വാടിപ്പോകില്ല, മാസങ്ങളോളം ഇഞ്ചി കേടുകൂടാതെ സൂക്ഷിക്കാൻ ഇത്രമാത്രം ചെയ്യൂ

ഇഞ്ചി വാങ്ങുമ്പോൾ ശ്രദ്ധിക്കാം. നേർത്ത തൊലികളുള്ള കട്ടിയുള്ള ഇഞ്ചി വാങ്ങാം.

ഇഞ്ചി പേപ്പർ അല്ലെങ്കിൽ തുണി കവറിൽ പൊതിഞ്ഞു സൂക്ഷിക്കുന്നത് പെട്ടെന്ന് ചീഞ്ഞു പോകുന്നത് തടയും.

സീലിംഗ് ബാഗിൽ വച്ച് ഫ്രിഡ്ജിൽ സൂക്ഷിക്കുന്നതും ഫലപ്രദമാണ്. ഇത് ഇഞ്ചിയുടെ മണം പോകാതിരിക്കാൻ സഹായിക്കും.

ഏതെങ്കിലും തരത്തിലുള്ള അസിഡിക് മിശ്രിതത്തിൽ മുക്കി വയ്ക്കുന്നത് ഇഞ്ചി ഫ്രഷായി ഇരിക്കാൻ സഹായിക്കും. നാരങ്ങ നീരോ വിനാഗിരിയോ ഇതിനായി ഉപയോഗിക്കാവുന്നതാണ്.

തൊലി കളഞ്ഞ് ചെറിയ കഷ്ണങ്ങളാക്കി വായു കടക്കാത്ത പാത്രത്തിലാക്കി സൂക്ഷിക്കാം. അല്ലെങ്കിൽ ഉണക്കിപൊടിച്ചെടുത്തു വയ്ക്കുന്നതും ഗുണകരമാണ്.