കഠിനമായ ഡയറ്റില്ലാതെ ശരീരഭാരം കുറയ്ക്കാം, ബ്രേക്ക്ഫാസ്റ്റിൽ ഇത് ഉൾപ്പെടുത്തൂ

ആരോഗ്യപ്രേമികൾക്കിടയിൽ വളരെയേറെ പ്രചാരമുള്ള ഒരു ഭക്ഷണമാണ് റാഗി. ഇരുമ്പ് സത്ത്, കാൽസ്യം, നാരുകൾ എന്നിവയാൽ സമ്പന്നമായ റാഗിയും ഗോതമ്പും ചേർത്തുണ്ടാക്കുന്ന ദോശ രുചികരവും ഒപ്പം പോഷകസമൃദ്ധവുമാണ്.

Also Read: അരി വേണ്ട രുചിയിൽ വിട്ടുവീഴ്ചയുമില്ല; 15 മിനിറ്റിൽ ഒരുക്കാം പോഷകസമൃദ്ധമായ ബിരിയാണി

പ്രമേഹരോഗികൾക്കും ശരീരഭാരം കുറയ്ക്കാൻ ആഗ്രഹിക്കുന്നവർക്കും പ്രഭാതഭക്ഷണമായി കഴിക്കാൻ പറ്റിയ ഏറ്റവും മികച്ച വിഭവമാണിത്. വളരെ എളുപ്പത്തിൽ തയ്യാറാക്കാവുന്ന റാഗി ഗോതമ്പ് ദോശയുടെ റെസിപ്പി താഴെ നൽകുന്നു.

Also Read: ചോറ് ബാക്കി വന്നോ? 5 മിനിറ്റിൽ തയ്യാറാക്കാം കിടിലൻ ഫ്രൈഡ് റൈസ്

ചേരുവകൾ

• റാഗി പൊടി - 1 കപ്പ്
• ഗോതമ്പ് പൊടി - 1/2 കപ്പ്
• അരിപ്പൊടി - 2 ടേബിൾ സ്പൂൺ (ദോശ മൊരിഞ്ഞു കിട്ടാൻ)
• തൈര് - 1/4 കപ്പ്
• സവാള - 1 എണ്ണം (ചെറുതായി അരിഞ്ഞത്)
• പച്ചമുളക് - 2 എണ്ണം
• ഇഞ്ചി - ഒരു ചെറിയ കഷ്ണം (അരിഞ്ഞത്)
• കറിവേപ്പില, മല്ലിയില - ആവശ്യത്തിന്
• ജീരകം - 1/2 ടീസ്പൂൺ
• ഉപ്പ് - ആവശ്യത്തിന്
• വെള്ളം - മാവ് കലക്കാൻ ആവശ്യത്തിന്
• എണ്ണ അല്ലെങ്കിൽ നെയ്യ് - ദോശ ചുട്ടെടുക്കാൻ

Also Read: ആരോഗ്യകരമായ ഈ പ്രഭാത ഭക്ഷണം കഴിക്കാൻ ആരും മടികാണിക്കില്ല

തയ്യാറാക്കുന്ന വിധം

• ആദ്യമായി ഒരു വലിയ പാത്രത്തിൽ റാഗി പൊടി, ഗോതമ്പ് പൊടി, അരിപ്പൊടി എന്നിവ എടുക്കാം. ഇതിലേക്ക് തൈരും ആവശ്യത്തിന് ഉപ്പും ചേർക്കാം. കട്ടകളില്ലാതെ അല്പം വെള്ളം ഒഴിച്ച് നന്നായി കലക്കിയെടുക്കാം. സാധാരണ ദോശമാവിനേക്കാൾ അല്പം കൂടി അയഞ്ഞ പരുവത്തിലായിരിക്കണം ഈ മാവ് (റവ ദോശയുടെ മാവ് പോലെ).
• തയ്യാറാക്കി വെച്ചിരിക്കുന്ന മാവിലേക്ക് അരിഞ്ഞ സവാള, പച്ചമുളക്, ഇഞ്ചി, കറിവേപ്പില, മല്ലിയില, ജീരകം എന്നിവ ചേർത്ത് നന്നായി ഇളക്കാം. ഈ മാവ് ഏകദേശം 15-20 മിനിറ്റ് അടച്ചു വെക്കുന്നത് ദോശ കൂടുതൽ മൃദുവാകാൻ സഹായിക്കും.
• ഒരു ദോശക്കല്ല് അടുപ്പത്ത് വെച്ച് ചൂടാക്കാം. കല്ല് നന്നായി ചൂടായ ശേഷം അല്പം എണ്ണ തടവാം. മാവ് ഒന്നുകൂടി ഇളക്കിയ ശേഷം ഒരു തവി മാവ് എടുത്ത് കല്ലിന്റെ വശങ്ങളിൽ നിന്ന് തുടങ്ങി നടുവിലേക്ക് ഒഴിക്കാം (ഇത് പരത്താൻ ശ്രമിക്കരുത്). വശങ്ങളിൽ അല്പം എണ്ണയോ നെയ്യോ തൂവി കൊടുക്കാം.
• മിതമായ തീയിൽ വേവിച്ചെടുക്കാം. ഒരു വശം നന്നായി മൊരിഞ്ഞു വരുമ്പോൾ മറിച്ചിടാം. രണ്ടു വശവും പാകമായാൽ ചൂടോടെ വാങ്ങാം.

Read More: അരിപ്പൊടി വേണ്ട, പൂപോലുള്ള ഇടിയപ്പം ഇങ്ങനെ തയ്യാറാക്കാം