രുചിയിൽ ആരേയും വീഴ്ത്തും ഇത്തിരി കുഞ്ഞൻ സോഫ്റ്റ് ഉണ്ണിയപ്പം

നെയ്യപ്പവും, ഉണ്ണിയപ്പവുമൊക്കെ മലയാളികളുടെ പ്രിയപ്പെട്ട പലഹാരങ്ങളിൽ ചിലതാണ്. ഏകദേശം ഒരേ ചേരുവകൾ തന്നെയാണെങ്കിലും നെയ്യപ്പത്തേക്കാളും ഇത്തിരി കുഞ്ഞനാണ് ഉണ്ണിയപ്പം. പേര് പോലെ തന്നെ കാഴ്ച്ചയിൽ മാത്രമല്ല രുചിയിലും ആരേയും മയക്കാൻ ഇതിന് കഴിയും. അരിയും, ശർക്കരയും, പഴവുമാണ് പ്രധാന ചേരുവകൾ. അവ അരച്ചെടുത്ത് മാവ് തയ്യാറാക്കണം. ഉണ്ണിയപ്പ ചട്ടയിൽ നെയ്യ് ഒഴിച്ച് ചൂടാക്കി മാവ് ഒഴിച്ച് ചുട്ടെടുക്കാം. നെയ്യിൽ കിടന്ന് വെന്തു വരുന്ന ഉണ്ണിയപ്പം കാഴ്ച്ചയിൽ തന്നെ കൊതിപ്പിക്കും. പാളയങ്കോടൻ പഴമാണ് മാവിനായി ഉപയോഗിക്കേണ്ടത്. സോഫ്റ്റും രുചികരവുമായ ഉണ്ണിയപ്പം എങ്ങനെ തയ്യാറാക്കാം എന്ന് അക്ഷയ മെറിൻ തൻ്റെ ഇൻസ്റ്റഗ്രാം പേജിലൂടെ പറയുന്നു. 

ചേരുവകൾ

• പച്ചരി- 2 കപ്പ്
• ശർക്കര- 1 കപ്പ്
• പാളയങ്കോടൻ പഴം- 4
• തേങ്ങ- 1/2 കപ്പ്
• എള്ള്- 1 ടീസ്പൂൺ
• ഏലയ്ക്കപ്പൊടി- 1 ടീസ്പൂൺ
• ഉപ്പ്- ഒരു നുള്ള്
• നെയ്യ് അല്ലെങ്കിൽ എണ്ണ- ആവശ്യത്തിന്

View this post on Instagram

A post shared by Akshaya Merin Babu 🦋 (@akshayaascameo)

തയ്യാറാക്കുന്ന വിധം

• അഞ്ച് മുതൽ ആറ് മണിക്കൂർ വരെ വെള്ളത്തിൽ കുതിർത്തു വെച്ച പച്ചരി കഴുകിയെടുക്കുക.
• ഇതിലേയ്ക്ക് ഒരു കപ്പ് ശർക്കര ലായനി, നാല് വലിയ പാളയങ്കോടൻ പഴം ( ചെറിയ പഴം ആണെങ്കിൽ എട്ട് എണ്ണമെങ്കിലും എടുക്കുക). ഇവ അരച്ചെടുക്കുക.
• ഒരു പാൻ അടുപ്പിൽ വെച്ച് അൽപ്പം നെയ്യ് ചേർത്ത് ചൂടാക്കി അര കപ്പ് തേങ്ങാ കഷ്ണങ്ങൾ ചേർത്ത് വറുക്കുക.
• അരച്ചു വെച്ചിരിക്കുന്ന മാവിലേയ്ക്ക് വറുത്ത തേങ്ങാ കഷ്ണങ്ങളും, ഒരു ടീസ്പൂൺ എള്ളും, ഒരു ടീസ്പൂൺ ഏലയ്ക്കപ്പൊടിയും, ഒരു നുള്ള് ഉപ്പും ചേർത്തളിക്കുക.
•  ഉണ്ണിയപ്പ ചട്ടി അടുപ്പിൽ വെച്ച് ആവശ്യത്തിന് നെയ്യോ എണ്ണയോ ചേർത്ത് ചൂടാക്കി മാവ് ഒഴിക്കുക.
• നന്നായി വെന്ത ഉണ്ണിയപ്പം പാത്രത്തിലേയ്ക്കു മാറ്റി ചൂടോടെ കഴിച്ചു നോക്കൂ.

Read More

• കൊതിയൂറും പഴം നുറുക്ക്, പപ്പടം ചേർത്ത് കഴിച്ചു നോക്കൂ
• നാടൻ രുചിയിൽ മത്തങ്ങ എരിശ്ശേരി
• മധുരമുള്ള മിക്സചർ ഇനി കടയിൽ നിന്നും വാങ്ങേണ്ട
• ചക്കക്കുരുവും കക്കായിറച്ചിയും ഇങ്ങനെ റോസ്റ്റ് ചെയ്ത് കഴിച്ചു നോക്കൂ
• ഗോതമ്പ് പൊടി കൊണ്ട് അപ്പം ഉണ്ടാക്കി നോക്കിയിട്ടുണ്ടോ?
• ഇഞ്ചി കറി ആലപ്പുഴ സ്റ്റൈലിൽ ഇങ്ങനെ ട്രൈ ചെയ്തു നോക്കൂ
• പാൽ കൊഴുക്കട്ട പായസം കുടിച്ചാലോ?
• ഉണക്ക ചെമ്മീൻ ചേർത്ത പടവലങ്ങ തോരൻ
• ചോറുണ്ണാൻ പുതു രുചിയിൽ നാടൻ വെള്ളരിക്ക കറി
• ചെറിയുള്ളി ഉപ്പിലിട്ടത് കഴിച്ചിട്ടുണ്ടോ? കിടിലൻ രുചിയാണ്
• കൂൺ തോരൻ ഇങ്ങനെ പാകം ചെയ്തു കഴിച്ചിട്ടുണ്ടോ?
• തേനൂറും രുചിയിൽ പാൽ പായസം തയ്യാറാക്കാം, സിംപിളാണ് റെസിപ്പി
• കൂട്ടുകറി ഇല്ലാത്ത സദ്യയുണ്ടോ? ഇങ്ങനെ തയ്യാറാക്കൂ
• 5 മിനിറ്റിൽ രുചികരമായ ബീറ്റ്റൂട്ട് മെഴുക്കുപുരട്ടി
• ഊണിനൊപ്പം പച്ചക്കായ പയർ ഉപ്പേരിയും, ഇതാണ് റെസിപ്പി
• വള്ളുവനാടൻ സ്പെഷ്യൽ കുറുക്ക് കാളൻ
• പരിപ്പ് കറി ബാക്കി വന്നോ? നല്ല ക്രിസ്പി ദോശ ഇങ്ങനെ തയ്യാറാക്കിക്കോളൂ
• സോഫ്റ്റ് ഇഡ്ഡലി തയ്യാറാക്കാൻ ചൗവ്വരി മതി
• പച്ചമുളകും തൈരും മതി അസാധ്യ രുചിയിൽ 1 മിനിറ്റിൽ കറി റെഡി
• ചമ്മന്തി തയ്യാറാക്കാൻ ഇനി നിലക്കടല മതിയാകും