തക്കാളി ഫ്രിഡ്ജിൽ വയ്‌ക്കേണ്ട, ഇങ്ങനെ ചെയ്താൽ മാസങ്ങളോളം കേടുകൂടാതിരിക്കും

പച്ചക്കറിയുടെ വില കൈയ്യിലൊതുങ്ങാതെ വരുകയാണ്. തക്കാളി പോലെയുള്ളവ ലക്ഷ്വറി സാധനങ്ങളുടെ പട്ടികയിൽ പെടുത്തേണ്ടി വരും. കുറച്ച് തക്കാളി വാങ്ങി വച്ചാലും അത് പെട്ടെന്ന് കേടായിപോവുകയും ചെയ്യും.

അങ്ങനെയെങ്കിൽ ദിവസവും തക്കാളി വാങ്ങി പോക്കറ്റ് കാലിയാക്കുന്നതിനു പകരം ഈ വിദ്യകൾ പരീക്ഷിച്ചു നോക്കൂ

ഉണങ്ങിയെടുത്ത തക്കാളി

കേൾക്കുമ്പോൾ രസകരമെന്ന് തോന്നാമെങ്കിലും തക്കാളി വൃത്തിയായി കഴുകി രണ്ട് കഷ്ണങ്ങാക്കി മുകളിൽ കുറച്ച് ഉപ്പും വിതറി 2 ആഴ്ചയെങ്കിലും വെയിലത്തു വച്ച് ഉണങ്ങി സൂക്ഷിക്കാവുന്നതാണ്. ഇത് ആവശ്യാനുസരണം കറിയിലും മറ്റും ചേർക്കാം.

തക്കാളിപ്പൊടി

തക്കാളി ഉണങ്ങിയതിൽ നിന്നും കുറച്ചെടുത്ത് നന്നായി പൊടിച്ച് മറ്റൊരു പാത്രത്തിൽ സൂക്ഷിക്കാം. നനവില്ലാത്ത പാത്രത്തിലേയ്ക്കു മാറ്റാൻ ശ്രദ്ധിക്കാം.

ഫ്രീസറിൽ സൂക്ഷിക്കാം

തക്കാളി സൂക്ഷിക്കാനുള്ള എളുപ്പ മാർഗമാണിത്. അൽപം വെള്ളമൊഴിച്ച് തക്കാളി നന്നായി തിളപ്പിക്കാം. അത് തണുത്തതിനു ശേഷം തൊലി കളഞ്ഞ് ഉടച്ചെടുക്കാം. ഇത് ഫ്രീസറിൽ ആഴ്ചകളോളം സൂക്ഷിക്കാം.