പച്ചമുളക് അഴുകാതെ മാസങ്ങളോളം സൂക്ഷിക്കാൻ ഇതാ 5 പൊടിക്കൈകൾ

അടുക്കളയിൽ ഒഴിച്ചു കൂടാനാകാത്ത പച്ചമുളക് ദിവസവും വാങ്ങിക്കൂട്ടേണ്ട, പകരം അത് സൂക്ഷിക്കുമ്പോൾ ഇക്കാര്യം അറിഞ്ഞാൽ മതി

Written byWebDesk

അടുക്കളയിൽ ഒഴിച്ചു കൂടാനാകാത്ത പച്ചമുളക് ദിവസവും വാങ്ങിക്കൂട്ടേണ്ട, പകരം അത് സൂക്ഷിക്കുമ്പോൾ ഇക്കാര്യം അറിഞ്ഞാൽ മതി

WebDesk

27 Sep 2025 12:30 IST

New Update

Tips To Store Green Chilli FI — പച്ചമുളക് സൂക്ഷിക്കാൻ ചില നുറുങ്ങു വിദ്യകൾ | ചിത്രം: ഫ്രീപിക്

1/5

തണ്ടുകൾ നീക്കം ചെയ്യാം

പച്ചമുളക് വേഗത്തിൽ കേടാകുന്നതിന് പ്രധാന കാരണം ഈർപ്പം തങ്ങി നിൽക്കാൻ കാരണമാകുന്ന തണ്ടുകളാണ്. മുളകിൻ്റെ ഞെട്ട് ഭാഗം മാത്രം അടർത്തി മാറ്റുന്നത് ഈർപ്പം അകത്തേക്ക് കടക്കുന്നത് തടയും. തണ്ട് കളഞ്ഞ ശേഷം മുളക് നന്നായി കഴുകി, ഈർപ്പം പൂർണ്ണമായും തുടച്ചുമാറ്റി സൂക്ഷിക്കണം.

2/5

വായു കടക്കാത്ത പാത്രം

ഈർപ്പം പച്ചമുളക് അഴുകുന്നതിൻ്റെ പ്രധാന കാരണങ്ങളിലൊന്നാണ്. തണ്ട് നീക്കം ചെയ്ത മുളകുകൾ ടിഷ്യൂ പേപ്പറോ, പേപ്പർ ടവ്വലോ വിരിച്ച് വായു കടക്കാത്ത പാത്രത്തിൽ അടച്ചു സൂക്ഷിക്കാം. ടിഷ്യൂ പേപ്പർ അധികമുള്ള ഈർപ്പം വലിച്ചെടുക്കും.

3/5

ഫ്രിഡ്ജിൽ സൂക്ഷിക്കാം

പച്ചമുളക് ഫ്രിഡ്ജിൽ സൂക്ഷിക്കുന്നതാണ് ഏറ്റവും നല്ല രീതി. എന്നാൽ, സാധാരണ പ്ലാസ്റ്റിക് കവറുകളിൽ സൂക്ഷിക്കുന്നതിന് പകരം, മുകളിൽ സൂചിപ്പിച്ചതുപോലെ പേപ്പർ ടവ്വലിൽ പൊതിഞ്ഞ ശേഷം മാത്രം വായു കടക്കാത്ത പാത്രത്തിലാക്കി ഫ്രിഡ്ജിലെ വെജിറ്റബിൾ ഡ്രോയറിൽ വെക്കാം. ഇത് രണ്ടാഴ്ചയിലധികം പച്ചമുളക് ഫ്രഷായിരിക്കാൻ സഹായിക്കും.

Advertisment

4/5

വെള്ളത്തിൽ സൂക്ഷിക്കുന്ന രീതി

ചിലർ മുളകിൻ്റെ തണ്ട് നീക്കം ചെയ്യാതെ ഒരു ഗ്ലാസ് വെള്ളത്തിൽ തണ്ട് മാത്രം താഴേക്ക് വരത്തക്ക രീതിയിൽ വെയ്ക്കാം. ശേഷം ഗ്ലാസ് ഫ്രിഡ്ജിൽ വെക്കാം. വെള്ളം ദിവസവും മാറ്റാൻ ശ്രദ്ധിക്കണം. ഈ രീതി മുളക് വേഗം വാടിപ്പോകുന്നത് തടയും.

5/5

ഫ്രീസ് ചെയ്യാം

ദീർഘകാലത്തേക്ക് പച്ചമുളക് ഫ്രഷായി സൂക്ഷിക്കണമെങ്കിൽ പച്ചമുളക് ചെറുതായി അരിഞ്ഞ് ഫ്രീസറിൽ സൂക്ഷിക്കാം. ഇതിനായി, മുളക് കഴുകി വൃത്തിയാക്കാം, ശേഷം കഷ്ണങ്ങളാക്കി ഒരു സിപ് ലോക്ക് കവറിലോ എയർടൈറ്റ് കണ്ടെയ്‌നറിലോ ഇട്ട് ഫ്രീസറിൽ വെയ്ക്കാം. ആവശ്യമുള്ളപ്പോൾ പുറത്തെടുത്ത് തണുപ്പ് മാറിയതിനു ശേഷം കറികളിൽ ഉപയോഗിക്കാം.

Food Safety

Stay updated with the latest news headlines and all the latest Lifestyle news. Download Indian Express Malayalam App - Android or iOS.