/indian-express-malayalam/media/media_files/2025/12/30/prevent-cockroaches-2025-12-30-18-21-20.jpg)
പാറ്റയെ തുരത്താം സിംപിളായി | ചിത്രം: ഫ്രീപിക്
/indian-express-malayalam/media/media_files/2025/10/18/get-rid-of-cockroaches-1-2025-10-18-11-17-57.jpg)
ബേക്കിംഗ് സോഡയും പഞ്ചസാരയും
പാറ്റകളെ തുരത്താൻ ഏറ്റവും ഫലപ്രദമായ മാർഗ്ഗങ്ങളിൽ ഒന്നാണിത്. സമം അളവിൽ ബേക്കിംഗ് സോഡയും പഞ്ചസാരയും നന്നായി കലർത്തുക. ഈ മിശ്രിതം പാറ്റകളെ കാണുന്ന സ്ഥലങ്ങളിലും അവയുടെ സഞ്ചാരപാതകളിലും വിതറുക. പഞ്ചസാരയുടെ മധുരം പാറ്റകളെ ആകർഷിക്കുകയും ബേക്കിംഗ് സോഡ അവയുടെ ദഹനവ്യവസ്ഥയെ തകരാറിലാക്കി അവയെ നശിപ്പിക്കുകയും ചെയ്യും.
/indian-express-malayalam/media/media_files/2025/08/09/tips-to-get-rid-of-cockroache-1-2025-08-09-14-56-51.jpg)
ബോറിക് ആസിഡ് പൊടി
ബോറിക് ആസിഡ് പാറ്റകൾക്ക് മാരകമായ വിഷമാണ്. പാറ്റകൾ സ്ഥിരമായി വരുന്ന സ്ഥലങ്ങളിലോ, ക്യാബിനറ്റുകളുടെ പിന്നിലോ, സിങ്കിന്റെ അടിയിലോ നേർത്ത പാടയായി ഇത് വിതറുക. പാറ്റകൾ ഇതുമായി സമ്പർക്കത്തിൽ വരുമ്പോൾ അവയുടെ ശരീരത്തിൽ പറ്റിപ്പിടിക്കുകയും പിന്നീട് ഇത് അകത്തുചെന്ന് പാറ്റകളെ കൊല്ലുകയും ചെയ്യും. ഇത് കൈകാര്യം ചെയ്യുമ്പോൾ ശ്രദ്ധിക്കുക, കുട്ടികൾക്കും വളർത്തുമൃഗങ്ങൾക്കും ദോഷകരമാകാത്ത രീതിയിൽ ഉപയോഗിക്കാൻ ശ്രദ്ധിക്കുക.
/indian-express-malayalam/media/media_files/2025/06/30/cucumber-fi-04-2025-06-30-10-32-05.jpg)
കുക്കുമ്പർ തൊലി
പാറ്റകളെ അടുക്കളയിൽ നിന്ന് അകറ്റാൻ കുക്കുമ്പർ തൊലിക്ക് കഴിയുമെന്നാണ് പറയപ്പെടുന്നത്. കുക്കുമ്പർ തൊലി കഷ്ണങ്ങളാക്കി പാറ്റകൾ വരുന്ന സ്ഥലങ്ങളിൽ വെക്കുക. കുക്കുമ്പറിന്റെ രൂക്ഷഗന്ധം പാറ്റകളെ അകറ്റി നിർത്താൻ സഹായിക്കും. ഉണങ്ങിയ തൊലികൾ ഇടയ്ക്കിടെ മാറ്റി പുതിയത് വെക്കാൻ ഓർക്കുക.
/indian-express-malayalam/media/media_files/2025/11/17/get-rid-of-cockroaches-fi-2025-11-17-11-39-48.jpg)
വഴനയില
നിങ്ങളുടെ അടുക്കളയിൽ നിന്ന് പാറ്റകളെ അകറ്റാൻ പ്രകൃതിദത്തമായ മറ്റൊരു വഴിയാണ് വഴനയില. വഴനയിലയുടെ രൂക്ഷമായ ഗന്ധം പാറ്റകൾക്ക് ഇഷ്ടമല്ല. കുറച്ച് വഴനയില പൊടിച്ച് പാറ്റശല്യമുള്ള സ്ഥലങ്ങളിൽ വിതറുകയോ, അല്ലെങ്കിൽ ഉണങ്ങിയ ഇലകൾ അവിടെ വെക്കുകയോ ചെയ്യാം. ഇത് പാറ്റകളെ കൊല്ലുന്നില്ലെങ്കിലും അവയെ അടുക്കളയിൽ നിന്ന് ഓടിക്കാൻ സഹായിക്കും.
/indian-express-malayalam/media/media_files/2025/10/30/lemon-dark-underarms-ws-07-2025-10-30-11-04-42.jpg)
നാരങ്ങാനീരും വെള്ളവും
നാരങ്ങയുടെ പുളിയും അതിന്റെ ഗന്ധവും പാറ്റകളെ അകറ്റാൻ സഹായിക്കും. അല്പം നാരങ്ങാനീര് വെള്ളത്തിൽ കലർത്തി ഒരു സ്പ്രേ ബോട്ടിലിൽ നിറയ്ക്കുക. ഇത് പാറ്റകളെ കാണുന്നിടത്തും, അടുക്കളയുടെ മൂലകളിലും, ഷെൽഫുകളിലും സ്പ്രേ ചെയ്യുക. ഇത് പാറ്റകളെ കൊല്ലുന്നില്ലെങ്കിലും അവയെ അകറ്റി നിർത്താൻ ഫലപ്രദമാണ്. കൂടാതെ, ഇത് അടുക്കളയ്ക്ക് നല്ല സുഗന്ധം നൽകുകയും ചെയ്യും.
Stay updated with the latest news headlines and all the latest Lifestyle news. Download Indian Express Malayalam App - Android or iOS.
/indian-express-malayalam/media/agency_attachments/RBr0iT1BHBDCMIEHAeA5.png)
Follow Us