90കളിലെ പ്രിയപ്പെട്ട മിഠായി ഇനി മതിവരുവോളം കഴിക്കാം, ഒരു സ്പൂൺ പാൽപ്പൊടി മതി

ബാല്യകാലത്തെ ഏറ്റവും മനോഹരമായ ഓർമ്മകൾ പലപ്പോഴും ചെന്നുനിൽക്കുന്നത് സ്കൂൾ വിട്ടു വരുമ്പോൾ പെട്ടിക്കടകളിൽ നിന്ന് വാങ്ങിയിരുന്ന ആ കൊച്ചു മിഠായിപ്പൊതികളിലായിരിക്കും. സ്വർണ്ണനിറത്തിലുള്ള ആവരണത്തിൽ പൊതിഞ്ഞതോ, പഞ്ചസാര തരികൾ പറ്റിപ്പിടിച്ചതോ ആയ ആ പാൽ മിഠായികളുടെ രുചി 90-കളിൽ ജനിച്ച ഏതൊരു വ്യക്തിക്കും ഒരു മധുരമുള്ള വികാരമാണ്.

Also Read: ഇനി ദിവസവും ഇഡ്ഡലിയുടെ രുചി കൂടും, ഇങ്ങനെ ചെയ്തു നോക്കൂ

ആധുനിക കാലത്തെ ചോക്ലേറ്റുകൾക്കും ഐസ്ക്രീമുകൾക്കും നൽകാൻ കഴിയാത്ത ഒരു പ്രത്യേക അനുഭൂതി ആ പഴയ പേഡകൾക്ക് ഉണ്ടായിരുന്നു. കാലം മാറിയപ്പോൾ അത്തരം കടകളും പലഹാരങ്ങളും അപ്രത്യക്ഷമായെങ്കിലും, ആ രുചി ഇന്നും നമ്മുടെ നാവിൻതുമ്പിലുണ്ട്. ഒരിക്കൽ കൂടി അത് ആസ്വദിക്കാൻ കൊതിക്കുന്നവർ ഇങ്ങനെ തയ്യാറാക്കി നോക്കൂ.

Also Read: ഒരു കപ്പ് റവ മതി, കിടില​ൻ രുചിയിൽ ബ്രേക്ക്ഫാസ്റ്റ് കഴിക്കാം

ചേരുവകൾ

• പാൽപ്പൊടി - 2 കപ്പ്
• നെയ്യ് - 1 ടേബിൾ സ്പൂൺ
• ശർക്കരപ്പൊടി അല്ലെങ്കിൽ നാട്ടുമധുരം - 2 ടേബിൾ സ്പൂൺ
• ഏലക്കായ പൊടി - 1/4 ടീസ്പൂൺ
• ജാതിക്ക - ചെറിയൊരു കഷ്ണം 
• പാൽ - 3 ടേബിൾ സ്പൂൺ
• പഞ്ചസാര പൊടിച്ചത് - ആവശ്യത്തിന്

Also Read: പഞ്ഞിക്കെട്ടു പോലുള്ള കേക്കിന് ഇനി ഓവൻ വേണ്ട, ഇഡ്ഡലി പാത്രത്തിൽ തയ്യാറാക്കാം

തയ്യാറാക്കുന്ന വിധം

• ഒരു ചീനച്ചട്ടിയിൽ  2 കപ്പ് പാൽപ്പൊടി ചേർത്ത് ചെറിയ തീയിൽ വച്ച് ഇളക്കാം.ഇതിലേക്ക് ഒരു ടേബിൾ സ്പൂൺ നെയ്യ് ചേർത്ത് പാൽപ്പൊടി നല്ല പൊൻനിറമാകുന്നതുവരെ തുടർച്ചയായി വറുത്തെടുക്കാം.
• പാൽപ്പൊടിക്ക് തവിട്ട് കലർന്ന പൊൻനിറം വരുമ്പോൾ അതിലേക്ക് ശർക്കരപ്പൊടി, ഏലക്കായ പൊടി, അല്പം ജാതിക്ക പൊടിച്ചത് എന്നിവ ചേർക്കാം. ഇവയെല്ലാം നന്നായി യോജിക്കുന്നത് വരെ ഇളക്കണം.
• ഈ മിശ്രിതത്തിലേക്ക് 3 ടേബിൾ സ്പൂൺ പാൽ ചേർത്ത് നന്നായി ഇളക്കിയാൽ അതൊരു കട്ടിയുള്ള പരുവത്തിൽ വരും.
• മിശ്രിതം മറ്റൊരു പാത്രത്തിലേക്ക് മാറ്റി അല്പം ചൂടാറാൻ അനുവദിക്കാം.
• ചൂടാറിയ ശേഷം ചെറിയ ഉരുളകളായി എടുത്ത് കൈകൾ കൊണ്ട് മെല്ലെ അമർത്തി ഒരു സിലിണ്ടർ ആകൃതിയിൽ മാറ്റാം.
• ഇങ്ങനെ തയ്യാറാക്കിയ പേഡകൾ ഒരു തട്ടിലെ പഞ്ചസാര പൊടിയിൽ ഇട്ട് എല്ലാ ഭാഗവും നന്നായി പൊതിയത്തക്ക വിധം ഉരുട്ടിയെടുക്കാം.

Read More: 5 മിനിറ്റിൽ തയ്യാറാക്കാം പഞ്ഞിക്കെട്ടുപോലുള്ള ഇഡ്ഡലി, അരിയും ഉഴുന്നും വേണ്ട