കറുമുറു കഴിക്കാൻ നല്ല രസികൻ തക്കാളി മുറുക്ക്, ഇനി ബേക്കറി രുചിയിൽ വീട്ടിൽ തയ്യാറാക്കാം

ബേക്കറിയിൽ ചില്ലു ഭരണിയിൽ നിറച്ചു വച്ചിരിക്കുന്ന മുറുക്കിന് ആരാധകർ ഏറെയുണ്ട്, പ്രത്യേകിച്ച് തക്കാളി മുറുക്കിന്. അൽപം പുളിയും എരിവും കലർന്ന ഈ കിടിലൻ സ്നാക്ക് ഒരു തവണ​ കഴിച്ചാൽ വീണ്ടും കൊതിക്കുന്ന രുചിയാണിതിന്. സാധാരണ മുറുക്ക് തയ്യാറാക്കാൻ ഉപയോഗിക്കുന്ന അരിപ്പൊടി തന്നെയാണ് ഇതിനും ആവശ്യം. അതിലേയ്ക്ക് തക്കാളി കൂടി ചേർത്താണ് മാവ് തയ്യാറാക്കുന്നത്. ബേക്കറി സ്റ്റൈലിൽ തക്കാളി മുറുക്ക് എങ്ങനെ വീട്ടിൽ തയ്യാറാക്കാം എന്ന് കൃപ തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തി തരുന്നു. 

Also Read: അസാധ്യ രുചിയിൽ പഞ്ഞിപോലുള്ള വട്ടയപ്പം കഴിക്കാം, അരിപ്പൊടിയിൽ ഇവ ചേർത്ത് മാവ് തയ്യാറാക്കൂ

ചേരുവകൾ

• അരിപ്പൊടി- 1 കപ്പ്
• കടലമാവ്- 1/2 കപ്പ്
• തക്കാളി- 2
• വെളുത്തുള്ളി- 4
• പുതിനയില- 4
• ഉപ്പ്- ആവശ്യത്തിന്
• കാശ്മീരിമുളകുപൊടി- 1 ടേബിൾസ്പൂൺ
• കായം- 1/2 ടീസ്പൂൺ
• വെളിച്ചെണ്ണ- ആവശ്യത്തിന്

Also Read: രണ്ട് ഉരുളക്കിഴങ്ങ് മതി, ഇനി രണ്ട് മിനിറ്റിൽ ചായക്കുള്ള സ്നാക് റെഡിയാക്കാം

View this post on Instagram

A post shared by Kripa Krishnamani (@kripas_foodbook)

Also Read: ഒരു മുറി ഉരുളക്കിഴങ്ങ് ഇങ്ങനെ വേവിച്ചെടുത്താൽ ഇനി ബ്രേക്ക്ഫാസ്റ്റിനും ഉച്ചയൂണിനും മറ്റൊരു കറി വേണ്ട

തയ്യാറാക്കുന്ന വിധം

• ഒരു കപ്പ് അരിപ്പൊടിയിലേയ്ക്ക് അര കപ്പ് കടലമാവെടുത്തിളക്കി യോജിപ്പിക്കാം.
• രണ്ട് തക്കാളി ചെറിയ കഷ്ണങ്ങളാക്കിയതിലേയ്ക്ക് നാല് വെളുത്തുള്ളി അല്ലിയും നാല് പുതിനയിലയും ആവശ്യത്തിന് ഉപ്പും, ഒരു ടേബിൾസ്പൂൺ കാശ്മീരിമുളകുപൊടിയും ചേർത്ത് അരച്ചെടുക്കാം. ഇത് പൊടിയിലേയ്ക്ക് ഒഴിക്കാം.
• അര ടീസ്പൂൺ​ കായപ്പൊടിയും കുറച്ചു ജീരകവും അൽപം നെയ്യും ഒഴിച്ച് നന്നായി ഇളക്കി യോജിപ്പിക്കാം. അധികം അയവില്ലാതെ മാവ് കുഴച്ചെടുക്കാം.
• അടി കട്ടിയുള്ള ഒരു ഇരുമ്പ് ചീനച്ചട്ടി അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം.
  സേവനാഴിയിൽ നെയ്യ് പുരട്ടി അതിലേയ്ക്ക് മാവ് മാറ്റാം.
• ശേഷം എണ്ണയിലേയ്ക്ക് പിഴിഞ്ഞൊഴിക്കാം.
• അതു നന്നായി വറുത്തെടുക്കാം. തീ കുറച്ചു വച്ചതിനു ശേഷം വേണം വറുക്കാൻ. ഇത് ചൂടോടെ കഴിച്ചു നോക്കൂ. 

Read More: ഇനി വീട്ടിൽ ഉണ്ടാക്കാം സൂപ്പർ ക്രിസ്പി പൂരി വളരെ കുറച്ച് എണ്ണയിൽ