നാടൻ എല്ലും കപ്പയും ഇനി 10 മിനിറ്റിൽ റെഡി, ട്രൈ ചെയ്തു നോക്കൂ

മധ്യതിരുവിതാംകൂറിലെ ക്രിസ്ത്യൻ വീടുകളിൽ നിന്നും ജന്മമെടുത്ത വിഭവമാണ് എല്ലും കപ്പയും. ഇന്ന് കേരളത്തിലുടനീളം ഭക്ഷണപ്രേമികളുടെ പ്രിയപ്പെട്ട വിഭവമായി ഇത് മാറിക്കഴിഞ്ഞു. പണ്ട് കാലങ്ങളിൽ പള്ളി പെരുന്നാളുകളിലും കല്യാണ വീടുകളിലും വിളമ്പിയിരുന്ന ഈ സ്പെഷ്യൽ വിഭവം ഇന്ന് മുന്തിയ ഹോട്ടലുകളിലെയും തട്ടുകടകളിലെയും പ്രധാന താരമാണ്. രുചികരമായി വേവിച്ചെടുത്ത കപ്പയും മസാലകൾ ചേർത്ത് വഴറ്റിയ പോത്തിറച്ചിയുടെ എല്ലും ചേരുമ്പോൾ ലഭിക്കുന്ന ആ അപൂർവ്വ രുചി അനുഭവിച്ചുതന്നെ അറിയണം. വെളിച്ചെണ്ണയുടെയും കറിവേപ്പിലയുടെയും മണവും എരിവുള്ള മസാലകളും ഒത്തുചേരുമ്പോൾ എല്ലും കപ്പയും രുചികരമാകുന്നു. ബിൻസി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഒരു കപ്പ് റവ മതി, കിടില​ൻ രുചിയിൽ ബ്രേക്ക്ഫാസ്റ്റ് കഴിക്കാം

ചേരുവകൾ

• ബീഫ്
• ഇഞ്ചി
• വെളുത്തുള്ളി
• ചുവന്നുള്ളി
• കുരുമുളക്
• മഞ്ഞൾപ്പൊടി
• ഗരംമസാല
• ഉപ്പ്
• കപ്പ 
• വെളിച്ചെണ്ണ
• പെരുംജീരകം
• സവാള
• പച്ചമുളക്
• കറിവേപ്പില
• മുളകുപൊടി
• മല്ലിപ്പൊടി

Also Read: ഇനി ദിവസവും ഇഡ്ഡലിയുടെ രുചി കൂടും, ഇങ്ങനെ ചെയ്തു നോക്കൂ

View this post on Instagram

A post shared by bincyskitchen (@bincyskitchen)

Also Read: ചോറ് ബാക്കി വന്നോ? 5 മിനിറ്റിൽ തയ്യാറാക്കാം കിടിലൻ ഫ്രൈഡ് റൈസ്

തയ്യാറാക്കുന്ന വിധം

• എല്ലോടു കൂടി ബീഫ് ഒരു കിലോ വൃത്തിയായി കഴുകിയെടുക്കാം.
• അതിലേക്ക് മഞ്ഞൾപ്പൊടി, ഗരംമസാല, ഇഞ്ചി വെളുത്തുള്ളി ചുവന്നുള്ളി കുരുമുളക് എന്നിവ ചതച്ചതും, ആവശ്യത്തിന് ഉപ്പും ചേർത്ത് അൽപ സമയം മാറ്റി വയ്ക്കാം.
  ശേഷം അടുപ്പിൽ വച്ച് വേവിക്കാം.
• അതേ സമയം കപ്പ വൃത്തിയായി കഴുകി ചെറിയ കഷ്ണങ്ങളാക്കിയതിലേക്ക് കുറച്ച് മഞ്ഞൾപ്പൊടിയും, ഉപ്പും, ചേർത്ത് വെള്ളം ഒഴിച്ചു വേവിക്കാൻ വയ്ക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കി പെരുംജീരകം ചേർത്തു വറുക്കാം.
• അതിലേക്ക് പച്ചമുളക്, ചുവന്നുള്ളിയും, സവാളയും ചെറുതായി അരിഞ്ഞതു ചേർത്തു വഴറ്റാം.  
• ഒരുപിടി കറിവേപ്പില, ആവശ്യത്തിന് ഉപ്പ്, എരിവിനനുസരിച്ച് മുളകുപൊടി, ഗരംമസാല, മഞ്ഞൾപ്പൊടി, മല്ലിപ്പൊടി എന്നിവ ചേർത്ത് ഇളക്കി യോജിപ്പിക്കാം.
• മസാലയുടെ പച്ച മണം മാറി വരുമ്പോൾ വേവിച്ച ബീഫ് ചേർത്ത് തിളപ്പിക്കാം.
• വെള്ളം വറ്റി തുടങ്ങുമ്പോൾ പകുതി വെന്ത കപ്പ ചേർത്തിളക്കി യോജിപ്പിക്കാം.
• കപ്പയും ബീഫും നന്നായി വെന്തു കഴിയുമ്പോൾ കുറച്ച് സവാള മുകളിലായി അരിഞ്ഞു ചേർത്ത് അടുപ്പിൽ നിന്നും മാറ്റാം. എല്ലും കപ്പയും തയ്യാറായിരിക്കുന്നു. 

Read More: എത്ര കഴിച്ചാലും മതിവരില്ല, ഇനി പഞ്ഞിപോലുള്ള ചപ്പാത്തി തയ്യാറാക്കാൻ ഈ മാവ് മതി