ഒരു തരി വട്ടുണ്ടോ എന്ന് ആരെങ്കിലും ചോദിച്ചാൽ ധൈര്യമായി ഇതെടുത്തു കൊടുത്തോളൂ

നൊസ്റ്റാൾജിയ ഉണർത്തുന്ന നാലുമണിപ്പലഹാരങ്ങളിൽ എന്നും മുൻപന്തിയിലുള്ള ഒന്നാണ് 'തരി വട്ട്'. പണ്ട് കാലത്ത് ഉമ്മൂമ്മമാരും അമ്മമാരും ടിന്നുകളിൽ നിറച്ചു വെച്ചിരുന്ന ഈ പലഹാരം കണ്ടാൽ കൈയിട്ടു വാരാത്ത കുട്ടികൾ കുറവായിരിക്കും. ഒരു തരി വട്ടുണ്ടോ എന്ന് ആരെങ്കിലും ചോദിച്ചാൽ, സ്നേഹത്തോടെയും അല്പം തമാശയോടെയും നൽകാൻ പറ്റിയ ഈ വിഭവം റവ ഉപയോഗിച്ചാണ് തയ്യാറാക്കുന്നത്. ഇതിന്റെ ഏറ്റവും വലിയ പ്രത്യേകത എന്തെന്നാൽ, ഒരിക്കൽ ഉണ്ടാക്കി വെച്ചാൽ രണ്ടാഴ്ചയോളം കേടാകാതെ ഇരിക്കും എന്നതാണ്. അതുകൊണ്ട് തന്നെ ജോലി തിരക്കുള്ളവർക്കും ഹോസ്റ്റലിൽ നിൽക്കുന്ന കുട്ടികൾക്കും ഇത് വലിയൊരു ആശ്വാസമാണ്.

Also Read: നാവിൽ കപ്പലോടുന്ന രുചിയാണ്, ഇനി പൈനാപ്പിൾ കിട്ടിയാൽ ഇങ്ങനെ അച്ചാറാക്കി മാറ്റാം

വളരെ കുറഞ്ഞ ചേരുവകൾ കൊണ്ട് ചുരുങ്ങിയ സമയം കൊണ്ട് തയ്യാറാക്കാം എന്നതാണ് ഇതിന്റെ മറ്റൊരു ഗുണം. റവ വറുത്തെടുക്കുമ്പോഴുണ്ടാകുന്ന ആ മനം കവരുന്ന സുഗന്ധവും, തേങ്ങയുടെയും നെയ്യിന്റെയും സ്വാദും ചേരുമ്പോൾ തരി വട്ട് അതീവ രുചികരമാകുന്നു. ഷാഗി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഒരു കഷ്ണം ബീറ്റ്റൂട്ട് ഉണ്ടെങ്കിൽ ഇനി കറുമുറു കഴിക്കാൻ 5 മിനിറ്റിൽ സ്നാക് റെഡി

ചേരുവകൾ

• റവ-1.5 കപ്പ്
• തേങ്ങ ചിരകിയത്- 1 cup
• നല്ല ജീരകം-1/4 ടീസ്പൂൺ
• കറുത്ത എള്ള്- 1 ടേബിൾസ്പൂൺ
• ഏലയ്ക്ക പൊടി- 1/4 ടീസ്പൂൺ
• ഉപ്പ്- 1/4 ടീസ്പൂൺ
• നെയ്യ്- 1 ടേബിൾസ്പൂൺ
• പഞ്ചസാര- 3/4 കപ്പ്
• ചൂട് വെള്ളം- 1/4 കപ്പ്

Also Read: 90കളിലെ പ്രിയപ്പെട്ട മിഠായി ഇനി മതിവരുവോളം കഴിക്കാം, ഒരു സ്പൂൺ പാൽപ്പൊടി മതി

View this post on Instagram

A post shared by Shagi Ushakumar (@easy_cooking_island)

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ഒന്നര കപ്പ് റവ ചേർക്കാം.
• റവ ഇളം ബ്രൗൺ നിറമായി മാറുമ്പോൾ ചിരകിയ തേങ്ങയും, കാൽ ടീസ്പൂൺ ജീരകവും, ഒരു ടേബിൾസ്പൂൺ കറുത്ത എള്ള്, കാൽ ടീസ്പൂൺ ഏലയ്ക്കപ്പൊടി, ആവശ്യത്തിന് ഉപ്പ്, ഒരു ടേബിൾസ്പൂൺ നെയ്യ് എന്നിവ ഒഴിച്ചിളക്കി യോജിപ്പിക്കാം.
• കൈ ഉപയോഗിച്ച് നന്നായി ഇളക്കിയതിനു ശേഷം തീ ഓണാക്കാം. കുറഞ്ഞ തീയിൽ പത്ത് മിനിറ്റ് റവ വറുക്കാം.
• ശേഷം മുക്കാൽ കപ്പ് പഞ്ചസാര ചേർത്തിളക്കാം. കാൽ കപ്പ് ചൂടുവെള്ളം ഒഴിച്ച് റവ ഇളക്കി യോജിപ്പിക്കാം, ശേഷം അടുപ്പണയ്ക്കാം.
• കൈകൾ ഉപയോഗിച്ച് ഇഷ്ടമുള്ള ആകൃതിയിലാക്കിയെടുത്ത് കഴിക്കാം. 

Read More: മാവ് പുളിക്കാൻ കാത്തിരിക്കേണ്ട; പഞ്ഞിപോലെ മൃദുവായ അപ്പത്തിന് ഇനി മാവ് ഇങ്ങനെ തയ്യാറാക്കാം