ഒരു പച്ചമാങ്ങ മതി, കൊതിപ്പിക്കും രുചിയിൽ അച്ചാർ തയ്യാറാക്കാം 5 മിനിറ്റിൽ

ചോറിനൊപ്പം അൽപം അച്ചാറ് കൂടി ചേർന്നാൽ അടിപൊളി രുചിയാണ്. അതിൽ തന്നെ പച്ചമാങ്ങ അച്ചാറുണ്ടെങ്കിൽ പ്രിയമേറും. തയ്യാറാക്കി ദീർഘനാൾ സൂക്ഷിക്കാം എന്നതാണ് ഇതിൻ്റെ ഗുണം. ഉപ്പിലിട്ടും, ഉണക്കിയും, വരട്ടിയും അങ്ങനെ പലതരത്തിൽ മാങ്ങ ഉപയോഗിച്ച് ആച്ചാർ തയ്യാറാക്കാൻ​ സാധിക്കും. വിപണിയിലും വ്യത്യസ്ത രുചിയിൽ ഇത് ലഭ്യമാണ്. അച്ചാർ തയ്യാറാക്കാൻ അധികം സമയം ചിലവഴിക്കാനില്ല എങ്കിൽ ഒരു ഇൻസ്റ്റൻ്റ്  റെസിപ്പി പരീക്ഷിച്ചു നോക്കൂ. അക്ഷദ ദേശായി തൻ്റെ ഇൻസ്റ്റഗ്രാം പേജിലൂടെയാണ് ഈ സിംപിൾ അച്ചാർ റെസിപ്പി പരിചയപ്പെടുത്തി തരുന്നത്.

Also Read: മാവ് കുഴച്ചും പരത്തിയും സമയം കളയേണ്ട, ഇനി രണ്ട് കപ്പ് അരിപ്പൊടിയിൽ കിടിലൻ ബ്രേക്ക്ഫാസ്റ്റ് തയ്യാറാക്കാം

ചേരുവകൾ

• പച്ചമാങ്ങ
• എണ്ണ
• കടുക്
• ഉപ്പ്
• മഞ്ഞൾപ്പൊടി
• മുളകുപൊടി
• മല്ലിപ്പൊടി

Also Read: ശരീരഭാരം മാത്രമല്ല ബ്ലഡ് ഷുഗറും നിയന്ത്രിക്കാം, ഗോതമ്പ് പൊടിക്ക് പകരം ചപ്പാത്തി തയ്യാറാക്കാൻ ഇത് ഉപയോഗിക്കൂ

View this post on Instagram

A post shared by Akshada Desai Lobo (@food.and.frolic)

Also Read: അരി കുതിർക്കേണ്ട, ചോറും വേണ്ട; ഇനി പഞ്ഞിപോലുള്ള അപ്പം ചുട്ടെടുക്കാൻ ഇതാ പൊടിക്കൈ

തയ്യാറാക്കുന്ന വിധം

• ഒരു പച്ചമാങ്ങ നന്നായി കഴുകിയെടുക്കാം. അൽപം പോലും ഈർപ്പമില്ലാതെ അത് നന്നായി തുടച്ചെടുക്കാം. ശേഷം തൊലി കളയാതെ തന്നെ അത് ചെറിയ കഷ്ണങ്ങളാക്കാം. 
• മാങ്ങ കഷ്ണത്തിലേയ്ക്ക് മഞ്ഞൾപ്പൊടി, ഉപ്പ്, മുളകുപൊടി, മല്ലിപ്പൊടി എന്നിവ ചേർത്തിളക്കാം. 
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് എണ്ണയൊഴിക്കാം. 
• എണ്ണ ചൂടായി കഴിയുമ്പോൾ തീ കുറച്ചു വയ്ക്കാം. ഇതിലേയക്ക് കടുകും ഉലുവയും ചേർത്തു പൊട്ടിക്കാം. 
• ഈ താളിപ്പ് മാങ്ങയിലേയ്ക്ക് ചേർത്തിളക്കിയെടുക്കാം. അഞ്ച് മിനിറ്റിൽ മാങ്ങ അച്ചാർ റെഡി. 
• ചൂട് ചോറിലേയ്ക്ക് മോര് കറി ഒഴിച്ച് ഒപ്പം ഈ അച്ചാറും കഴിച്ചു നോക്കൂ. 

Read More: മാവ് അരയ്‌ക്കേണ്ട, പഞ്ഞിപോലുള്ള ദോശ 5 മിനിറ്റിൽ ചുട്ടെടുക്കാൻ ഇതാ ഒരു പൊടിക്കൈ