ദഹനം മെച്ചപ്പെടുത്താം വിശപ്പ് ശമിപ്പിക്കാം, ഈ സൂപ്പ് കുടിച്ചു നോക്കൂ

തണുപ്പുകാലത്ത് ചൂടുള്ള ഒരു ബൗൾ സൂപ്പ് കുടിക്കാൻ ആരാണ് ഇഷ്ടപ്പെടാത്തത്? എന്നാൽ വെറുമൊരു സൂപ്പല്ല എരിവും പുളിയും ഒത്തുചേരുന്ന ഹോട്ട് ആൻഡ് സോർ ചിക്കൻ സൂപ്പ് ആണെങ്കിൽ സംഗതി കേമം! ചൈനീസ് വിഭവങ്ങളിൽ ലോകമെമ്പാടും ഏറെ പ്രിയങ്കരമായ ഈ സൂപ്പ്, പേര് സൂചിപ്പിക്കുന്നത് പോലെ, നാവിൽ കൊതിയൂറുന്ന പുളിരസവും ത്രില്ലടിപ്പിക്കുന്ന എരിവും ചേരുന്നു.

Also Read: കഠിനമായ ഡയറ്റുകൾ വേണ്ട, ശരീരഭാരം നിയന്ത്രിക്കാൻ ഇനി ഭക്ഷണത്തിനൊപ്പം ഇത് ശീലമാക്കൂ

തണുപ്പകറ്റുക മാത്രമല്ല വിശപ്പ് ശമിപ്പിക്കാനും ദഹനം മെച്ചപ്പെടുത്താനും ഏറെ സഹായകരമായ സൂപ്പാണിത്. ഉദയ് തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• വെണ്ണ- 2 ടേബിൾസ്പൂൺ
• സവാള- 1
• ബീൻസ്- 1/2 കപ്പ്
• കാരറ്റ്- 1/2 കപ്പ്
• ചിക്കൻ ബ്രസ്റ്റ് പീസ്- 4
• വെള്ളം- 1 ലിറ്റർ
• കോൺഫ്ലോർ- 2 ടീസ്പൂൺ
• മുട്ടയുടെ വെള്ളം- 1
• കുരുമുളകുപൊടി- 1 1/2 ടീസ്പൂൺ
• ഉപ്പ്- 1 ടീസ്പൂൺ
• വിനാഗിരി- 1 ടേബിൾസ്പൂൺ
• ചില്ലിസോസ്- 1 ടേബിൾസ്പൂൺ
• സോയസോസ്- 1 ടേബിൾസ്പൂൺ
• തക്കാളി സോസ്- 1 ടേബിൾസ്പൂൺ
• സ്പ്രിങ് ഒനിയൻ- ആവശ്യത്തിന്
• മല്ലിയില- ആവശ്യത്തിന്

Also Read: ഹെൽത്തിയായി ശരീരഭാരം നിയന്ത്രിക്കാം, ദിവസവും ഒരു നേരം ഈ സാലഡ് കഴിക്കൂ

View this post on Instagram

A post shared by Udhaya prakash (@udhay_does_cooking)

Also Read: ആരോഗ്യകരമായി ശരീരഭാരം കുറയ്ക്കാം ഒപ്പം തിളക്കമുള്ള ചർമ്മവും നേടാം, ദിവസവും ആഹാരത്തിനു മുമ്പ് ഇത് കുടിക്കൂ

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെണ്ണ ചേർത്ത് അലിയിക്കാം.
• ഇതിലേയ്ക്ക് വെളുത്തുള്ളി, കുരുമുളക്, സ്വീറ്റ് കോൺ എന്നിവ ചേർത്തു വഴറ്റാം.
• ചിക്കൻ ബ്രസ്റ്റ് പീസ് ചെറിയ കഷ്ണങ്ങളാക്കി ചേർത്തു വേവിക്കാം.
• ചിക്കൻ വേവിച്ച വെള്ളവും അതിലേയ്ക്ക് ഒഴിക്കാം.
• ആവശ്യത്തിന് ഉപ്പും കുരമുളുക് പൊടിയും ചേർത്ത് കുറഞ്ഞ തീയിൽ ഇത് തിളപ്പിക്കാം. ചില്ലി സോസ്, തക്കാളി സോസ്, വിനാഗിരി, കോൺഫ്ലോർ വെള്ളത്തിൽ കലക്കിയത് എന്നിവ ചേർക്കാം.
• തിളച്ച് വരുമ്പോൾ സ്പ്രിങ് ഒനിയനും, കുരുമുളക് പനിടി ചേർത്ത് അടുപ്പണയ്ക്കാം. ഇത് ചൂടോടെ വിളമ്പി കഴിച്ചു നോക്കൂ. 
• മഴക്കാലത്തും തണുപ്പുകാലത്തും ചിക്കൻ സൂപ്പ് കുടിക്കുന്നത് ഒരു പരമ്പരാഗത വീട്ടുവൈദ്യമാണ്, ഇത് ജലദോഷം, പനി തുടങ്ങിയ സാധാരണ അണുബാധകളുടെ ലക്ഷണങ്ങൾ കുറയ്ക്കാൻ സഹായിക്കുന്നു.
• ജലദോഷത്തിനും പനിക്കും കാരണമാകുന്ന ബാക്ടീരിയകളെയും വൈറസുകളെയും ചെറുക്കാൻ ഇത് ശരീരത്തെ സഹായിക്കുന്നു.
• നിങ്ങൾക്ക് അസുഖം വരുമ്പോഴും കട്ടിയുള്ള ഭക്ഷണങ്ങൾ കഴിക്കാൻ തോന്നാത്തപ്പോഴും എളുപ്പത്തിൽ ദഹിക്കുന്നതും പോഷകസമൃദ്ധവുമായ ഒരു ഭക്ഷണമാണ് ചിക്കൻ സൂപ്പ്.

Read More: ഇരുമ്പിനാൽ സമ്പന്നമാണ്, കരുത്തുറ്റ ശരീരത്തിനും ആരോഗ്യത്തിനും ദിവസവും ഇത് കഴിച്ചു നോക്കൂ