ഈ പൊടി ഒരു നുള്ള് മതി, ഇനി അടുക്കള ഫ്രഷായിരിക്കാൻ കടുപ്പമേറിയ രാസവസ്തുക്കൾ വേണ്ട

നമ്മുടെ വീടിന്റെ ഹൃദയമാണ് അടുക്കള. ഭക്ഷണം പാകം ചെയ്യുന്ന ഈ ഇടം ആരോഗ്യത്തോടെ നിലനിർത്തേണ്ടത് വളരെ അത്യാവശ്യമാണ്. എന്നാൽ, കറികളും എണ്ണമയവും എളുപ്പത്തിൽ പറ്റുന്ന അടുക്കള വൃത്തിയാക്കുക എന്നത് പലപ്പോഴും ഒരു വെല്ലുവിളിയാണ്. കടുപ്പമേറിയ രാസവസ്തുക്കൾ ഉപയോഗിച്ച് വൃത്തിയാക്കുമ്പോൾ പലപ്പോഴും അതിന്റെ രൂക്ഷമായ ഗന്ധം ഭക്ഷണത്തിൽ കലരാനുള്ള സാധ്യതയുണ്ട്, ഇത് ആരോഗ്യത്തിന് ദോഷകരവുമാണ്.

Also Read: പൂപ്പൽ പിടിക്കില്ല, അച്ചാർ മാസങ്ങളോളം ഫ്രഷായിരിക്കാൻ ഇങ്ങനെ ചെയ്യൂ

ഇവിടെയാണ് അടുക്കളയിലെ ഒരു മാന്ത്രിക ചേരുവയായ ബേക്കിംഗ് സോഡയുടെ (അഥവാ സോഡിയം ബൈകാർബണേറ്റ്) പ്രാധാന്യമുള്ളത്. സാധാരണയായി പലഹാരങ്ങൾ ഉണ്ടാക്കാൻ ഉപയോഗിക്കുന്ന ഈ വെളുത്ത പൊടി, അടുക്കളയിലെ മാരകമായ കറകളെയും ദുർഗന്ധത്തെയും നീക്കം ചെയ്യാനുള്ള ഒരു മികച്ച, പ്രകൃതിദത്തമായ ക്ലീനിംഗ് ഏജന്റാണ്.

Also Read: ഭക്ഷണത്തിന് രുചിയും ഗുണവും വർധിക്കും, പാകം ചെയ്യാൻ ഇതിലൊന്ന് ഉപയോഗിക്കൂ

വിഷാംശമില്ലാത്തതും വിലകുറഞ്ഞതുമായ ബേക്കിംഗ് സോഡ ഉപയോഗിച്ച് കൗണ്ടർടോപ്പുകൾ, സ്റ്റൗ ടോപ്പുകൾ, ഫ്രിഡ്ജ്, സിങ്ക് തുടങ്ങി അടുക്കളയിലെ എല്ലാ ഭാഗങ്ങളും തിളക്കത്തോടെ വൃത്തിയാക്കാൻ സാധിക്കും. ഇത് എണ്ണമയമുള്ള പാടുകൾ നീക്കം ചെയ്യാനും ദുർഗന്ധം വലിച്ചെടുക്കാനും സഹായിക്കുന്നു. 

സ്റ്റൗ വൃത്തിയാക്കാൻ

നനവുള്ള ഗ്യാസ് സ്റ്റൈവിൽ കുറച്ച് ബേക്കിങ് സോഡ വിതറാം. 10 മിനിറ്റിനു ശേഷം സ്ക്രബ് ചെയ്ത് കഴുകിയെടുക്കാം. 

സിങ്ക് വൃത്തിയാക്കാൻ

സിങ്കിനുള്ളിലേയ്ക്ക് ബേക്കിങ് സോഡ വിതറാം. കുറച്ച് നാരങ്ങ നീരു കൂടി ഒഴിക്കാം. ശേഷം സ്ക്രബ് ചെയ്ത് കഴുകി വൃത്തിയാക്കാം. 

Also Read:  കരിഞ്ഞു പിടിച്ച പാത്രങ്ങൾ ഇനി പുത്തുപുത്തൻ പോലെ തിളങ്ങും, സോപ്പിനു പകരം ഇത് ഉപയോഗിച്ച് കഴുകാം

കറ പിടിച്ച പാത്രങ്ങൾ വൃത്തിയാക്കാൻ

ഒരു സ്പൂൺ ബേക്കിങ്ങ് സോഡയിലേയ്ക്ക് കുറച്ച് വെള്ളം ചേർത്ത് പേസ്റ്റ് രൂപത്തിലാക്കാം. അത് പാനിൽ പുരട്ടി സ്പോഞ്ച് ഉപയോഗിച്ച് മൃദുവായി സ്ക്രബ് ചെയ്തെടുക്കാം. 

ടൈൽസിലെ കറകൾ നീക്കം ചെയ്യാൻ

ബേക്കിങ് സോഡ വെള്ളം ചേർത്ത് പേസ്റ്റ് രൂപത്തിലാക്കാം.ഇത് ഇളം ചൂടുവെള്ളത്തിൽ ചേർക്കാം. കോട്ടൺ തുണിയോ സ്പോഞ്ചോ ഉപയോഗിച്ച് കറയുള്ള ഭാഗങ്ങളിൽ തുടയ്ക്കാം.

ദുർഗന്ധം അകറ്റാൻ

ബേക്കിങ് സോഡ ഒരു കോട്ടൺ തുണിയിൽ കെട്ടി ഫ്രിഡ്ജിനുള്ളിലോ അടുക്കള ക്യാബിനിലോ വയ്ക്കാം. ഇവ കൂടാതെ കടയിൽ നിന്നും വാങ്ങിയ പഴങ്ങളും പച്ചക്കറികളും ബേക്കിങ് സോഡ ചേർത്ത വെള്ളത്തിൽ അൽപ സമയം മുക്കി വയ്ക്കുന്നത് അണുക്കളെ നീക്കം ചെയ്യാൻ സഹായിക്കും. 

Read More: വിലകൊടുത്തു വാങ്ങേണ്ട, തേങ്ങ ചിരകിയെടുത്ത് ഇങ്ങനെ സൂക്ഷിച്ചാൽ മാസങ്ങളോളം ഉപയോഗിക്കാം