ഒരു സ്പൂൺ ചോറ് പോലും ബാക്കി വരില്ല ഇങ്ങനെ വേവിച്ചെടുത്താൽ

മണം കൊണ്ടും രുചി കൊണ്ടും കൊതിപ്പിക്കുന്ന ഒരു വിഭവമാണോ വേണ്ടത്? എങ്കിൽ പനീർ ഫ്രൈഡ് റൈസ് കഴിച്ചു നോക്കേണ്ടതു തന്നെയാണ്. കഴിക്കാൻ എന്തെങ്കിലും രുചികരമായി തയ്യാറാക്കണം, എന്നാൽ അടുക്കളയിൽ തന്നെ അതിനായി സമയം ചിലവഴിക്കാൻ സാധിക്കില്ല എന്നുണ്ടോ? എങ്കിൽ ഈ റൈസ് റെസിപ്പി നിങ്ങൾക്കുള്ളതാണ്. ചോറ് ബാക്കി വന്നാലും ഇതേ റെസിപ്പി തന്നെ ചെയ്തെടുക്കാവുന്നതാണ്. 

Also Read: പെട്ടെന്നുണ്ടാക്കാം സൂപ്പർ സോഫ്റ്റ് ഇഡ്ഡലി, അരിയും ഉഴുന്നും ആവശ്യമില്ല

ചേരുവകൾ

• പനീർ- 150 ഗ്രാം
• ചോറ്- 1 1/2 കപ്പ്
• സവാള- 1
• എള്ളെണ്ണ- 2 ടേബിൾസ്പൂൺ
• കാരറ്റ്- 1
• പച്ചമുളക്- 2
• ഇഞ്ചി വെളുത്തുള്ളി പേസ്റ്റ്- 1 ടേബിൾസ്പൂൺ
• ഉപ്പ്- ആവശ്യത്തിന്
• കുരുമുളക്- ആവശ്യത്തിന്
• മുളകുപൊടി- 1 ടീസ്പൂൺ

Also Read: സ്ഥിരമായി ബ്രേക്ക്ഫാസ്റ്റ് കഴിക്കാറില്ലേ? എങ്കിൽ ഉറപ്പായും ഇക്കാര്യങ്ങൾ ഓർത്തോളൂ

Also Read: ഗോതമ്പോ മൈദയോ വേണ്ട, ഇനി ചപ്പാത്തി സോഫ്റ്റും രുചികരവുമാക്കാൻ ഇത് ഒരു കപ്പ് മതി

തയ്യാറാക്കുന്ന വിധം

• സവാളയും കാരറ്റും കഴുകി അരിഞ്ഞെടുത്തു വയ്ക്കാം.
• ഒരു പാനിൽ എണ്ണ ഒഴിച്ചു ചൂടാക്കി അരിഞ്ഞു വച്ചിരിക്കുന്ന സവാ​ളയും പച്ചമുളകും ചേർത്തു വഴറ്റാം.
• അത് വെന്തു വരുമ്പോൾ കാരറ്റും, ഇഞ്ചി വെളുത്തുള്ളി പേസ്റ്റും ചേർത്തിളക്കി യോജിപ്പിക്കാം.
• ഇതിലേയ്ക്ക് ആവശ്യത്തിന് കുരുമുളകുപൊടിയും, ഒരു ടീസ്പൂൺ മുളകുപൊടിയും, ചേർക്കാം. 
• പച്ചക്കറികൾ വെന്തതിനു ശേഷം ചില്ലി പനീർ ചേർത്തിളക്കാം.
• പനീറിലേയ്ക്ക് മസാലകൾ ചേർന്നു കഴിയുമ്പോൾ വേവിച്ച ചോറു കൂടി ചേർത്തിളക്കി അടുപ്പിൽ നിന്നും മാറ്റാം.
• കുറച്ച് മല്ലിയില ചെറുതായി അരിഞ്ഞതു മുകളിൽ ചേർത്തു ചൂടാടെ ചില്ലി പനീർ ഫ്രൈഡ് റൈസ് വിളമ്പാം. 

Read More: അരിപ്പൊടിയും ഗോതമ്പും വേണ്ട, പഞ്ഞിപോലുള്ള പുട്ടിൻ്റെ രഹസ്യം ഇതാണ്