പഞ്ഞിക്കെട്ടു പോലുള്ള ഇടിയപ്പം കിട്ടാൻ മാവ് ഇങ്ങനെ കുഴച്ചെടുക്കൂ

അരി

ഇടിയപ്പത്തിനുള്ള പൊടി പായ്ക്കറ്റുകളിൽ ലഭ്യമാണ്. അതല്ലെങ്കിൽ വീട്ടിൽ തന്നെ പച്ചരി കഴുകി ഉണക്കിപ്പൊടിച്ചെടുക്കാം. അരി മാത്രമല്ല ഗോതമ്പ്, റാഗി, സേമിയ എന്നിവ ഉപയോഗിച്ചും ഇടിയപ്പം തയ്യാറാക്കാം.

ചൂടുവെള്ളം

അരിപ്പൊടി അൽപം പോലും തരിയില്ലാതെ കുഴച്ചെടുക്കണം. അതിന് ചെറുചൂടുള്ള വെള്ളം ഒഴിച്ച് മാവ് കുഴച്ചു നോക്കൂ.

തേങ്ങാപ്പാൽ

തേങ്ങാപ്പാൽ അരിപ്പൊടിയൽ ചേർത്തു കുഴയ്ക്കുന്നത് മാവ് സോഫ്റ്റാകാൻ സഹായിക്കും.

നെയ്യ്

ചപ്പാത്തിക്കു മാവ് കുഴയ്ക്കുമ്പോൾ ചെയ്യുന്നതു പോലെ ഇടിയപ്പ മാവിലേയ്ക്ക് നെയ്യോ വെളിച്ചെണ്ണയോ കുറച്ച് ചേർക്കാം. മാവ് സോഫ്റ്റാകാൻ ഇത് ഗുണകരമാണ്.

ഇഡ്ഡലി തട്ടിൽ അൽപം എണ്ണ പുരട്ടിയതിനു ശേഷം മാവ് അതിലേയ്ക്കു മാറ്റാം. ശേഷം ആവിയിൽ വേവിച്ചെടുത്തു നോക്കൂ