ടൂത്ത് പേസ്റ്റ് ഉപയോഗിച്ച് പല്ല് മാത്രമല്ല അടുക്കളയും വൃത്തിയാക്കാം

പല്ല് തേയ്ക്കാൻ ഉപയോഗിക്കുന്ന ടൂത്ത് പേസ്റ്റിന് അടുക്കള വൃത്തിയാക്കുന്നതിലും കാര്യമുണ്ട്. എത്ര ശ്രമിച്ചിട്ടും വിട്ടുമാറാത്ത കറകൾ കളയാൻ അത് വ്യത്യസ്ത തരത്തിൽ ഉപയോഗിക്കാം.

കട്ടിങ് ബോർഡ്

പച്ചക്കറികൾ മുറിക്കാൻ സ്ഥിരമായി ഉപോയോഗിക്കുന്നതിനാൽ കറയും ദുർഗന്ധവും കൊണ്ട് കട്ടിങ് ബോർഡ് പഴകിയതായിട്ടുണ്ടാകാം. അതിൽ ടൂത്ത് പേസ്റ്റ് പുരട്ടി സ്ക്രബർ ഉപയോഗിച്ച് ഉരച്ച കഴുകി നോക്കൂ.

സ്റ്റെയിൻലെസ് സ്റ്റീൽ സിങ്ക്

സിങ്ക് പുതുപുത്തനായി തിളങ്ങാൻ അൽപം ടൂത്ത് പേസ്റ്റ് പുരട്ടി നന്നായി സ്ക്രബ് ചെയ്ത് കഴുകാം.

ഗ്യാസ് സ്റ്റൗ

തുരുമ്പും കറയും പിടിച്ച് പഴകിയ സ്റ്റൗ തിളക്കമുള്ളതാക്കാൻ പേസ്റ്റ് പുരട്ടി ബ്രെഷോ സ്പോഞ്ചോ ഉപയോഗിച്ച് സ്ക്രബ് ചെയ്തു കഴുകാം.

ചായക്കറ

ഗ്ലാസിൽ പറ്റിപ്പിടിച്ചിരിക്കുന്ന ചായക്കറ എത്ര ശ്രമിച്ചിട്ടും മായുന്നല്ലെങ്കിൽ അവിടെ കുറച്ച് പേസ്റ്റ് പുരട്ടി മൃദുവായി സ്ക്രബ് ചെയ്യാം.