ഒരു മുറി നാരങ്ങ ഉണ്ടെങ്കിൽ ഇനി അടുക്കള വൃത്തിയാക്കുന്നത് എളുപ്പമാകും

അടുക്കള, കുളിമുറി എന്നിവിടങ്ങളിലെ ടൈൽസിലാണ് അധികവും കറകൾ കാണാറുള്ളത്. അവ നീക്കം ചെയ്യാൻ കടയിൽ നിന്നും വിലകൊടുത്ത് ഒരുപാട് ലോഷനുകൾ വാങ്ങി സൂക്ഷിക്കേണ്ടതില്ല. ഒറ്റത്തവണ പരീക്ഷിച്ചു നോക്കാവുന്ന ഒരു പൊടിക്കൈ ഉണ്ട്.

ചേരുവകൾ

ടൂത്ത് പേസ്റ്റ്, നാരങ്ങ, ബേക്കിംഗ് സോഡ, വിനാഗിരി, ലിക്വിഡ് ഡിറ്റർജൻ്റ്

തയ്യാറാക്കുന്ന വിധം

ഒരു ചെറിയ ബൗളിലേയ്ക്ക് കല്ലുപ്പെടുക്കാം. അതിലേയ്ക്ക് ടൂത്ത് പേസ്റ്റും, ബേക്കിങ് സോഡയും, ലിക്വിഡ് ഡിറ്റർജൻ്റും ചേർത്ത് നന്നായി ഇളക്കി യോജിപ്പിക്കാം. ഇതിലേയ്ക്ക് കുറച്ച് വിനാഗിരി ഒഴിക്കാം. വിനാഗിരി ഇല്ലെങ്കിൽ വെള്ളം ചേർത്താലും മതി. ഈ മിശ്രിതം ഒരു പാത്രത്തിൽ അടച്ചു സൂക്ഷിക്കാം.

ഉപയോഗിക്കേണ്ട വിധം

ടൈൽസിൽ കറയുള്ള ഭാഗത്ത് ഈ മിശ്രിതം പുരട്ടാം. ശേഷം ഒരു ബ്രെഷ് ഉപയോഗിച്ച ഉരസാം. അൽപം സമയത്തിനു ശേഷം ഒരു സ്പോഞ്ചോ അല്ലെങ്കിൽ കോട്ടൺ തുണിയോ ഉപയോഗിച്ച് തുടയ്ക്കാം.

ഇക്കാര്യം ശ്രദ്ധിക്കാം

ടൈൽസിൽ പാടുകൾ വീഴാൻ സാധ്യതയുള്ളതിനാൽ മൃദുവായി സ്ക്രബ് ചെയ്യാൻ ശ്രദ്ധിക്കാം.