ഒരു തവണ ഇത് ഉപയോഗിച്ചു നോക്കൂ, ദുർഗന്ധമകന്ന് ഫ്രിഡ്ജ് ദിവസങ്ങളോളം ഫ്രഷായിരിക്കും

നമ്മുടെ വീട്ടിലെ നിത്യോപയോഗ സാധനങ്ങളിൽ ഏറ്റവും പ്രധാനപ്പെട്ട ഒന്നാണ് ഫ്രിഡ്ജ്. ആഹാരപദാർത്ഥങ്ങൾ ഫ്രഷ് ആയി സൂക്ഷിക്കാൻ നമ്മെ സഹായിക്കുന്ന ഈ ഉപകരണം പലപ്പോഴും കൃത്യമായി പരിപാലിച്ചില്ലെങ്കിൽ വലിയൊരു തലവേദനയായി മാറാറുണ്ട്. പലതരം ഭക്ഷണങ്ങൾ ഒരുമിച്ച് വെക്കുന്നതുകൊണ്ടും, പച്ചക്കറികളോ പഴങ്ങളോ അഴുകുന്നതുകൊണ്ടും ഫ്രിഡ്ജിനുള്ളിൽ അസഹ്യമായ ദുർഗന്ധം ഉണ്ടാവുന്നത് സ്വാഭാവികമാണ്. ഈ ഗന്ധം മാറ്റാൻ കൃത്രിമ സുഗന്ധദ്രവ്യങ്ങളോ രാസവസ്തുക്കളോ ഉപയോഗിക്കുന്നത് ഭക്ഷണത്തിന്റെ ഗുണനിലവാരത്തെ ദോഷകരമായി ബാധിക്കും.

Also Read: ഇനി അടുക്കളയിൽ പാറ്റ കയറില്ല, തേയിലപ്പൊടി ഇങ്ങനെ ഉപയോഗിക്കൂ

എന്നാൽ, അടുക്കളയിലുള്ള ലളിതമായ ചേരുവകൾ ഉപയോഗിച്ച് ഫ്രിഡ്ജിലെ ദുർഗന്ധവും കറകളും ബാക്ടീരിയകളും പൂർണ്ണമായും നീക്കം ചെയ്യാൻ സാധിക്കും. വിനാഗിരിയും വാഷിങ് ലിക്വിഡും ചേർന്നുള്ള ഈ മിശ്രിതം ഫ്രിഡ്ജ് വൃത്തിയാക്കാൻ മാത്രമല്ല, അത് പുതുപുത്തനായി സൂക്ഷിക്കാനും ഏറെ ഫലപ്രദമാണ്. രാസവസ്തുക്കളുടെ ഭയമില്ലാതെ സുരക്ഷിതമായി ഫ്രിഡ്ജ് ക്ലീൻ ചെയ്യാൻ സഹായിക്കുന്ന ഒരു എളുപ്പവിദ്യയാണിത്.

Also Read: ഒരു നുള്ള് ഉപ്പ് മതി, അടുക്കളയിൽ ഇനി ഉറുമ്പ് ശല്യമുണ്ടാകില്ല

ചേരുവകൾ

• വെള്ളം- 1 കപ്പ് 
• വാഷിങ് ലിക്വിഡ്- ആവശ്യത്തിന് 
• വൈറ്റ് വിനാഗിരി- 1 കപ്പ്

തയ്യാറാക്കുന്ന വിധം

ഒരു ബൗളിലേയ്ക്ക് പാത്രങ്ങൾ കഴുകാൻ ഉപയോഗിക്കുന്ന ലിക്വിഡ് ഒഴിക്കാം. അതിലേയ്ക്ക് ഒരു കപ്പ് വെള്ളം കാൽ കപ്പ് വൈറ്റ് വിനാഗിരി എന്നിവ ചേർത്തിളക്കി യോജിപ്പിക്കാം. തയ്യാറാക്കിയ മിശ്രിതം ഒരു സ്പ്രേ ബോട്ടിലിലേയ്ക്കു മാറ്റാം.

Also Read: അടുക്കള തിളക്കമുള്ളതും സുഗന്ധപൂരിതവുമാകാൻ ഗ്രാമ്പൂ, ഇങ്ങനെ ഉപയോഗിക്കൂ

ഉപയോഗിക്കേണ്ട വിധം

ഫ്രിഡ്ജിലെ സാധനങ്ങൾ കാലിയാക്കിയതിനു ശേഷം ഈ മിശ്രതം സ്പ്രേ ചെയ്തു കൊടുക്കാം. തുടർന്ന് കോട്ടൺ തുണി ഉപയോഗിച്ച് തുടയ്ക്കാം.

Read More: മുട്ട ഇനി പെർഫക്ടായി പുഴുങ്ങിയെടുക്കാം, ഇത്രമാത്രം ചെയ്താൽ മതി