പാൽ ബാക്കിയുണ്ടോ? എങ്കിൽ നാവിൽ വെള്ളമൂറുന്ന കുൽഫി തയ്യാറാക്കാം

വേനൽക്കാലത്തെ ഉഷ്ണത്തിൽ നിന്ന് ആശ്വാസം തേടി നാം ആദ്യം ഓടിയെത്തുന്നത് ഐസ്ക്രീമുകളിലേക്കും തണുത്ത പാനീയങ്ങളിലേക്കും ആയിരിക്കും. എന്നാൽ പരമ്പരാഗതമായ ഇന്ത്യൻ രുചി ആഗ്രഹിക്കുന്നവർക്ക് കുൽഫിയേക്കാൾ മികച്ച മറ്റൊരു വിഭവം ഉണ്ടാകില്ല. പാലിന്റെ കൊഴുപ്പും അണ്ടിപ്പരിപ്പിന്റെയും ബദാമിന്റെയും ക്രഞ്ചി ആയ രുചിയും ഏലയ്ക്കയുടെ സുഗന്ധവും ചേരുന്ന കുൽഫി കേവലം ഒരു ഡെസേർട്ട് മാത്രമല്ല, അത് ഒരു വികാരമാണ്. 

Also Read: ഇതാണ് ആ രഹസ്യക്കൂട്ട്! ക്രിസ്പി മുളക് ബജ്ജി ഇങ്ങനെ തയ്യാറാക്കാം

കടകളിൽ നിന്ന് ലഭിക്കുന്ന കുൽഫികളിൽ പലപ്പോഴും കൃത്രിമ നിറങ്ങളും രുചികളും അടങ്ങാറുണ്ട്. എന്നാൽ വെറും അഞ്ച് ചേരുവകൾ ഉപയോഗിച്ച് വീട്ടിൽ തന്നെ പോഷകഗുണമുള്ളതും രുചികരവുമായ കുൽഫി തയ്യാറാക്കാം എന്നതാണ് ഇതിന്റെ പ്രത്യേകത. പാൽ വറ്റിച്ചെടുത്ത് ഉണ്ടാക്കുന്ന ഈ വിഭവം കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതാണ്. വീട്ടിൽ അതിഥികൾ വരുമ്പോഴോ ആഘോഷ വേളകളിലോ ഒരു സ്പെഷ്യൽ ഐറ്റം ആയി ഇത് വിളമ്പാം. വളരെ കുറഞ്ഞ ചിലവിൽ തയ്യാറാക്കാവുന്ന ഈ നാടൻ കുൽഫിക്ക് കടകളിൽ കിട്ടുന്നതിനേക്കാൾ മികച്ച രുചിയാണുള്ളത്. 

Also Read: ഓവൻ വേണ്ട, വെറും 10 മിനിറ്റിൽ സോഫ്റ്റ് ബൺ തയ്യാറാക്കാം സിംപിളായി

ചേരുവകൾ 

• പാൽ – 2 ലിറ്റർ
• പഞ്ചസാര – ¾ കപ്പ്
• ബദാം – 10 എണ്ണം
• കശുവണ്ടി– 12 എണ്ണം
• ഏലയ്ക്ക – 1 എണ്ണം

Also Read: ശരീരഭാരം കുറയ്ക്കണോ? ബ്രേക്ക്ഫാസ്റ്റിനൊപ്പം ഇത് കുടിക്കൂ

View this post on Instagram

A post shared by Photographer & Visual Storyteller (@inji_pennu)

തയ്യാറാക്കുന്ന വിധം 

• അടിഭാഗം കട്ടിയുള്ള ഒരു പാത്രത്തിൽ 2 ലിറ്റർ പാൽ ഒഴിച്ച് ചൂടാക്കാം. പാൽ തിളച്ചു തുടങ്ങുമ്പോൾ തീ കുറച്ച് വെച്ച് നന്നായി ഇളക്കിക്കൊണ്ടിരിക്കണം.
• 2 ലിറ്റർ പാൽ ഏകദേശം പകുതിയോ അതിൽ താഴെയോ ആകുന്നത് വരെ വറ്റിച്ചെടുക്കാം.
• പാൽ പകുതിയായി കുറഞ്ഞു കഴിയുമ്പോൾ അതിലേക്ക് മുക്കാൽ കപ്പ് പഞ്ചസാര ചേർത്ത് നന്നായി ഇളക്കാം. പഞ്ചസാര പൂർണ്ണമായും ലയിക്കുന്നത് വരെ ചൂടാക്കുന്നത് തുടരാം.
• ബദാം, കശുവണ്ടി, ഏലയ്ക്ക എന്നിവ മിക്സിയിൽ ഇട്ട് തരിതരിപ്പായി പൊടിച്ചെടുക്കാം.
• പൊടിച്ചു വെച്ച നട്ട്സ് മിശ്രിതം വറ്റിച്ചു വെച്ചിരിക്കുന്ന പാലിലേക്ക് ചേർത്ത് നന്നായി ഇളക്കാം. മിശ്രിതം നല്ല കൊഴുപ്പുള്ളതായി മാറുന്നതുവരെ 2-3 മിനിറ്റ് കൂടി പാകം ചെയ്ത ശേഷം തീ ഓഫ് ചെയ്യാം.
• ഈ മിശ്രിതം നന്നായി തണുക്കാൻ അനുവദിക്കാം. ശേഷം കുൽഫി മോൾഡുകളിലോ ചെറിയ സ്റ്റീൽ ഗ്ലാസുകളിലോ ഒഴിച്ച് 8 മുതൽ 10 മണിക്കൂർ വരെ ഫ്രീസറിൽ വെച്ച് സെറ്റ് ചെയ്തെടുക്കാം.
• രുചികരമായ ഹോം മെയ്ഡ് കുൽഫി തയ്യാർ.

Read More: കുറഞ്ഞ ചിലവിൽ പ്രോട്ടീൻ സമ്പന്നമായ ഭക്ഷണം, ഈ റെസിപ്പി ട്രൈ ചെയ്തു നോക്കൂ