വൈകിട്ട് നല്ല ചൂടുളള ചായയ്‌ക്കൊപ്പം നാലുമണി പലഹാരങ്ങള്‍ എന്നത് മലയാളികളുടെ ഒരു ശീലമാണ്. കാലം മാറുന്നതിനനുസരിച്ച് പലഹാരങ്ങളിലും വ്യത്യാസം വരുമല്ലോ. ചിക്കൻ റോളും മറ്റും നാലുമണി പലഹാരമായി കഴിക്കുന്ന ഈ കാലഘട്ടത്തിൽ ഇതാ ഒരു വെറൈറ്റി സ്നാക്സ്. വളരെ എളുപ്പത്തിൽ തയാറാക്കാവുന്ന ക്രിസ്പ്പി ചിക്കൻ ബോൾസ് പരിചയപ്പെടാം.
ചേരുവകൾ:
- ചിക്കൻ
- മഞ്ഞൾപൊടി
- മുളകു പൊടി
- ഉപ്പ്
- വെളിച്ചെണ്ണ
- സവാള
- പച്ചമുളക്
- ഇഞ്ചി വെളുത്തുള്ളി ചതച്ചത്
- ഗരം മസാല
- കുരുമുളക് പൊടി
- ചില്ലി ഫ്ളേക്സ്
- സോയ സോസ്
- മല്ലിയില
- തൈര്
- ബ്രെഡ്
- മുട്ട
- ബ്രെഡ് ക്രംസ്
- എണ്ണ
ആവശ്യാനുസരണം ചേരുകൾ എടുക്കാം
പാകം ചെയ്യുന്ന വിധം:
- ചിക്കൻ നല്ലവണ്ണം കഴുകി വൃത്തിയാക്കി ഉപ്പ്, മുളകുപൊടി, മഞ്ഞൾപൊടി എന്നിവ ചേർത്ത് വേവിച്ചെടുക്കാം
- ശേഷം വെളിച്ചെണ്ണ ഒഴുച്ച് സവാള, പച്ചമുളക്, ഇഞ്ചി വെളുത്തുള്ളി ചതച്ച് എന്നിവ വഴറ്റിയെടുക്കാം. ആവശ്യത്തിന് ഉപ്പും ചേർക്കാം.
- വഴന്നു വരുമ്പോൾ ഇതിലേക്ക് ഗരം മസാല, കുരുമുളകു പൊടി, ചില്ലി ഫ്ലേക്‌സ്, സോയ സോസ് ചേർത്ത് മിക്‌സ് ചെയ്യാം
- മിക്‌സ് ചെയ്തതിനു ശേഷം വേവിച്ചു വച്ച ചിക്കൻ മസാലയിലേക്ക് ചേർക്കാവുന്നതാണ്
- മല്ലിയില, തൈര് ഒന്നിച്ച് അരച്ചെടുത്ത മിക്‌സ് കൂടി ഇതിലേക്ക് ചേർത്താൽ മസാല തയ്യാർ
- പിന്നീട് ബ്രെഡിന്റെ അറ്റത്തെ ഭാഗം മുറിച്ചു മാറ്റാം
- ശേഷം ഒരോ ബ്രെഡിൽ ചിക്കൻ മിക്‌സ് ചേർത്ത് ബോൾ രൂപത്തിലാക്കുക
- ഇത് മുട്ട, ബ്രെഡ് ക്രംസ് എന്നിവയിൽ മുക്കി പൊരിച്ചെടുക്കാവുന്നതാണ്.
