ചോറ് കഴിക്കാൻ മടികാടുന്ന കുട്ടിക്കുറമ്പൻമാരെ വീഴ്ത്താൻ ഇതാ ഒരു വിദ്യ

കുട്ടികളുടെ ലെഞ്ച് ബോക്സിലേയ്ക്ക് എന്ത് പായ്ക്ക് ചെയ്യും എന്ന് സംശയമാണോ? ഉച്ചഭക്ഷണം കഴിക്കാൻ മടികാട്ടുന്ന കുട്ടികളെ വീഴ്ത്താൻ പറ്റിയ റെസിപ്പിയാണോ തപ്പുന്നത്? എങ്കിൽ ചോറും പച്ചക്കറികളും ഉപയോഗിച്ച് ഒരു ചൈനീസ് സ്പെഷ്യൽ വിഭവം തയ്യാറാക്കിക്കോളൂ.

ഒരു കാരറ്റ്, സവാള എന്നിവ ചെറുതായി അരിഞ്ഞെടുക്കാം. അടുപ്പിൽ ഒരു പാൻ വച്ച് ആവശ്യത്തിന് എണ്ണ ഒഴിച്ച് അവ വറ്റിയെടുക്കാം. കുറച്ച് ഉപ്പും കുരുമുളകുപൊടിയും ആവശ്യാനുസരണം ചേർക്കാവുന്നതാണ്.

വേവിച്ചെടുത്ത ചോറ് ചതച്ചെടുക്കാം. അതിലേയ്ക്ക് ചീസ് ഗ്രേറ്റ് ചെയ്തു ചേർക്കാം. ഒപ്പം ഒരു ടീസ്പൂൺ​ ഒറിഗാനോ, ഒരു ടീസ്പൂൺ വറ്റൽമുളക് ചതച്ചത്, ആവശ്യത്തിന് ഉപ്പും ചേർത്തിളക്കി യോജിപ്പിക്കാം.

വേവിച്ചെടുത്ത പച്ചക്കറി ചോറിലേയ്ക്കു ചേർത്തിളക്കി യോജിപ്പിക്കാം.

ചോറ് അൽപം വീതമെടുത്ത് ചെറിയ ഉരുളകളാക്കാം. ആ ഉരുളകളുടെ മുകളിൽ കുറച്ച് വെണ്ണ പുരട്ടാം.

ഒരു പാൻ അടുപ്പിൽ വച്ച് അൽപ്പം വെണ്ണ ചേർത്ത് ചൂടാക്കി ചോറുരുകൾ അൽപ സമയം വറുക്കാം. ശേഷം ചോറ്റു പാത്രത്തിലേയ്ക്കു മാറ്റിക്കോളൂ. ചിത്രങ്ങൾ: ഫ്രീപിക്