അപ്പം പഞ്ഞിപോലെ സോഫ്റ്റ് ആകണോ? ഇതാ 5 എളുപ്പവഴികൾ

പച്ചരി വെള്ളത്തിൽ കുതിർത്ത് അത് അരച്ചെടുത്ത് പുളിപ്പിക്കാൻ മാറ്റി വയ്ക്കുന്നതാണ് സാധാരണ രീതി. അപ്പം സോഫ്റ്റായി കിട്ടാൻ മാവിലേയ്ക്ക് കള്ള് കൂടി ചേർക്കുന്ന പതിവുണ്ട്. എന്നാൽ വീട്ടിൽ മാവ് അരയ്ക്കുമ്പോൾ അത് ചേർക്കാൻ പറ്റിയെന്നു വരില്ല. പകരം ഇക്കാര്യങ്ങൾ ശ്രദ്ധിക്കാം.

എട്ട് മണിക്കൂറെങ്കിലും കുതിർത്തു വച്ച അരി അരച്ചെടുത്ത് മാവ് തയ്യാറാക്കാം.

അരി നന്നായി അരച്ചെടുക്കാൻ സാധാരണ വെള്ളത്തിനു പകരം തേങ്ങാവെള്ളം ഉപയോഗിക്കാം.

അപ്പം സോഫ്റ്റാകാൻ വേവിച്ച ചോറ് കൂടി മാവ് അരയ്ക്കുമ്പോൾ ചേർക്കാം.

അപ്പം ചുടുന്നതിനു മുമ്പായി അപ്പ ചട്ടിയിൽ അൽപം നല്ലെണ്ണ പുരട്ടുന്നത് നന്നായിരിക്കും.

പാൻ ചൂടായതിനു ശേഷം മാത്രം മാവ് ഒഴിക്കാം. ഇത് അപ്പം നന്നായി വേവുന്നതിനും ഒട്ടിപിടിക്കാതിരിക്കാനും സഹായിക്കും.