ഒരു കപ്പ് ഗോതമ്പ് പൊടി മതി, ഇനി ബ്രേക്ക്ഫാസ്റ്റ് കഴിക്കാൻ ആരും മടികാണിക്കില്ല

അതിരാവിലെ അടുക്കളയിലെ തിരക്കുകൾക്കിടയിൽ പോഷകഗുണമുള്ളതും എന്നാൽ പെട്ടെന്ന് തയ്യാറാക്കാൻ സാധിക്കുന്നതുമായ വിഭവങ്ങൾ കണ്ടെത്തുക ഏറെ പ്രയാസകരമാണ്.  പഴുത്ത പഴവും ഗോതമ്പ് പൊടിയും ഉണ്ടെങ്കിൽ വെറും 20 മിനിറ്റിനുള്ളിൽ തയ്യാറാക്കാവുന്ന ഒന്നാണ് ബനാന ചീല.

Also Read: ക്രിസ്മസ് വിരുന്നിന് മാറ്റേകാൻ ബീഫ് കട്ലറ്റ് വീട്ടിൽ ഉണ്ടാക്കാം

പഴം കഴിക്കാൻ മടി കാണിക്കുന്ന കുട്ടികൾക്ക് പോലും ഇതിന്റെ രുചി ഏറെ ഇഷ്ടപ്പെടും. സ്വാഭാവികമായ മധുരവും മൃദുവായ ഈ വിഭവം പ്രഭാതഭക്ഷണമായും നാലുമണി പലഹാരമായും ഒരുപോലെ ഉപയോഗിക്കാം. 

Also Read: ആരോഗ്യകരമായ ഈ പ്രഭാത ഭക്ഷണം കഴിക്കാൻ ആരും മടികാണിക്കില്ല

ചേരുവകൾ

• പഴുത്ത പഴം- 2 എണ്ണം
• പാൽ- 1/2 കപ്പ്
• ഗോതമ്പ് പൊടി- ആവശ്യത്തിന് 
• തേൻ- 2 ടേബിൾ സ്പൂൺ
• നെയ്യ്- 1 ടേബിൾ സ്പൂൺ

Also Read: ക്രിസ്മസിന് മധുരം പകരാൻ ഒരു സ്റ്റീം പുഡിംഗ്, 3 ചേരുവകൾ മതി

തയ്യാറാക്കുന്ന വിധം

• ആദ്യമായി പഴം ചെറിയ കഷ്ണങ്ങളാക്കി മിക്സിയിൽ അരച്ചെടുക്കാം. ഇതിലേക്ക് അര കപ്പ് പാൽ കൂടി ചേർത്ത് നന്നായി അരയ്ക്കാം.
• അരച്ചെടുത്ത മിശ്രിതം ഒരു പാത്രത്തിലേക്ക് മാറ്റാം. ഇതിലേക്ക് തേൻ ചേർത്ത് നന്നായി ഇളക്കാം. 
• ശേഷം ഗോതമ്പ് പൊടി അല്പാല്പമായി ചേർത്ത് ഇളക്കി ദോശമാവിന്റെ പരുവത്തിൽ തയ്യാറാക്കാം. കട്ടകൾ ഇല്ലാതെ ഇളക്കാൻ ശ്രദ്ധിക്കണം.
• ഒരു നോൺ-സ്റ്റിക് പാൻ അടുപ്പത്ത് വച്ച് ചൂടാകുമ്പോൾ അല്പം നെയ്യ് തടവാം. ഒരു തവി മാവ് ഒഴിച്ച് വട്ടത്തിൽ നേർത്ത രീതിയിൽ പരത്താം. രണ്ട് വശവും ഗോൾഡൻ ബ്രൗൺ നിറമാകുന്നത് വരെ ചെറിയ തീയിൽ ചുട്ടെടുക്കാം.
• ഇത് ചൂടോടെ കഴിക്കാം. മുകളിൽ കുറച്ചേ തേൻ കൂടി ഒഴിച്ചാൽ കൂടുതൽ രുചികരമാക്കാം. 

Read More: ഉച്ചയൂണ് രുചികരവും പോഷകസമ്പന്നവുമാക്കാം, ഈ തോരൻ ട്രൈ ചെയ്യൂ