ഒരു മുറി സവാള ഉണ്ടെങ്കിൽ പാത്രങ്ങളിൽ പറ്റിപ്പിടിച്ചിരിക്കുന്ന ഏതു കറയും മായിക്കാം, ഇതാ ഒരു പൊടിക്കൈ

സോപ്പും ലിക്വിഡും ഉപയോഗിച്ച് കഴുകിയിട്ടും കറ മാഞ്ഞു പോകുന്നില്ലെങ്കിൽ സവാള പകുതിയായി മുറച്ച് പാനിൽ ഉരസാം. ശേഷം കാൽ കപ്പ് വൈറ്റ് വിനാഗിരി ഉഴിച്ച് 10 മിനിറ്റ് തിളപ്പിക്കാം. ഏതു പറ്റിപിടിച്ച കറയും കളയുന്നതിന് ഈ വിദ്യ സഹായിക്കും.

കുറച്ച് വെള്ളത്തിൽ ബേക്കിങ് സോഡ ചേർത്തിളക്കി പേസ്റ്റ് രൂപത്തിലാക്കാം. ഇത് ഉപയോഗിച്ച് സ്ക്രബ് ചെയ്യാം.

കട്ടികൂടിയ കറകളാണെങ്കിൽ അൽപം ഉപ്പ് വിതറി മൃദുവായി സ്ക്രബ് ചെയ്യാം ശേഷം തണുത്ത വെള്ളത്തിൽ കഴുകാം. ഗ്ലാസ് പാത്രങ്ങളിലും നോൺസ്റ്റിക് പാനിലും ഇങ്ങനെ ചെയ്യരുത്.

അൽപ സമയം വെള്ളം ഒഴിച്ചു വച്ച് കുതിർത്തതിനു ശേഷം ലിക്വിഡ് സോപ്പും സ്ക്രബറും ഉപോഗിച്ച് കഴുകാം.

ഭക്ഷണം പാകം ചെയ്തു കഴിഞ്ഞ ഉടൻ തന്നെ പാത്രങ്ങൾ വൃത്തിയാക്കുന്നതാണ് ഉചിതം. ഇത് കറ പെട്ടെന്ന് നീക്കം ചെയ്യാൻ ഗുണകരമാണ്.