​ബോ​ളി​സം വീ​ണ്ടും നി​ങ്ങ​ൾ​ക്കാ​യി പ്ര​വ​ർ​ത്തി​ച്ചു​തു​ട​ങ്ങും," ല​വ്നീ​ത് ബ​ത്ര പ​റ​യു​ന്നു.