പല്ലി ശല്യം രൂക്ഷമാണോ? വെളുത്തുള്ളിയും സവാളയും ഉണ്ടെങ്കിൽ ഇനി അവയെ തുരത്താൻ എളുപ്പമാണ്

ഭൂരിഭാഗം വീടുകളിലും പല്ലി ശല്യം രൂക്ഷമായിരിക്കും. അടുക്കളയിലും മുറിക്കുള്ളിലും അവ സുഖമായി വസിക്കുന്നു.

എത്ര ശ്രമിച്ചിട്ടും തുരത്താനാകാത്ത പല്ലികൾക്ക് ഒരു മികച്ച പ്രതിവിധി വീട്ടിൽ തന്നെ തയ്യാറാക്കാം.

ചേരുവകൾ

ഉള്ളി, വെളുത്തുള്ളി, ബേക്കിംഗ് സോഡ, കുരുമുളക്, നാരങ്ങ

തയ്യാറാക്കുന്ന വിധം

ഉള്ളിയും വെളുത്തുള്ളിയും ചെറുതായി അരിഞ്ഞെടുക്കാം. ഇത് അരച്ച് ഒരു ബൗളിലേയ്ക്കു മാറ്റാം. ഇതിലേയ്ക്ക് ബേക്കിംഗ് സോഡയും, കുരുമുളകുപൊടിം, നാരങ്ങ നീരും ചേർക്കാം. കുറച്ച് വെള്ളം ഒഴിച്ച് ഇത് ഇളക്കി യോജിപ്പിക്കാം.

ഉപയോഗിക്കേണ്ട വിധം

തയ്യാറാക്കിയ മിശ്രിതം ഒരു സ്പ്രേ കുപ്പിയിലേയ്ക്കു മാറ്റാം. പല്ലി ശല്യം രൂക്ഷമായ ഇടങ്ങളിൽ ഇത് സ്പ്രേ ചെയ്യാം.