അടുക്കള വൃത്തിയാക്കാം ദുർഗന്ധമകറ്റാം, വിനാഗിരിയും നാരങ്ങയും ഇങ്ങനെ ചെയ്തു നോക്കൂ

ചേരുവകൾ

വിനാഗിരി, വെള്ളം, ലിക്വിഡ് ഡിഷ് സോപ്പ്, നാരങ്ങ

തയ്യാറാക്കുന്ന വിധം

വിനാഗിരിയിലേയ്ക്ക് കുറച്ചു വെള്ളമൊഴിച്ചിളക്കി യോജിപ്പിക്കാം. ഇതിലേയ്ക്ക് അൽപം ലിക്വിഡ് സോപ്പ് ചേർക്കാം. ഒപ്പം നാരങ്ങയുടെ തൊലി ചെറിയ കഷ്ണങ്ങളാക്കി ചേർത്തിളക്കി യോജിപ്പിക്കാം. ഇത് ഒരു സ്പ്രേ കുപ്പിയിലേയ്ക്കു മാറ്റാം.

ഉപയോഗിക്കേണ്ട വിധം

അടുക്കള സ്ലാബും, തറയും, സിങ്കും, സ്റ്റൗവും വൃത്തിയാക്കാൻ ഈ മിശ്രിതം ഉപയോഗിക്കാം. തയ്യാറാക്കിയ മിശ്രിതം സ്പ്രേ ചെയ്ത് അഞ്ച് മിനിറ്റിനു ശേഷം കോട്ടൺ തുണിയോ സ്പോഞ്ചോ ഉപയോഗിച്ച് തുടയ്ക്കാം.

വിനാഗിരിക്ക് രൂക്ഷമായ ഗന്ധമാണുള്ളത്. അതിലേയ്ക്ക നാരങ്ങയുടെ തൊലി അല്ലെങ്കിൽ ലാവൻഡർ എണ്ണ പോലുള്ള എസെൻഷ്യൽ ഓയിൽ ചേർക്കുന്നതും ഫലപ്രദമായിരിക്കും.

വിട്ടുമാറാത്ത കറകൾ ഉണ്ടെങ്കിൽ ഇതിലേയ്ക്ക് ബേക്കിങ് സോഡ ചേർക്കാവുന്നതാണ്.

ഗ്രാനേറ്റ്, മാർബിൾ എന്നിവയിൽ വിനാഗിരി ചേർന്ന മിശ്രിതങ്ങൾ ഉപയോഗിക്കരുത്.