അഴുകി പോകില്ല മുളയ്ക്കില്ല, ഉരുളക്കിഴങ്ങ് കൂടുതൽ കാലം കേടാകാതിരിക്കാൻ ഇങ്ങനെ സൂക്ഷിക്കാം

പല വീടുകളിലും എപ്പോഴും കാണുന്ന ഒരു പച്ചക്കറിയാണ് ഉരുളക്കിഴങ്ങ്. എന്നാൽ ഇത് അധികനാൾ ഫ്രിഡ്ജിൽ വെക്കാതെ പുറത്ത് സൂക്ഷിക്കുമ്പോൾ പെട്ടെന്ന് മുളയ്ക്കുകയോ ചീത്തയാവുകയോ ചെയ്യാറുണ്ട്. ഫ്രിഡ്ജിൽ വെക്കുന്നത് ഉരുളക്കിഴങ്ങിന്റെ സ്റ്റാർച്ച് (അന്നജം) പഞ്ചസാരയായി മാറാൻ കാരണമായേക്കാം എന്നതിനാൽ, അത് ഒഴിവാക്കുന്നതാണ് നല്ലത്.

Also Read: കറുത്തുപോകില്ല, വാഴപ്പഴം ദിവസങ്ങളോളം ഫ്രഷായിരിക്കാൻ ഇങ്ങനെ ചെയ്യൂ

ഫ്രിഡ്ജില്ലാതെ ഉരുളക്കിഴങ്ങ് കൂടുതൽ കാലം കേടാകാതെ സൂക്ഷിക്കാൻ സഹായിക്കുന്ന ചില ലളിതമായ വഴികളുണ്ട്

അനുയോജ്യമായ സ്ഥലം തിരഞ്ഞെടുക്കാം

ഉരുളക്കിഴങ്ങ് സൂക്ഷിക്കാൻ ഏറ്റവും മികച്ച സ്ഥലം തണുപ്പുള്ളതും, ഇരുണ്ടതും, വരണ്ടതുമായ ഒരിടമാണ്. നേരിട്ടുള്ള സൂര്യപ്രകാശം ഏൽക്കുന്നത് ഒഴിവാക്കണം. സൂര്യപ്രകാശം ഏൽക്കുന്നത് ഉരുളക്കിഴങ്ങ് പച്ചനിറമാകാനും ടോക്സിനായ 'സൊളാനൈഡ്' രൂപപ്പെടാനും കാരണമാകും.

വായുസഞ്ചാരം ഉറപ്പാക്കാം

വായു കടക്കുന്ന തരത്തിലുള്ള സഞ്ചികളിലോ, കൊട്ടകളിലോ, അല്ലെങ്കിൽ കടലാസ് സഞ്ചികളിലോ വേണം ഉരുളക്കിഴങ്ങ് സൂക്ഷിക്കാൻ. പ്ലാസ്റ്റിക് സഞ്ചികൾ ഒഴിവാക്കാം, കാരണം അവ ഈർപ്പം നിലനിർത്തുകയും ചീഞ്ഞുപോവാൻ കാരണമാവുകയും ചെയ്യും.

Also Read: അടുക്കള കീഴടക്കിയ കുഞ്ഞൻ ഉറുമ്പുകളെ ഞൊടിയിടയിൽ തുരത്താം, ഒരു സ്പൂൺ കുരുമുളക് മതി

ഉള്ളിയുമായി ഒരുമിച്ച് വെക്കരുത് 

ഉള്ളി, വാഴപ്പഴം പോലുള്ള 'എഥിലീൻ ഗ്യാസ്' പുറത്തുവിടുന്ന പച്ചക്കറികളുടെയോ പഴങ്ങളുടെയോ കൂടെ ഉരുളക്കിഴങ്ങ് സൂക്ഷിക്കുന്നത് അവ പെട്ടെന്ന് മുളയ്ക്കാൻ കാരണമാകും. അതിനാൽ ഉരുളക്കിഴങ്ങും ഉള്ളിയും അടുത്ത് വെക്കാതിരിക്കാൻ ശ്രദ്ധിക്കാം.

ആപ്പിൾ ഉപയോഗിക്കാം 

ഉരുളക്കിഴങ്ങിനൊപ്പം ഒന്നോ രണ്ടോ ആപ്പിൾ വെക്കുന്നത് മുള വരുന്നത് തടയാൻ സഹായിക്കുമെന്നും പഠനങ്ങൾ പറയുന്നു. ആപ്പിൾ പുറത്തുവിടുന്ന എഥിലീൻ ഗ്യാസ് മുള വരുന്ന പ്രക്രിയയെ മന്ദഗതിയിലാക്കുന്നു.

Also Read: വാടില്ല അഴുകി പോകില്ല, പച്ചമുളക് മാസങ്ങളോളം ഫ്രഷായിരിക്കാൻ ഇങ്ങനെ ചെയ്തു നോക്കൂ

പരിശോധനയും നീക്കം ചെയ്യലും 

ഇടയ്ക്കിടെ ഉരുളക്കിഴങ്ങ് പരിശോധിച്ച്, മുള വന്നതോ, മൃദുലമായതോ, കേടായതോ ആയവ ഉടൻ മാറ്റാം. അല്ലെങ്കിൽ അത് മറ്റ് കിഴങ്ങുകളിലേക്കും പകരുകയും മൊത്തത്തിൽ കേടായി പോവുകയും ചെയ്യും.

Read More: ചപ്പാത്തി പൊങ്ങി വരും, ഗോതമ്പ് പൊടിയിൽ ഇതു ചേർത്തു കുഴയ്ക്കൂ