മലയാളികൾ ഇപ്പോൾ മാമ്പഴകാലം ആഘോഷിക്കുകയാണ്. മാങ്ങ ഉപയേഗിച്ച് പല വിധത്തിലുള്ള കറികൾ ഈ ദിവസങ്ങൾക്കുള്ളിൽ തന്നെ പരീക്ഷിച്ചിട്ടുമുണ്ടാകും. ചൂട് സമയത്ത് മനസ്സും ശരീരവും ഒരുപോലെ തണുപ്പിക്കാൻ മാമ്പഴം ഉപയോഗിച്ച് ഒരു സ്മൂത്തി തയാറാക്കിയാലോ? രുചികരമായ മാംഗോ സ്മൂത്തി പരിചയപ്പെടുത്തുകയാണ് യൂട്യൂബറായ ഷാൻ ജിയോ.
ചേരുവകൾ:
- മാമ്പഴം അരിഞ്ഞത് – 2 കപ്പ്
- പാൽ – 1/2 കപ്പ്
- യോഗട്ട് – 1 1/2 കപ്പ്
- തേൻ – 4 ടേബിൾസ്പൂൺ
തയാറാക്കുന്ന വിധം:
- മാമ്പഴം അരിഞ്ഞ ശേഷം ഫ്രീസറിൽ വച്ച് തണുപ്പിക്കുക
- മാമ്പഴം, പാൽ, യോഗട്ട്, തേൻ എന്നിവ ഒന്നിച്ച് മിക്സിയിൽ ബ്ലെൻഡ് ചെയ്തെടുക്കാം
- നല്ലവണ്ണം ബ്ലെൻഡായി വന്ന ശേഷം സർവിങ്ങ് ഗ്ലാസ്സിലേക്ക് മാറ്റാവുന്നതാണ്.
