നിറത്തിൽ മാത്രമല്ല ഈ ദോശയുടെ ഗുണത്തിലും കാര്യമുണ്ട്

സൗത്തിന്ത്യൻ സ്പെഷ്യൽ പാലക്ക് മുട്ട ദോശ ശീലമാക്കൂ. രുചികരമാണ് ഹെൽത്തിയുമാണ് ഈ ദോശ.

ചേരുവകൾ

ഉഴുന്ന്- 1/2, ഉലുവ- 1 ടേബിൾസ്പൂൺ, അരി- 1 കപ്പ്, എണ്ണ- ആവശ്യത്തിന്, വെള്ളം- ആവശ്യത്തിന്, ഇഞ്ചി- 1 ടീസ്പൂൺ, പാലക്ക് ചീര- 2 കപ്പ്, മുട്ട- 2, ഉപ്പ്- ആവശ്യത്തിന്, മുളകുപൊടി- 1/4 ടീസ്പൂൺ, ജീരകം- 1 ടീസ്പൂൺ

അരിയും, ഉലുവയും, ഉഴുന്നും 4 മുതൽ 6 മണിക്കൂർ വരെ വെള്ളത്തിൽ കുതിർത്ത് കഴുകിയെടുക്കാം. ഇവ നന്നായി അരച്ചെടുക്കാം. തയ്യാറാക്കിയ മാവ് പുളിപ്പിക്കാൻ ഒരു രാത്രി മാറ്റി വയ്ക്കാം.

പാലക്ക് ചീരയിലേയ്ക്ക് ഇഞ്ചി ചേർത്ത് അരയ്ക്കാം.​ ഇത് ദോശ മാവിൽ ചേർത്തിളക്കി യോജിപ്പിക്കാം. മറ്റൊരു ബൗളിൽ മുട്ട പൊട്ടിച്ചൊഴിക്കാം. അതിലേയ്ക്ക് സവാള, മല്ലിയില, ഉപ്പ്, മുളകുപൊടി, ജീരകം എന്നിവ ചേർത്തിളക്കാം.

ഒരു പാൻ അടുപ്പിൽ വച്ച് കുറച്ച് നെയ്യ് പുരട്ടി ചൂടാക്കാം. മുകളിലായി തയ്യാറാക്കിയ മാവിൽ നിന്നും ആവശ്യത്തിന് ഒഴിക്കാം.

ദോശയ്ക്കു മുകളിലേയ്ക്ക് മുട്ട മിശ്രിതം 3 ടേബിൾസ്പൂൺ ചേർത്ത് ഇരുവശവും ചുട്ടെടുക്കാം. തേങ്ങ ചമ്മന്തിക്കൊപ്പം കഴിച്ചു നോക്കൂ.