ബിരിയാണി രുചികരമാക്കാം, ഈ മസാലക്കൂട്ട് ചേർത്തു നോക്കൂ

തീൻമേശകളിലെ രാജാവാണ് ബിരിയാണി. അതിന്റെ തനതായ രുചിയും ഗന്ധവും ഏതൊരു ഭക്ഷണപ്രേമിയെയും കൊതിപ്പിക്കുന്നതാണ്. എന്നാൽ ഒരു ബിരിയാണിയുടെ യഥാർത്ഥ വിജയം ഒളിഞ്ഞിരിക്കുന്നത് അതിൽ ചേർക്കുന്ന മസാലക്കൂട്ടുകളിലാണ്. വിപണിയിൽ ഇന്ന് പലതരത്തിലുള്ള ഇൻസ്റ്റന്റ് മസാലകൾ ലഭ്യമാണെങ്കിലും, വീട്ടിൽ തന്നെ തയ്യാറാക്കുന്ന ഫ്രഷ് ബിരിയാണി മസാല നൽകുന്ന ആ ഒരു പ്രത്യേക അനുഭവം മറ്റൊന്നിനുമില്ല. കൃത്യമായ അളവിൽ ചേരുവകൾ വറുത്തെടുത്ത് പൊടിച്ചെടുക്കുമ്പോൾ ലഭിക്കുന്ന സുഗന്ധം ബിരിയാണിയുടെ രുചിയെ മറ്റൊരു തലത്തിലേക്ക് ഉയർത്തുന്നു.

Also Read: ഓംലെറ്റ് ഹെൽത്തി മാത്രമല്ല രുചികരവുമാക്കാം, ഇവ ചേർത്തു നോക്കൂ

കേരളീയ ശൈലിയിലുള്ള മലബാർ ബിരിയാണി മുതൽ ഹൈദരാബാദി ദം ബിരിയാണി വരെ ഓരോന്നിനും വ്യത്യസ്തമായ മസാലക്കൂട്ടുകളാണ് ഉപയോഗിക്കുന്നത്. ഗ്രാമ്പൂ, ഏലക്ക, കറുവപ്പട്ട തുടങ്ങിയ സുഗന്ധവ്യഞ്ജനങ്ങളുടെ ശരിയായ മിശ്രിതം എങ്ങനെ തയ്യാറാക്കാം എന്നത് പലർക്കും ഒരു വെല്ലുവിളിയാണ്. അധികം കയ്പ്പില്ലാതെ, എന്നാൽ നല്ല തീക്ഷ്ണമായ മണം നൽകുന്ന ഒരു മസാലക്കൂട്ട് ബിരിയാണിയെ കൂടുതൽ ആകർഷകമാക്കും.

Also Read: അരിപ്പൊടി വേണ്ട, പൂപോലുള്ള ഇടിയപ്പം ഇങ്ങനെ തയ്യാറാക്കാം

ചേരുവകൾ

• വഴനയില- 4 
• മല്ലി- 4 ടേബിൾസ്പൂൺ 
• പെരുംജീരകം- 2 ടേബിൾസ്പൂൺ 
• തക്കോലം- 2 
• വറ്റൽമുളക്- 6 
• ജാതിപത്രി- 1 ടേബിൾസ്പൂൺ 
• ഏലയ്ക്ക- 4 
• കറുവാപ്പട്ട- 2 ഇഞ്ച് 
• പച്ചഏലയ്ക്ക-12 
• ജാതിക്കപ്പൊടി- 1 ടീസ്പൂൺ 
• കുരുമുളക്- 1 ടീസ്പൂൺ മഞ്ഞൾപ്പൊടി- 1/2 ടീസ്പൂൺ 
• ഗ്രാമ്പൂ- 1 ടീസ്പൂൺ

Also Read: കഠിനമായ ഡയറ്റില്ലാതെ ശരീരഭാരം കുറയ്ക്കാം, ബ്രേക്ക്ഫാസ്റ്റിൽ ഇത് ഉൾപ്പെടുത്തൂ

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് ജാതിക്കപ്പൊടിയും
• മഞ്ഞൾപ്പൊടിയും ഒഴികെയുള്ള മസാലക്കൂട്ടുകൾ ചേർത്തു വറുക്കാം.
• 1 മുതൽ 2 മിനിറ്റു വരെ അവ വറുക്കാം. കരിഞ്ഞു പോകാതിരിക്കാൻ ശ്രദ്ധിക്കുക.
• നന്നായി വറുത്ത മസാലക്കൂട്ട് തണുക്കാൻ മാറ്റി വയ്ക്കാം.
• തണുത്തതിനു ശേഷം അവ നന്നായി പൊടിച്ചെടുക്കാം. പൊടിക്കുന്നതിനു മുമ്പ് ജാതിക്കപ്പൊടിയും മഞ്ഞൾപ്പൊടിയും ചേർക്കാവുന്നതാണ്.
• തയ്യാറാക്കിയ മസാലപ്പൊടി വൃത്തിയുള്ള ഈർപ്പം കടക്കാത്ത അടച്ചുറപ്പുള്ള പാത്രത്തിലേയ്ക്കു മാറ്റി ആവശ്യാനുസരണം ഉപയോഗിക്കാം.

Read More: ഒരു കപ്പ് റവ മതി, കിടില​ൻ രുചിയിൽ ബ്രേക്ക്ഫാസ്റ്റ് കഴിക്കാം