അരിയിൽ ഒളിച്ചിരിക്കുന്ന ഇത്തിരി കുഞ്ഞൻ ചെള്ളിനെ തുരത്താൻ അടുക്കളയിലുണ്ട് വഴി

വീട്ടിലെ അടുക്കള വൃത്തിയും വെടിപ്പുമുള്ളതായി സൂക്ഷിക്കേണ്ട വളരെ പ്രധാനപ്പെട്ട സ്ഥലമാണ്. എന്നാൽ, എത്ര വൃത്തിയാണെങ്കിലും, ചിലപ്പോൾ അരി, ധാന്യങ്ങൾ, സുഗന്ധവ്യഞ്ജന പാത്രങ്ങൾ എന്നിവയിൽ കീടങ്ങൾ, പ്രാണികൾ, ചെറിയ പുഴുക്കൾ മുതലായവ കാണാറുണ്ട്. അവയെ തുരത്താൻ കെമിക്കൽ      ഇതിനായി, പലരും വിപണിയിൽ ലഭ്യമായ കെമിക്കൽ സ്പ്രേകൾ ഉപയോഗിക്കുന്നതിനു പകരം ഈ പൊടിക്കൈ പരീക്ഷിച്ചു നോക്കൂ.

Also Read: കത്തിയുടെ മൂർച്ച കുറഞ്ഞോ? പുതിയതു വാങ്ങുന്നതിനു പകരം ഇങ്ങനെ ചെയ്തു നോക്കൂ

ചേരുവകൾ 

• മഞ്ഞൾ
• ഗ്രാമ്പൂ
• കുരുമുളക്

മഞ്ഞളിൻ്റെ ആൻ്റി സെപ്റ്റിക് ഗുണങ്ങൾ പ്രാണികളെയും വണ്ടുകളെയും അകറ്റി നിർത്താൻ ഫലപ്രദാണ്. ശക്തമായ ഗന്ധമുള്ള ഗ്രാമ്പൂ, കുരുമുളക് എന്നിവ ഇത്തരം പ്രാണികൾക്ക് അസഹനീയമാണ്. 

ഉപയോഗിക്കേണ്ട വിധം

ഒരു ചെറിയ കോട്ടൺ തുണിയെടുക്കാം. അതിലേയ്ക്ക് മഞ്ഞൾപ്പൊടി, ഗ്രാമ്പൂ, കുറുച്ച് കുരുമുളക് എന്നിവയെടുക്കാം. ശേഷം തുണി മുറുകെ കെട്ടി ഒരു കിഴിയാക്കാം. അരിയോ ധാന്യങ്ങളോ സൂക്ഷിക്കുന്ന പാത്രത്തിൽ ഇത് വയ്ക്കാം. 

ഗുണങ്ങൾ

എങ്ങനെ ചെയ്യാം?

മഞ്ഞളിൻ്റെയും ഗ്രാമ്പൂവിൻ്റെയും ശക്തമായ ഗന്ധവും പ്രാണികൾക്ക് അസഹനീയമാണ്. അതുകൊണ്ടാണ് അവ ധാന്യ പാത്രങ്ങളിൽ പ്രവേശിക്കില്ല. കുരുമുളക് അതിന്റെ രൂക്ഷത കാരണം വണ്ടുകളുടെയും പുഴുക്കളുടെയും വളർച്ചയെ തടയുന്നു. രണ്ട് മാസം കൂടുമ്പോൾ ഇത് മാറ്റി വയ്ക്കണം. 

Also Read: ഒരു മുറി നാരങ്ങ മതി, ഇനി കൈയ്യിലെ മീൻ മണം കുറയ്ക്കാൻ സോപ്പ് ഉപയോഗിക്കേണ്ട

മറ്റ് വഴികൾ

വെയിൽ കൊള്ളിക്കാം

ധാന്യങ്ങൾ ഒരു ദിവസം മുഴുവൻ വെയിലത്ത് വയ്ക്കാം. നേരിട്ട് സൂര്യപ്രകാശം ഏൽക്കുന്നതിലൂടെ പ്രാണികളും അവയും മുട്ടയും നശിക്കുന്നു.

നാച്യുറൽ റിപ്പല്ലൻ്റുകൾ ഉപയോഗിക്കാം

ധാന്യങ്ങൾ സൂക്ഷിക്കുന്ന പാത്രത്തിനുള്ളിൽ ഉണങ്ങിയ വഴനയില, വേപ്പില, ഗ്രാമ്പൂ, അല്ലെങ്കിൽ വെളുത്തുള്ളി അല്ലി എന്നിവ വെയ്ക്കാം. ഇവയുടെ ഗന്ധം ചെറുപ്രാണികൾക്ക് സഹിക്കാൻ കഴിയില്ല.

Also Read: ഒരു കഷ്ണം ഇഞ്ചി മതി, ഇനി അടുക്കളയിൽ എലി ശല്യം ഉണ്ടാകില്ല

ഫ്രീസ് ചെയ്യാം

വെയിലത്തു വയ്ക്കാൻ സാധിച്ചില്ലെങ്കിൽ ചെള്ള് കയറിയ അരി 3 മുതൽ 4 ദിവസം വരെ ഫ്രീസറിൽ സൂക്ഷിക്കാം. ഫ്രീസ് ചെയ്യുന്നതിലൂടെ അവ പൂർണ്ണമായും ചത്തു പോകുന്നു.

ഉപയോഗിക്കുന്ന പാത്രങ്ങൾ

ലോഹം കൊണ്ടുള്ള അല്ലെങ്കിൽ ഗ്ലാസ് പാത്രങ്ങളിൽ ധാന്യങ്ങൾ സൂക്ഷിക്കാം. പ്ലാസ്റ്റിക് പായ്ക്കറ്റുകളിലോ അല്ലെങ്കിൽ അയഞ്ഞ അടപ്പുള്ള ബിന്നുകളിലോ ഇത് വയ്ക്കാൻ പാടില്ല.

Read More: വെളുത്തുള്ളി അല്ലി ഒരെണ്ണം മതി, ഇനി അടുക്കളയിൽ ഒളിച്ചിരിക്കുന്ന പല്ലികളെ തുരത്താം