ദിവസങ്ങളോളം അടുക്കള ഭംഗിയുള്ളതും സുഗന്ധപൂരിതവുമായിരിക്കാൻ ഈ പൊടിക്കൈകൾ മതി

പാചകത്തിനിടയിലെ അഴുക്കുകൾ, എണ്ണമയമുള്ള പാത്രങ്ങൾ, തറയിൽ വീഴുന്ന ആഹാരസാധനങ്ങൾ എന്നിവ കാരണം ഒരാഴ്ചയ്ക്കുള്ളിൽ തന്നെ അടുക്കള വല്ലാതെ അഴുക്കാകാൻ സാധ്യതയുണ്ട്. ദിവസവും അടുക്കളയിലെ എല്ലാ ഭാഗങ്ങളും വൃത്തിയാക്കുക എന്നത് അല്പം ബുദ്ധിമുട്ടുള്ള കാര്യമാണ്. എന്നാൽ കുറഞ്ഞ സമയത്തിനുള്ളിൽ അടുക്കള വെട്ടിത്തിളങ്ങാൻ സഹായിക്കുന്ന ചില വിദ്യകൾ ഇതാ:

സിങ്കിലെ ദുർഗന്ധം അകറ്റാൻ

സിങ്കിലെ വെയ്സ്റ്റ് ഡിസ്പോസലിൽ നിന്നുള്ള ദുർഗന്ധം ഒഴിവാക്കാൻ നാരങ്ങ ഐസ് ക്യൂബുകൾ ഉപയോഗിക്കാം. ഐസ് ട്രേയിൽ നാരങ്ങ കഷ്ണങ്ങളും അല്പം കല്ലുപ്പും വെള്ളവും ചേർത്ത് ഐസ് ആക്കുക. ഇത് സിങ്കിലിട്ട് വെള്ളം തുറന്നു വിടുന്നത് അഴുക്കും ഗന്ധവും നീക്കം ചെയ്യാൻ സഹായിക്കും.

പഴയ പാത്രങ്ങൾ പുതുപുത്തനാക്കാം

ബേക്കിംഗ് സോഡയും ഹൈഡ്രജൻ പെറോക്സൈഡും ചേർത്താൽ പഴയ പാത്രങ്ങളിലെ കറകൾ എളുപ്പത്തിൽ കളയാം. പാത്രത്തിൽ ബേക്കിംഗ് സോഡ വിതറിയ ശേഷം അല്പം ഹൈഡ്രജൻ പെറോക്സൈഡ് സ്പ്രേ ചെയ്യുക. ഏതാനും മണിക്കൂറുകൾക്ക് ശേഷം കഴുകിയാൽ പാത്രം പുതിയതുപോലെ തിളങ്ങും.

ഉറങ്ങുന്ന സമയത്ത് ഓവൻ വൃത്തിയാക്കാം

ഓവനിലെ അഴുക്ക് കളയാൻ ഓട്ടോ-ക്ലീൻ സെറ്റിംഗിന് പകരം ഈ വിദ്യ പരീക്ഷിക്കാം. 1/3 കപ്പ് വെള്ളം, 1/3 കപ്പ് വിനാഗിരി, 1/2 കപ്പ് ബേക്കിംഗ് സോഡ എന്നിവ കലർത്തി ഓവന്റെ ഉള്ളിൽ സ്പ്രേ ചെയ്യുക. ഏകദേശം 12 മണിക്കൂർ (രാത്രി മുഴുവൻ) ഇത് വച്ചതിനുശേഷം രാവിലെ സോപ്പ് വെള്ളം ഉപയോഗിച്ച് തുടച്ചു മാറ്റാം.

Also Read: അഴുകി പോകില്ല മുളയ്ക്കില്ല, ഉരുളക്കിഴങ്ങ് കൂടുതൽ കാലം കേടാകാതിരിക്കാൻ ഇങ്ങനെ സൂക്ഷിക്കാം

ഓവൻ റാക്കുകൾ വൃത്തിയാക്കാൻ

റാക്കുകളിലെ കറ കളയാൻ ഒരു ബാത്ത് ടബ്ബിലോ വലിയ പാത്രത്തിലോ സോപ്പ് പൊടി കലർത്തിയ വെള്ളത്തിൽ റാക്കുകൾ മുക്കിവയ്ക്കുക. നാല് മണിക്കൂറിന് ശേഷം കഴുകിയാൽ സ്ക്രബ്ബ് ചെയ്യാതെ തന്നെ അഴുക്ക് നീങ്ങും.

