ഈ 6 ഭക്ഷണങ്ങൾ അടുക്കളയിൽ കരുതിക്കോളൂ, എന്നും ഹെൽത്തിയായിരിക്കാം

ആരോഗ്യകരമായ ഭക്ഷണശീലം നിങ്ങളുടെ ജീവിതശൈലി മെച്ചപ്പടുത്താൻ സഹായിക്കും. അതിനായി അടുക്കളയിൽ ഉറപ്പായും ഉണ്ടായിരിക്കേണ്ട 6 ഭക്ഷ്യവസ്തുക്കൾ പരിചയപ്പെടാം

Written byWebDesk

ആരോഗ്യകരമായ ഭക്ഷണശീലം നിങ്ങളുടെ ജീവിതശൈലി മെച്ചപ്പടുത്താൻ സഹായിക്കും. അതിനായി അടുക്കളയിൽ ഉറപ്പായും ഉണ്ടായിരിക്കേണ്ട 6 ഭക്ഷ്യവസ്തുക്കൾ പരിചയപ്പെടാം

WebDesk

02 Jan 2026 15:23 IST

New Update

Healthiest 6 Food FI — പോഷകസമ്പന്നമായ ആഹാരക്രമം ശീലമാക്കാം | ചിത്രം: ഫ്രീപിക്

1/6

ഗ്രീക്ക് യോഗർട്ട്

പ്രോട്ടീനാലും പ്രോബയോട്ടിക്സാലും സമ്പന്നമാണ് ഗ്രീക്ക് യോഗർട്ട്. ഇത് പേശികളുടെ ആരോഗ്യത്തിനും ദഹനവ്യവസ്ഥയുടെ സന്തുലിതാവസ്ഥയ്ക്കും സഹായിക്കുന്നു. പ്രഭാതഭക്ഷണത്തിൽ പഴങ്ങൾക്കും തേനിനും ഒപ്പം ചേർത്തോ, ലഘുഭക്ഷണമായോ, സ്മൂത്തികളിലോ ഇത് ഉപയോഗിക്കാം.

2/6

മുട്ട

ഏറ്റവും എളുപ്പത്തിൽ പോഷകാഹാരം തയ്യാറാക്കാൻ സഹായിക്കുന്ന ഒന്നാണ് മുട്ട. ഉയർന്ന ഗുണമേന്മയുള്ള പ്രോട്ടീൻ, ആരോഗ്യകരമായ കൊഴുപ്പുകൾ, വിറ്റാമിനുകൾ, കോളിൻ തുടങ്ങിയ അവശ്യ പോഷകങ്ങൾ ഇതിൽ അടങ്ങിയിട്ടുണ്ട്. പുഴുങ്ങിയോ, ഓംലെറ്റായോ സലാഡുകളിൽ ചേർത്തോ ഇത് കഴിക്കാവുന്നതാണ്.

3/6

പയർവർഗ്ഗങ്ങൾ

പ്രോട്ടീനും നാരുകളും ധാരാളമായി അടങ്ങിയിട്ടുള്ള ഭക്ഷണമാണിത്. ഉണങ്ങിയതോ ടിന്നിലടച്ചതോ ആയ പയറുവർഗ്ഗങ്ങൾ അടുക്കളയിൽ കരുതുന്നത് നല്ലതാണ്. സൂപ്പുകൾ, സലാഡുകൾ, കറികൾ എന്നിവയിൽ ഇവ ചേർക്കുന്നത് സസ്യ പ്രോട്ടീൻ ലഭിക്കാനും ദഹനപ്രക്രിയ മെച്ചപ്പെടുത്താനും സഹായിക്കും.

Advertisment

4/6

ഇലക്കറികൾ

ചീര, കാലെ തുടങ്ങിയ ഇലക്കറികൾ വിറ്റാമിൻ എ, സി, കെ എന്നിവയാലും ഇരുമ്പ് സത്താലും സമ്പന്നമാണ്. ഫ്രഷ് ആയോ ഫ്രോസൺ ആയോ ഇവ സൂക്ഷിക്കാം. സ്മൂത്തികൾ, ഓംലെറ്റുകൾ, സലാഡുകൾ, തോരൻ എന്നിവയിൽ ഇവ ഉൾപ്പെടുത്തുന്നത് പോഷകങ്ങൾ വർദ്ധിപ്പിക്കാൻ സഹായിക്കും.

5/6

നട്‌സും വിത്തുകളും

ബദാം, വാൽനട്ട്, ചിയ വിത്തുകൾ എന്നിവ ആരോഗ്യകരമായ കൊഴുപ്പ്, പ്രോട്ടീൻ, ഫൈബർ എന്നിവയുടെ ഉറവിടമാണ്. ഇവയിൽ വിറ്റാമിൻ ഇ, മഗ്നീഷ്യം എന്നിവയും അടങ്ങിയിരിക്കുന്നു. ഓട്‌സ്, തൈര്, സലാഡുകൾ എന്നിവയ്ക്ക് മുകളിൽ വിതറിയോ സ്മൂത്തികളിൽ ചേർത്തോ ഇവ കഴിക്കുന്നത് വിശപ്പ് നിയന്ത്രിക്കാനും ഊർജ്ജം നൽകാനും സഹായിക്കും.

6/6

ധാന്യങ്ങൾ

ഓട്‌സ്, ക്വിനോവ, തവിട് കളയാത്ത അരി എന്നിവ കോംപ്ലക്സ് കാർബോഹൈഡ്രേറ്റുകളുടെയും നാരുകളുടെയും കലവറയാണ്. ഇവ ദഹനത്തെ ക്രമീകരിക്കാനും പകൽ മുഴുവൻ ശരീരത്തിന് ആവശ്യമായ ഊർജ്ജം നിലനിർത്താനും സഹായിക്കുന്നു.

Health Food

Stay updated with the latest news headlines and all the latest Lifestyle news. Download Indian Express Malayalam App - Android or iOS.