അടുക്കളയിലെ ഈ ചെറിയ കാര്യങ്ങൾ ശ്രദ്ധിച്ചാൽ പാചകം എളുപ്പവും കറികൾ രുചികരവുമാക്കാം

വെജിറ്റബിൾ അല്ലെങ്കിൽ പഴങ്ങൾ കൊണ്ടുള്ള സാലഡിൽ ഇഞ്ചിയും നാരങ്ങയും പിഴിഞ്ഞൊഴിക്കുന്നത് രുചിയും ഗുണവും വർധിപ്പിക്കും. നാരങ്ങ ചേർത്തു കഴിഞ്ഞാൽ അധികം നേരം സൂക്ഷിച്ചു വയ്ക്കാൻ പറ്റില്ല.

പാവയ്ക്ക കറി തയ്യാറാക്കുമ്പോൾ കുറച്ച് നാരങ്ങ നീര് ചേർക്കുന്നത് കയ്പ് കുറയ്ക്കാൻ സഹായിക്കും.

അച്ചാറുകൾ ഫ്രിഡ്ജിൽ സൂക്ഷിക്കുന്നത് അത് ഏറെ നാൾ കേടുകൂടാതെ ഉപയോഗിക്കാൻ സഹായിക്കും.

കറിവേപ്പില കഴുകിയെടുത്ത് വെള്ളം കളഞ്ഞ് ടിഷ്യൂപേപ്പറിൽ പൊതിഞ്ഞ് വായുസഞ്ചാരമില്ലാത്ത പാത്രത്തിൽ സൂക്ഷിക്കാം. അത് എയർടൈറ്റ് ആയിട്ടുള്ള പാത്രത്തിൽ സൂക്ഷിക്കാം.

ജീരകം ചേർത്താണ് സാമ്പാർ തയ്യാറാക്കുന്നതെങ്കിൽ, അതിലേയ്ക്ക് കുറച്ച് പുതിനയില കൂടി അരിഞ്ഞു ചേർക്കുന്നത് ഗുണവും രുചിയും വർധിപ്പിക്കും.