അരിപ്പൊടി നനയ്ക്കുന്നതിനു മുമ്പ് ഇതു കൂടി ചേർക്കൂ, പുട്ട് പഞ്ഞി പോലെ കിട്ടും

കേരളത്തിൻ്റെ തനതു ഭക്ഷങ്ങളിൽ ഉൾപ്പെടുന്ന ഒന്നാണ് പുട്ട്. അരിപ്പൊടി നനച്ച് അൽപ്പം തേങ്ങ ചിരകിയതും ചേർത്ത് ആവിയിൽ വേവിച്ചാണ് സാധാരണ പുട്ട് തയ്യാറാക്കാറുള്ളത്. അരിപ്പൊടി കൂടാതെ ഗോതമ്പ്, റാഗി, കപ്പ എന്നിവ ഉപയോഗിച്ചും ഇത് തയ്യാറാക്കാം. മുളങ്കുറ്റിയിലും, ചിരട്ടയിലും, അങ്ങനെ തയ്യാറാക്കുന്ന വിധത്തിലും പുട്ടിന് വ്യത്യസ്തതയുണ്ട്. വിവിധ രുചികളിലും പുട്ട് ലഭ്യമാണ്. മാമ്പഴ പുട്ട്, ബീഫ് പുട്ട് എന്നിങ്ങനെ വ്യത്യസ്ത തരം പുട്ടുണ്ട്. 

Also Read: അരികു ക്രിസ്പിയായ പാലപ്പം കിട്ടാൻ അരിയിൽ ഇതു ചേർത്ത് മാവ് അരയ്ക്കൂ

എന്നാൽ അരിപ്പൊടി കൊണ്ട് തയ്യാറാക്കുമ്പോൾ പലപ്പോഴും പുട്ട് വിചാരിക്കുന്നത്ര സോഫ്റ്റായി കിട്ടാറില്ല എന്ന് തോന്നിയിട്ടുണ്ടോ?. രാവിലെ ആസ്വദിച്ചു കഴിക്കാൻ പഞ്ഞി പോലെ സോഫ്റ്റ് പുട്ട് കിട്ടാൻ ഒരു നുറുങ്ങു വിദ്യയുണ്ട്. ഈ റെസിപ്പി ട്രൈ ചെയ്യൂ

ചേരുവകൾ

• പച്ചരി
• ഉപ്പ്
• ഉണക്ക കപ്പ
• ചെറുചൂടുള്ള വെള്ളം

Also Read: അരി അരയ്ക്കാതെ തന്നെ പഞ്ഞി പോലുള്ള അപ്പം കിട്ടും, ഇങ്ങനെ ചെയ്തു നോക്കൂ

Also Read: അരിപ്പൊടി കൊണ്ട് 10 മിനിറ്റിൽ ഒരു വെറൈറ്റി ബ്രേക്ക്ഫാസ്റ്റ് തയ്യാറാക്കാം

തയ്യാറാക്കുന്ന വിധം

• പച്ചരി 8 മണിക്കൂറെങ്കിലും വെള്ളത്തിൽ കുതിർത്തെടുക്കാം. ശേഷം വെള്ളം കളഞ്ഞ് അരി വെയിലത്തു വച്ച് നന്നായി ഉണക്കിയെടുക്കാം. 
• ഒട്ടും ജലാംശം ഇല്ലാതെ ഉണക്കിയെടുത്ത അരി നന്നായി പൊടിച്ചെടുക്കാം. 
• അരിപ്പൊടി അരിപ്പ ഉപയോഗിച്ച് അരിച്ചെടുക്കാം. 
• പുട്ട് തയ്യാറാക്കാൻ ആവശ്യമായ പൊടി അതിൽ നിന്നെടുത്ത് കുറച്ച് ഉണക്ക കപ്പയുടെ പൊടി കൂടി ചേർത്ത് പാനിൽ ചൂടാക്കാം. 
• വറുത്തെടുത്ത പൊടി തണുക്കാൻ മാറ്റി വയ്ക്കാം. 
• തണുത്ത പൊടിയിൽ ചെറുചൂടുള്ള വെള്ളം ചേർത്ത് പുട്ട് തയ്യാറാക്കാൻ പാകത്തിന് നനച്ചെടുക്കാം. 
• ശേഷം പുട്ടുകുറ്റിയിലേയ്ക്കു മാറ്റി അൽപം തേങ്ങ ചിരകിയതു കൂടി ചേർത്ത് ആവിയിൽ വേവിച്ചെടുക്കാം. 

Read More: പോഷകസമൃദ്ധമായ ബ്രേക്ക്ഫാസ്റ്റാണോ വേണ്ടത്? എങ്കിൽ അരിപ്പൊടിക്കു പകരം ഇത് ഉപയോഗിച്ച് ഇനി പുട്ട് തയ്യാറാക്കാം