വിനാഗിരി കൈയ്യിലുണ്ടോ? എങ്കിൽ അടുക്കള ഇനി പുതുപുത്തനായിരിക്കും

അടുക്കളയിലെ ടൈൽ സിൽ പറ്റിപ്പിടിച്ചിരിക്കുന്ന കറകൾ എത്ര ശ്രമിച്ചിട്ടും നീക്കം ചെയ്യാൻ സാധിക്കുന്നില്ലേ? എങ്കിൽ ഒറ്റത്തവണ ഇങ്ങനെ ചെയ്യൂ

ചേരുവകൾ

ടൂത്ത് പേസ്റ്റ്, നാരങ്ങ, ബേക്കിംഗ് സോഡ, ലിക്വിഡ് ഡിറ്റർജൻ്റ്

തയ്യാറാക്കുന്ന വിധം

ഒരു ചെറിയ ബൗളിലേയ്ക്ക് കല്ലുപ്പെടുക്കാം. അതിലേയ്ക്ക് ടൂത്ത് പേസ്റ്റും, ബേക്കിങ് സോഡയും, ലിക്വിഡ് ഡിറ്റർജൻ്റും ചേർത്ത് നന്നായി ഇളക്കി യോജിപ്പിക്കാം. ഇതിലേയ്ക്ക് കുറച്ച് വിനാഗിരി ഒഴിക്കാം. വിനാഗിരി ഇല്ലെങ്കിൽ വെള്ളം ചേർത്താലും മതി. ഈ മിശ്രിതം ഒരു പാത്രത്തിൽ അടച്ചു സൂക്ഷിക്കാം.

ഉപയോഗിക്കേണ്ട വിധം

ടൈൽസിൽ കറയുള്ള ഭാഗത്ത് ഈ മിശ്രിതം പുരട്ടാം. ശേഷം ഒരു ബ്രെഷ് ഉപയോഗിച്ച ഉരസാം. അൽപം സമയത്തിനു ശേഷം ഒരു സ്പോഞ്ചോ അല്ലെങ്കിൽ കോട്ടൺ തുണിയോ ഉപയോഗിച്ച് തുടയ്ക്കാം.

ഇക്കാര്യം ശ്രദ്ധിക്കാം

ടൈൽസിൽ പാടുകൾ വീഴാൻ സാധ്യതയുള്ളതിനാൽ മൃദുവായി സ്ക്രബ് ചെയ്യാൻ ശ്രദ്ധിക്കാം.