മരപ്പണികൾ പോളിഷ് ചെയ്യാൻ

കെമിക്കൽ ക്ലീനറുകൾക്ക് പകരം വിനാഗിരിയും നാരങ്ങ എണ്ണയും (Lemon oil) തുല്യ അളവിൽ എടുത്ത് മിക്സ് ചെയ്യുക. ഇതൊരു മൈക്രോഫൈബർ തുണിയിൽ ഒഴിച്ച് അലമാരകളും വാതിലുകളും തുടച്ചാൽ നല്ല തിളക്കവും സുഗന്ധവും ലഭിക്കും.

വാക്വം ക്ലീനർ ഉപയോഗിച്ച് അലമാരകൾ വൃത്തിയാക്കാം

അടുക്കളയിലെ അലമാരകളിലും പാത്രങ്ങൾ വയ്ക്കുന്ന തട്ടുകളിലും വീഴുന്ന ഭക്ഷണാവശിഷ്ടങ്ങളും പൊടിയും കളയാൻ വാക്വം ക്ലീനറിലെ ബ്രഷ് അറ്റാച്ച്മെന്റ് ഉപയോഗിക്കാം. തുണി ഉപയോഗിച്ച് തുടയ്ക്കുന്നതിനേക്കാൾ വേഗത്തിൽ ഇതുവഴി വൃത്തിയാക്കാം.

Also Read: ഒരു തവണ പാചകത്തിന് ഉപയോഗിച്ച എണ്ണ വീണ്ടും ഉപയോഗിക്കരുത്, ഇതാണ് കാരണം

റേഞ്ച് ഹുഡ് ഓയിൽ ഉപയോഗിച്ച് തുടയ്ക്കാം

അടുപ്പിന് മുകളിലെ റേഞ്ച് ഹുഡിൽ പറ്റിപ്പിടിക്കുന്ന എണ്ണമയം നീക്കം ചെയ്യാൻ വെജിറ്റബിൾ ഓയിൽ തന്നെ ഉപയോഗിക്കാം. ഒരു തുണിയിലോ പേപ്പർ ടവലിലോ ഏതാനും തുള്ളി എണ്ണ ഒഴിച്ച് തുടച്ചാൽ പശിമയുള്ള അഴുക്കുകൾ എളുപ്പത്തിൽ ഇല്ലാതാകും.

ഡിഷ്വാഷർ വൃത്തിയാക്കാൻ ടാങ്

ഡിഷ്വാഷറിനുള്ളിൽ അടിഞ്ഞുകൂടുന്ന ലവണങ്ങൾ നീക്കം ചെയ്യാൻ ഓറഞ്ച് ഫ്ലേവർ ഉള്ള ടാങ് പൊടി ഉപയോഗിക്കാം. ഡിഷ്വാഷർ കാലിയായിരിക്കുമ്പോൾ ഒരു പാക്കറ്റ് ടാങ് ഒഴിച്ച് ഒരു സൈക്കിൾ പ്രവർത്തിപ്പിക്കുക. ഇത് ഡിഷ്വാഷറിനെ ഉള്ളിൽ നിന്ന് വൃത്തിയാക്കും.

Also Read: മൂർച്ച കുറഞ്ഞ കത്രിക ഇനി വെറുതെ കളയേണ്ട, ഇങ്ങനെ ചെയ്തെടുക്കൂ

ഫിൽട്ടറുകൾ വൃത്തിയാക്കാൻ

ചിമ്മിനിയിലെയും മറ്റും ഫിൽട്ടറുകൾ വൃത്തിയാക്കാൻ വലിയൊരു പാത്രത്തിൽ വെള്ളം തിളപ്പിച്ച് അതിൽ 1/2 കപ്പ് ബേക്കിംഗ് സോഡ ചേർക്കുക. ഇതിലേക്ക് ഫിൽട്ടറുകൾ ഇറക്കിവച്ച് അല്പനേരം വെച്ചാൽ എണ്ണമയവും അഴുക്കും പൂർണ്ണമായും നീങ്ങും.

ടൂത്ത് ബ്രഷ് ഉപയോഗിച്ച് സിങ്ക് വൃത്തിയാക്കാം

സിങ്കിന്റെ ഉൾവശങ്ങളിലോ വെയ്സ്റ്റ് ഡിസ്പോസൽ ഗാർഡിന്റെ അടിയിലോ പറ്റിപ്പിടിച്ചിരിക്കുന്ന അവശിഷ്ടങ്ങൾ കളയാൻ പഴയൊരു ടൂത്ത് ബ്രഷ് ഉപയോഗിക്കാം. എണ്ണമയം കളയാനുള്ള ലായനിയിൽ മുക്കി ബ്രഷ് കൊണ്ട് ഉരച്ചാൽ അദൃശ്യമായ അഴുക്കുകൾ പോലും നീക്കം ചെയ്യാം.

Read More: തുരുമ്പിച്ച പൈപ്പ് പുതുപുത്തനാകും, ഡിറ്റർജൻ്റിനു പകരം ഇത് ഉപയോഗിക്കൂ