ഒറ്റ രാത്രി കൊണ്ട് പാറ്റകളെ തുരത്താം, ഇതുപയോഗിച്ചു നോക്കൂ

വീടിന്റെ അടുക്കളയിലും മറ്റും പാറ്റകൾ ഉണ്ടാകുന്നത് ഒരു വലിയ തലവേദനയാണ്. രാസവസ്തുക്കൾ ഉപയോഗിച്ചുള്ള കീടനാശിനികൾ പലപ്പോഴും ആരോഗ്യത്തിന് ദോഷകരമാകാറുണ്ട്. എന്നാൽ, നമ്മുടെ വീട്ടിലുള്ള ഒരു സാധാരണ ചേരുവ ഉപയോഗിച്ച് ഈ ശല്യക്കാരെ എളുപ്പത്തിൽ തുരത്താൻ സാധിക്കും. അതാണ് ബേക്കിംഗ് സോഡ അഥവാ സോഡിയം ബൈകാർബണേറ്റ്.

Also Read: അടുക്കളയിൽ പാചകം എളുപ്പമാക്കാൻ ഉറപ്പായും ഇക്കാര്യങ്ങൾ അറിയണം

ബേക്കിംഗ് സോഡ പാറ്റകളെ കൊല്ലുന്നത് ഒരു രാസപ്രവർത്തനത്തിലൂടെയാണ്. പാറ്റകൾ ഇത് കഴിക്കുമ്പോൾ, വയറ്റിലെ ആസിഡുകളുമായും വെള്ളവുമായും ചേർന്ന് ഒരു പ്രതിപ്രവർത്തനം നടക്കുകയും കാർബൺ ഡൈ ഓക്സൈഡ് വാതകം രൂപപ്പെടുകയും ചെയ്യും. ഈ വാതകത്തിന്റെ മർദ്ദം പാറ്റകളുടെ ആന്തരികാവയവങ്ങളെ തകർക്കുകയും അവ ചത്തുപോവുകയും ചെയ്യുന്നു.

Also Read: അരിയിൽ ഒളിച്ചിരിക്കുന്ന ഇത്തിരി കുഞ്ഞൻ ചെള്ളിനെ തുരത്താൻ അടുക്കളയിലുണ്ട് വഴി

ബേക്കിംഗ് സോഡ തനിയെ പാറ്റകൾ കഴിക്കാൻ സാധ്യത കുറവാണ്. അതിനാൽ, അവയെ ആകർഷിക്കുന്ന ഒരു ഭക്ഷ്യവസ്തുവുമായി ഇത് കലർത്തണം.

 തയ്യാറാക്കുന്ന വിധം

• തുല്യ അളവിൽ ബേക്കിംഗ് സോഡയും പഞ്ചസാരയും (പൊടിച്ച പഞ്ചസാര ഉപയോഗിക്കുന്നത് കൂടുതൽ ഫലപ്രദമാണ്) എടുക്കുക. ഇവ രണ്ടും നന്നായി യോജിപ്പിക്കുക.
• ഈ മിശ്രിതം പാറ്റകളെ പതിവായി കാണുന്ന സ്ഥലങ്ങളിൽ - കിച്ചൺ കൗണ്ടറുകളുടെ മൂലകളിൽ, സിങ്കിനടിയിൽ, ഫ്രിഡ്ജിന്റെയും സ്റ്റൗവിന്റെയും പിന്നിൽ, കാബിനറ്റുകൾക്കുള്ളിൽ - ചെറിയ അളവിൽ വിതറുക.
• പാറ്റകൾക്ക് എളുപ്പത്തിൽ വെള്ളം കുടിക്കാൻ കഴിയുന്ന സ്ഥലങ്ങളിൽ ഈ മിശ്രിതം വെക്കുന്നത് ഫലം കൂട്ടും. കാരണം ബേക്കിംഗ് സോഡ പ്രവർത്തിക്കാൻ വെള്ളം കൂടിയേ തീരൂ.

Also Read: ദുർഗന്ധമില്ലാതെ അടുക്കള എപ്പോഴും ഫ്രഷായിരിക്കണോ? എങ്കിൽ ഇതിലൊന്ന് ട്രൈ ചെയ്തു നോക്കൂ

ഇക്കാര്യങ്ങൾ ശ്രദ്ധിക്കാം

• പാറ്റകളെ തുരത്താൻ ഈ രീതി ഉപയോഗിക്കുമ്പോഴും വീട് വൃത്തിയായി സൂക്ഷിക്കുക എന്നത് വളരെ പ്രധാനമാണ്.
• ഭക്ഷണാവശിഷ്ടങ്ങൾ, എണ്ണമയം, വെള്ളം എന്നിവയില്ലാത്ത അന്തരീക്ഷം പാറ്റകൾക്ക് ജീവിക്കാൻ പ്രയാസകരമാക്കും.
•  ചില സാഹചര്യങ്ങളിൽ ഒരു ദിവസം കൊണ്ട് പാറ്റകൾ പൂർണ്ണമായും ഇല്ലാതാവില്ല.
• കുറഞ്ഞത് ഒരാഴ്ചയെങ്കിലും ഈ കെണി വെക്കുകയും ആവശ്യമെങ്കിൽ വീണ്ടും ഉപയോഗിക്കുക.
• രാസവസ്തുക്കളെ അപേക്ഷിച്ച് ഇത് കുട്ടികൾക്കും വളർത്തുമൃഗങ്ങൾക്കും സുരക്ഷിതമാണ്.

Read More: ഒരു മുറി നാരങ്ങ മതി, തുരുമ്പ് പിടിച്ച പൈപ്പ് മുതൽ എണ്ണക്കറ വരെ അകറ്റാം