പഞ്ഞി പോലുള്ള ഇൻസ്റ്റന്റ് ദോശ ചുട്ടെടുക്കാൻ ഇതാ ഒരു രഹസ്യക്കൂട്ട്

സാധാരണയായി ദോശയുണ്ടാക്കാൻ അരിയും ഉഴുന്നും മണിക്കൂറുകളോളം കുതിർക്കാനും പിന്നീട് മാവ് പുളിക്കാനും കാത്തിരിക്കേണ്ടതുണ്ട്. എന്നാൽ ഇത്തരം നീണ്ട പ്രക്രിയകളൊന്നുമില്ലാതെ, പഞ്ഞിപോലെ മൃദുവായ ദോശകൾ മിനിറ്റുകൾക്കുള്ളിൽ തയ്യാറാക്കാം എന്നതാണ് ഇൻസ്റ്റന്റ് ദോശകളുടെ പ്രത്യേകത. ഈ രീതിയിൽ ദോശ തയ്യാറാക്കുമ്പോൾ രുചിയിൽ യാതൊരു വിട്ടുവീഴ്ചയും ഉണ്ടാകില്ല. ഉഴുന്ന് ഉപയോഗിക്കുന്നതിനു പകരം ഉരുളക്കിഴങ്ങ് അല്ലെങ്കിൽ അവൽ എന്നിവ ഉപയോഗിച്ച് വളരെ ലളിതമായി മാവ് തയ്യാറാക്കാൻ സാധിക്കും.

Also Read: അരി വേണ്ട രുചിയിൽ വിട്ടുവീഴ്ചയുമില്ല; 15 മിനിറ്റിൽ ഒരുക്കാം പോഷകസമൃദ്ധമായ ബിരിയാണി

രാവിലെ ജോലിക്ക് പോകുന്നവർക്കും കുട്ടികൾക്ക് ടിഫിൻ ബോക്സ് തയ്യാറാക്കുന്നവർക്കും ഇൻസ്റ്റന്റ് ദോശ വലിയൊരു ആശ്വാസമാണ്. ഇച്ചു തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• പച്ചരി- 1 കപ്പ്
• ഉരുളക്കിഴങ്ങ്- 2 എണ്ണം
• തൈര്- കാൽ കപ്പ്
• ബേക്കിംഗ് സോഡ- 1/4 ടീസ്പൂൺ

Also Read: ചോറ് ബാക്കി വന്നോ? 5 മിനിറ്റിൽ തയ്യാറാക്കാം കിടിലൻ ഫ്രൈഡ് റൈസ്

Also Read: ആരോഗ്യകരമായ ഈ പ്രഭാത ഭക്ഷണം കഴിക്കാൻ ആരും മടികാണിക്കില്ല

തയ്യാറാക്കുന്ന വിധം

• ഒരു കപ്പ് പച്ചരി അൽപ്പം വെള്ളത്തിൽ കുതിർത്തു വയ്ക്കാം.
• രണ്ട് ഉരുളക്കിഴങ്ങ് പുഴുങ്ങി തൊലി കളഞ്ഞ് ഉടച്ചെടുക്കാം.
• കുതിർത്തെടുത്ത പച്ചരിയിലേയ്ക്ക് ഉരുളക്കിഴങ്ങ് ഉടച്ചതും, കാൽ കപ്പ് തൈരും ചേർക്കാം.
• ഒരു കപ്പ് പച്ചരിക്ക് ഒന്നേ കാൽ കപ്പ് വെള്ളം എന്ന കണക്കിൽ ഒഴിച്ച് അരി അരച്ചെടുക്കാം.
• അത് മറ്റൊരു ബൗളിലേക്ക് മാറ്റാം.
• ഇതിലേക്ക് ആവശ്യത്തിന് ഉപ്പ്, കാൽ ടീസ്പൂൺ ബേക്കിംഗ് സോഡ എന്നിവ ചേർത്ത് നന്നായി ഇളക്കി യോജിപ്പിക്കാം.
• ഒരു പാൻ അടുപ്പിൽ വച്ച് ചൂടാക്കാം.
• അതിലേക്ക് ആവശ്യത്തിന് മാവ് ഒഴിച്ച് ഇരുവശങ്ങളും ചുട്ടെടുക്കാം.
• മുകളിലായി മുളകുപൊടിയും നെയ്യും കലക്കിയെടുത്തത് പുരട്ടാം. ചൂടോടെ കഴിച്ചു നോക്കൂ. 

Read More: ഇനി ദിവസവും ഇഡ്ഡലിയുടെ രുചി കൂടും, ഇങ്ങനെ ചെയ്തു നോക്കൂ