ഇഡ്ഡലിയ്ക്കും ദോശയ്ക്കുമൊപ്പം ഇനി ഇതു മതി; എളുപ്പത്തിൽ തയാറാക്കാം മുളകുപൊടി ചമ്മന്തി

ദോശയ്ക്കും ഇഡ്ഡലിയ്ക്കുമൊപ്പം സാമ്പാറും ചമ്മന്തിയുമൊക്കെ കഴിച്ച് മടുത്തെങ്കിൽ ഇതാ ഒരു വെറൈറ്റി ചമ്മന്തി പരിചയപ്പെടാം. രാവിലെ എഴുന്നേൽക്കുമ്പോൾ ബ്രേക്ക്ഫാസ്റ്റിന് കറി തയാറാക്കാൻ സമയമില്ലെങ്കിൽ പിന്നെയൊന്നും നോക്കണ്ട രുചികരമായ ഈ മുളകുപൊടി ചമ്മന്തി തന്നെ ഉണ്ടാക്കാം.

ചേരുവകൾ:

• ചുവന്നുള്ളി - 1/4 കപ്പ്
• കാശ്മീരി മുളകുപൊടി - 2 ടേബിൾ സ്പൂൺ
• ഉപ്പ് - ആവശ്യത്തിന്
• വെളിച്ചെണ്ണ - 2 ടേബിൾ സ്പൂൺ
• കായപൊടി - ഒരു നുള്ള്

പാകം ചെയ്യുന്ന വിധം:

• ചുവന്നുള്ളി, കാശ്മീരി മുളകുപൊടി, ഉപ്പ് എന്നിവ ഒന്നിച്ച് ചേർത്ത് നല്ലവണ്ണം ഉടച്ചെടുക്കുക
• ചൂടാക്കിയ വെളിച്ചെണ്ണ കൂട്ടിലേക്ക് ഒഴിച്ചു കൊടുക്കാവുന്നതാണ്
• ശേഷം കായപൊടിയും ചേർക്കാം
• അവസാനമായി, തിളപ്പിച്ച വെള്ളം നിങ്ങളുടെ ആവശ്യത്തിനനുസരിച്ച് ഒഴിച്ചു കൊടുക്കാം