scorecardresearch
Food

വറുത്തരച്ച നാടൻ കൂന്തൽ കറി

ഒരു തവണയെങ്കിലും ഈ വറുത്തരച്ച കൂന്തൽ കറി കഴിച്ചു നോക്കൂ, അസാധ്യ രുചിയാണ്

Written byWebDesk

ഒരു തവണയെങ്കിലും ഈ വറുത്തരച്ച കൂന്തൽ കറി കഴിച്ചു നോക്കൂ, അസാധ്യ രുചിയാണ്

author-image
WebDesk
New Update
Squid Curry Recipe FI

വറുത്തരച്ച കൂന്തൽ കറി

എത്ര കഴിച്ചാലും മതിവരാത്തവയാണ് കടൽ വിഭവങ്ങൾ.  കൊതിയൂറുന്ന ധാരാള വിഭവങ്ങൾ ഇത്തരം വിഭവങ്ങളിൽ ഉൾപ്പെടും. അതിൽ തന്നെ ഏറെ കൊതിപ്പിക്കുന്ന ഒന്നാണ് വറുത്തരച്ച കൂന്തൽ കറി. മസാലകൂട്ടിൽ വേവിച്ചെടുത്ത കൂന്തലിലേയ്ക്ക് വറുത്തരച്ച അരപ്പു കൂടി ചേർത്ത് തിളപ്പിച്ചെടുത്തു നോക്കൂ. വൃത്തിയാക്കാൻ പ്രയാസമാണ് എന്നതു കൊണ്ടാണ് പലപ്പോഴും കൂന്തൽ വിഭവങ്ങൾ അധികം വീടുകളിൽ പാകം ചെയ്യാത്തത്. എന്നാൽ ഫ്രെഷ് കൂന്തൽ വൃത്തിയാക്കിയ നിലയിലും ഇപ്പോൾ വിപണിയിൽ ലഭ്യമാണ്. ഷാഗി ഉഷകുമാർ തൻ്റെ ഇൻസ്റ്റഗ്രാം പേജിലൂടെയാണ് കൂന്തൽ കറി തയ്യാറാക്കുന്ന വിധം പരിചയപ്പെടുത്തി തരുന്നത്. 

Advertisment

ചേരുവകൾ

  • പെരുംജീരകം
  • കുരുമുളക് 
  • തേങ്ങ 
  • ഇഞ്ചി 
  • വെളുത്തുളളി
  • ചുവന്നുള്ളി 
  • കറിവേപ്പില 
  • മുളകുപൊടി
  • മല്ലിപൊടി 
  • ഗരംമസാല
  • കൂന്തൽ 
  • പച്ചമുളക് 
  • മഞ്ഞൾപ്പൊടി
  • കുടംപുളി 
  • തക്കാളി
  • ഉപ്പ്
  • വെളിച്ചെണ്ണ 
  • കടുക് 
  • വറ്റൽമുളക്
  • കറിവേപ്പില

തയ്യാറാക്കുന്ന വിധം

  • ഒരു പാത്രത്തിലേയക്ക് വൃത്തിയാക്കിയ കൂന്തൽ, പച്ചമുളക് അരിഞ്ഞത്, തക്കാളി അരിഞ്ഞത്, അൽപ്പം മുളകുപൊടി, കുടംപുളി, മഞ്ഞൾപ്പൊടി, ആവശ്യത്തിന് ഉപ്പ്, കുറച്ച് വെള്ളം എന്നിവ ചേർത്ത് അടച്ച് അടുപ്പിൽ വെച്ച്  പത്തു മിനിറ്റു വേവിക്കുക.
  • മറ്റൊരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി കുരുമുളക്, പെരുംജീരകം എന്നിവ ചേർത്ത് വറുക്കുക.
  • തേങ്ങ ചിരകിയത്, ഇഞ്ചിയും വെളുത്തുള്ളിയും അരിഞ്ഞത്, കുറച്ച് ചുവന്നുള്ളിയും ചേർത്തു വഴറ്റുക.
  • എരിവിനനുസരിച്ച് മുളകുപൊടി, മല്ലിപ്പൊടി, ഗരംമസാല എന്നിവ ചേർത്ത് അടച്ചുവെച്ച് വേവിക്കുക. ഇത് അരച്ചെടുക്കുക.
  • തിളച്ചു വരുന്ന കറിയിലേയ്ക്ക് അരപ്പ് ചേർത്ത് പത്ത് മിനിറ്റു കൂടി അടച്ചു വെച്ച് വേവിക്കുക. 
Advertisment

Read More

Recipe Fish Food seafood

Stay updated with the latest news headlines and all the latest Lifestyle news. Download Indian Express Malayalam App - Android or iOS.

Follow us: