കുത്തരി ചോറ് കൊണ്ടൊരു സിമ്പിൾ ഫ്രൈഡ് റൈസ്

അടുക്കളയിൽ ചോറ് ബാക്കി വന്നെങ്കിൽ ഇനി അത് കളയേണ്ട. കുത്തരി ചോറു ഉപയോഗിച്ച് രുചികരമായ മുട്ട ചോറ് തയാറാക്കാം. വീട്ടിൽ സ്ഥിരമായി ഉണ്ടാക്കാറുള്ള വിഭവങ്ങൾ വച്ച് എങ്ങനെയിത് തയാറാക്കാമെന്നു നോക്കാം.

ചേരുവകൾ:

• മുട്ട
• സവാള
• ഇഞ്ചി
• പച്ചമുളക്
• വെളുത്തുള്ളി
• കറിവേപ്പില
• തക്കാളി
• ഉപ്പ്
• മഞ്ഞൾപൊടി
• ചിക്കൻ മസാല
• കുത്തരി ചോറ്
• കുരുമുളക് പൊടി
• വെളിച്ചെണ്ണ

ചേരുവകൾ ആവശ്യാനുസരണം ഉപയോഗിക്കാവുന്നതാണ്

പാകം ചെയ്യുന്ന വിധം:

• ചീനച്ചട്ടിയിൽ എണ്ണ ചൂടായ ശേഷം സവാള, പച്ചമുളക്, ഇഞ്ചി, വെളുത്തുള്ളി, കറിവേപ്പില എന്നിവ ചേർത്ത് വഴറ്റുക
• ശേഷം തക്കാളി, മഞ്ഞൾപൊടി, ഉപ്പ്, ചിക്കൻ മസാല എന്നിവ ചേർത്ത് നല്ലവണ്ണം ഇളക്കാം
• ഇതെല്ലാം മിക്സ് ചെയ്തെടുത്ത കൂട്ടിലേക്ക് മുട്ട പൊട്ടിച്ചൊഴിക്കാവുന്നതാണ്
• മുട്ട ചേർത്ത ശേഷം മട്ട അരി ചേർത്തിളക്കുക
• അവസാനമായി കുറച്ച് കുരുമുളക് പൊടി മുകളിലായി വിതറി കൊടുക്കാം