നോൺസ്റ്റിക് പാത്രങ്ങൾ ഉപയോഗിക്കുമ്പോൾ ഇക്കാര്യങ്ങൾ ശ്രദ്ധിക്കാം

പുതുതായി വാങ്ങുന്ന നോൺസ്റ്റിക് പാത്രങ്ങൾ ഉപയോഗിക്കുന്നതിനു മുമ്പായി ചൂടുവെള്ളത്തിൽ മുക്കി വയ്ക്കാം. ശേഷം സോപ്പ് ഉപയോഗിച്ച് കഴുകാം. കട്ടി കൂടിയ സ്ക്രബറുകൾക്കു ഉപയോഗിക്കരുത്.

കൂടിയ തീയിൽ ഒരുപാട് നേരം നോൺസ്റ്റിക് പാത്രങ്ങൾ അടുപ്പിൽ വയ്ക്കരുത്.

നോൺസ്റ്റിക് പാത്രത്തിൽ കറികൾ ഇളക്കുന്നതിന് സിൽക്കൺ അല്ലെങ്കിൽ തടി കൊണ്ടുള്ള തവി ഉപയോഗിക്കുന്നതാണ് നല്ലത്.

ഭക്ഷണം പാകം ചെയ്ത് ചൂടായിരിക്കുന്ന പാത്രത്തിലേയ്ക്ക് തണുത്ത വെള്ളം ഒഴിക്കരുത്. ഇത് നോൺസ്റ്റിക് കോട്ടിങ് ഇളകുന്നതിനു കാരണമാകും.

പാത്രങ്ങൾ കഴുകിയതിനു ശേഷം തുടച്ച് അൽപം എണ്ണ തടവുന്നത് ഏറെ നാൾ കേടുകൂടാതെ ഉപയോഗിക്കാൻ സഹായിക്കും.