പ്രോട്ടീനും വിറ്റാമിനും നിറഞ്ഞ ഈ സാലഡ് മതി, ഇനി വിശപ്പ് ശമിപ്പിക്കുന്നതിനൊപ്പം ശരീരഭാരവും നിയന്ത്രിക്കാം

ചപ്പാത്തിക്കൊപ്പം നിങ്ങൾ എന്ത് കറിയാണ് കഴിക്കാറുള്ളത്?. രാവിലത്തെ തിരക്കിനിടയിൽ വളരെ സമയമെടുത്ത് കറി തയ്യാറാക്കാൻ ഇനി നിൽക്കേണ്ട. അൽപം സവാളയും ബീറ്റ്റൂട്ടും ഉണ്ടെങ്കിൽ ഹെൽത്തിയായി രുചികരമായി ഒരു ചപ്പാത്തി സാലഡ് തയ്യാറാക്കാം.

Also Read:  Food ഒരു സവാള മതി, ഇനി ബ്രേക്ക്ഫാസ്റ്റിനും ഉച്ചയൂണിനും കറി തയ്യാറാക്കാം 2 മിനിറ്റിൽ

മിനിറ്റുകൾക്കുള്ളിൽ കറി റെഡി, ചോറിനൊപ്പവും ഇത് കഴിക്കാവുന്നതാണ്. റിസ്വാന തൻ്റെ ഇൻസ്റ്റഗ്രാം പേജിലൂടെയാണ് സവാള ബീറ്റ്റൂട്ട് സാലഡ് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ശരീരഭാരം നിയന്ത്രിക്കാം പ്രതിരോധ ശേഷി വർധിപ്പിക്കാം, വൈകിട്ട് കഴിക്കാൻ ഒരു ഹെൽത്തി സ്നാക്ക് ഇതാ

ചേരുവകൾ

• സവാള- 2
• ബീറ്ററൂട്ട്- 1/2 
• പച്ചമുളക്- 2
• ഉപ്പ്- ആവശ്യത്തിന്
• വിനാഗിരി- 1 ടേബിൾസ്പൂൺ
• മല്ലിയില- ആവശ്യത്തിന്

Also Read: കഠിനമായ ഡയറ്റുകൾ വേണ്ട, ശരീരഭാരം നിയന്ത്രിക്കാൻ ഇനി ഭക്ഷണത്തിനൊപ്പം ഇത് ശീലമാക്കൂ

തയ്യാറാക്കുന്ന വിധം

• രണ്ട് സവാള കട്ടി കുറച്ച് ചെറുതായി അരിഞ്ഞെടുക്കാം.
• ഇടത്തരം വലിപ്പമുള്ള ഒരു ബീറ്റ്റൂട്ട് ചെറുതായി അരിഞ്ഞതും, രണ്ട് പച്ചമുളക് അരിഞ്ഞതും, ആവശ്യത്തിന് ഉപ്പും ചേർക്കാം. 
• ഒരു ടേബിൾസ്പൂൺ വിനാഗിരി കൂടി ഒഴിച്ചിളക്കി യോജിപ്പിക്കാം.
• വിളമ്പുന്നതിന് മുമ്പായി കുറച്ച് മല്ലിയില കൂടി ചേർക്കാം. 
• ചൂട് ചപ്പാത്തിക്കൊപ്പം കഴിച്ചു നോക്കൂ.

Read More: ഹെൽത്തിയായി ശരീരഭാരം നിയന്ത്രിക്കാം, ദിവസവും ഒരു നേരം ഈ സാലഡ് കഴിക്കൂ