എത്ര വെളുത്തുള്ളി ഉണ്ടെങ്കിലും കുഴപ്പമില്ല, ഇനി തൊലി കളയൽ ഒരു പണിയാകില്ല; ഇവ ട്രൈ ചെയ്യൂ

വെളുത്തുള്ളി അല്ലിയിൽ കത്തി ഉപയോഗിച്ച് അമർത്താം. ശേഷം തൊലി നീക്കം ചെയ്യാം. വളരെ എളുപ്പമുള്ള ഒരു മാർഗമാണിത്.

വെളുത്തുള്ളി അൽപ സമയം വെയിലത്തു വയ്ക്കാം. ശേഷം അല്ലികൾ ഒരു ബൗളിലെടുത്ത് അടച്ചു വച്ച് നന്നായി കുലുക്കാം. തൊലികൾ വേർപെട്ടു പോന്നിട്ടണ്ടാകും.

ഒരു ബൗളിൽ വെള്ളമെടുത്ത് നന്നായി തിളപ്പിക്കാം. ഇതിലേയ്ക്ക് വെളുത്തുള്ളയുടെ അല്ലികൾ ചേർത്ത് അൽപ സമയം മാറ്റി വയ്ക്കാം. ശേഷം തൊലി അടർത്തി കളയാം.

ഓവൻ അല്ലെങ്കിൽ നോൺസ്റ്റിക് പാൻ ചൂടാക്കി മുകളിൽ ഒരു ബൗളിൽ വെളുത്തുള്ളി അല്ലികൾ വയ്ക്കാം. ശേഷം 5 മിനിറ്റ് ചെറുതീയിൽ ചൂടാക്കാം. ഓവൻ ആണെങ്കിൽ 30 സെക്കൻ്റ് സമയം സെറ്റ് ചെയ്ത് വെളുത്തുള്ളി അല്ലികൾ അതിലേയ്ക്കു വയ്ക്കാം. ശേഷം തൊലി നീക്കം ചെയ്തു നോക്കൂ.

ചെറിയ പ്ലാസ്റ്റിക് കവറിനുള്ളിലേയ്ക്ക് വെളുത്തുള്ളി അല്ലികൾ എടുത്ത് കൈകൾക്കിടയിൽ വച്ച് നന്നായി തിരുമ്മാം. ശേഷം കവറിനുള്ളിൽ നിന്ന് അല്ലികൾ എടുത്ത് തൊലി കളയാം